Wp/efi/Ikechukwu Ezenwa
Ikechukwu Vincent Ezenwa (Akamana ke 16 October 1988) enye edi Ata Ebre Mbre Ikpat mbre ikpa eke Mbon Nigeria emi ebrede mbre idahaemi enye edi Ekpeme inuaotop mbre ikpa ọnọ Nka emi ekotde Katsina United F.C emi odude ke Nigeria.
Ubọkọkọ nka
[edit | edit source]Ezenwa ọkọtọnọ ndibre mbre ikpa esie ye Nka emi ekotde Ocean Boys Mbemiso ọkpọnọde aka Heartland FC ke July 2008. Enye ama ọkpọn aka Nka emi ekotde Ifeanyi Ubaha ke 2016. Ediomi mbubehe esie ama okure ke 2017. Ekem enye ama esika Enyimba ekebere mbre ikpa. Ediomi mbubehe esie ye Enyimba onyun okure ke 2018. Enye ama ọkpọn akediana ye Katsina United ke January 1 2019.
Owo kiet emi Ezenwa enehede okpono ekedi kiet ke otu mme Andikpep nte ekpemede inuaotop mbre ikpa emi ekesinde akamba udọn ọnọ enye ke ubọkọkọ esie ekedi Akani Andikpep mbre mbuba eke Nka Sunshine Stars, Daramola Nicholas Akinsehinwa ke ufọt isua 2013 tutu esim 2016. Ke ini enye ekeberede ye Sunshine FC. Ezenwa ama enehede ọfiọk ndidi eti ekpeme inuaotop mbre ikpa. Nigeria ema ekut ke Ezenwa enehede ọfiọk ndimum Ikpa, ntak edi oro eketienede esin enyin esie ke otu mme ebre mbre ikpa nnọ Nigeria oro ekekade World Cup ke 2014.
Ubọkọkọ Ofuri Ererimbot
[edit | edit source]Ezenwa ekedi kiet ke otu mbon oro ekeberede mbre ikpa eno Nigeria U-23, man ese mme mmo edot ndika Olympics ke 2008. Ekem Sunday Oliseh emi ekedide andise mbana mme ebre mbre ikpa ono Nigeria ama edikot Ezenwa esin ke Super Eagles ke 2015.
Akpa akpa, Ezenwa ekesidi udiana ọnọ Carl Ikeme, edi ke Carl Ikeme ama akada unan, Gernot Rohr, emi ekedimekde nte andise mbana mme ebre mbre ikpa Nigeria, ama ekot Ezenwa edida ke inuaotop ọnọ Nigeria ke ini mmo ekeyomde ndibre mbre ikpa man edot ndika World Cup ye Nations Cup. Ikaba oro Nigeria ekeberede ye 'Indomitable Lion' nka mbon Cameroon man ese mme mmo edot ndika World ke 2018, Ezenwa ama enehede anam ofon sia enye akada ke inuaotop. Ntre ke May 2018, ema etiene esin enyin esie ke otu owo 30 oro Nigeria edisatde isio ida ika World Cup ke Russia ke 2018.