Wp/crs/Larenyon

Larenyon, i en zil dan Losean Endyen ki en departman ek rezyon aletranze Lafrans. En parti bann zil Mascarene, i sitie anviron 679 kilomet dan les avek zil Madagaskar e 175 kilomet dan sid was avek zil Moris. apartir zanvye 2024, i ti annan en popilasyon 885,700. son kapital e pli gran lavil i Saint-Denis. Larenyon pa ti ganny abite ziska ki bann imigran Franse ek bann size kolonyal ti etablir sa zil dan 17enm syek. son klima tropikal ti anmenn ver devlopman en lekonomi plantasyon ki ti konsantre prensipalman lo disik; bann lesklav sorti dan Les Lafrik ti ganny enporte koman bann travayer lo teren, swivi par bann Male, Vietnamien, Sinwan, e Endyen koman bann travayer kontra. Ozordi, pli gran proporsyon popilasyon i desandans melanze, tandis ki langaz prensipal i Kreol Renyon, menm si Franse i reste sel langaz ofisyel. depi 1946, larenyon in ganny gouvernen koman en rezyon franse e alor i annan en stati parey avek son bann omolog dan lafrans metropolitan. An konsekans, i enn bann rezyon pli lwen dan Linyon Eropeen e form parti zonn Ero; i, ansanm avek departman aletranze Franse Mayotte, enn parmi sa de rezyon zonn ero dan Lemisfer Sid. akoz son lokasyon stratezik, Lafrans i mentenir en gran prezans militer.