Wp/crs/Mayotte
.svg)
Mayotte i en departman ek rezyon aletranze e en sel kolektivite teritoryal Lafrans. I trouve dan parti nor Kanal Mozanbik dan Losean Endyen lo lakot Sid-Es Lafrik, ant Nor-Was Madagaskar ek Nor-Es Mozanbik. Mayotte i konpoze avek en zil prensipal, Grande-Terre (oubyen Maore), en pli pti zil, Petite-Terre (oubyen Pamanzi), osi byen ki plizyer pti zil otour sa de. Mayotte i teritwar pli prosper dan Kanal Mozanbik, ki fer li en destinasyon mazer pou imigrasyon. Siperfisi later Mayotte i 374 kilomet kare i annan en popilasyon 320,901 dimoun dapre estimasyon ofisyel Zanvye 2024. i tre peple avek 858 zabitan par kilomet kare. pli gran lavil ek prefektir i Mamoudzou lo Grande-Terre. Erport Enternasyonal Dzaoudzi-Pamandzi i trouve lo zil vwazen Petite-Terre. sa teritwar i osi koni koman Maore, non natif son zil prensipal. Mayotte i enn bann departman aletranze Lafrans osi byen ki enn parmi dizwit rezyon Lafrans, avek menm stati ki bann departman Metropolitan Lafrans.