Wp/cop/Ⲡⲓⲥⲟⲗⲥⲉⲗ

Ϩⲁⲛⲑⲉϣⲉⲩ ⲙ̀ⲡⲓⲤⲟⲗⲥⲉⲗ ⲙ̀ⲫⲣⲏⲥ.

Ⲡⲓⲥⲟⲗⲥⲉⲗ ⲟⲩϯⲙⲓ ϧⲉⲛⲡⲓⲰ̀ⲡⲓ ⲡⲓⲑⲱϣ ⲡⲉ. Ⲟⲩⲟⲛ ϯⲙⲓ ⲥⲛⲁⲩ ⲉⲧⲉ ⲛⲁⲓ ⲛⲉ ⲡⲓⲤⲟⲗⲥⲉⲗ ⲙ̀ⲡⲉⲙϩⲓⲧ (ϯⲙⲉⲧⲁ̀ⲣⲁⲃⲟⲥ: الزينية بحري) ⲛⲉⲙⲡⲓⲤⲟⲗⲥⲉⲗ ⲙ̀ⲫⲣⲏⲥ (ϯⲙⲉⲧⲁ̀ⲣⲁⲃⲟⲥ: الزينية قبلي).

Ϯⲉⲧⲩⲙⲟⲗⲟⲅⲓⲁ̀

Ⲡⲓⲣⲁⲛ ⲛ̀ϯⲙⲓ ϧⲉⲛϯⲙⲉⲧⲁⲣⲁⲃⲟⲥ ⲡⲉ الزينية ⲁⲍⲍⲉⲓⲛⲓⲁ. Ⲁⲗⲗⲁ ⲙ̀ⲙⲟⲛϣϫⲟⲙ ⲙ̀ⲙⲱⲧⲉⲛ ⲉ̀ϫⲓⲙⲓ ⲡⲁⲓⲣⲁⲛ ϧⲉⲛⲥϧⲓ ⲛ̀ϫⲓϫ ⲛ̀ⲣⲉⲙⲛ̀ⲭⲏⲙⲓ ⲛ̀ⲁⲡⲁⲥ ⲟⲩⲟϩ ⲉⲑⲃⲉⲫⲁⲓ ⲙⲁⲗⲓⲥⲧⲁ ⲡⲁⲓⲣⲁⲛ ⲛ̀ⲁⲣⲁⲃⲟⲥ ⲡⲉ ⲉⲧⲁⲩⲉⲣⲙⲉⲛⲉⲩⲓⲛ ⲙ̀ⲙⲟϥ ⲉ̀ϯⲙⲉⲧⲣⲉⲙⲛ̀ⲭⲏⲙⲓ ⲉ̀ⲃⲟⲗ ϩⲓⲧⲉⲛϩⲁⲛⲣⲉⲙⲫⲙⲁ.

Ϯⲁⲥⲡⲓ

Ⲛⲁⲣⲉⲡⲓϧⲟⲧϧⲉⲧ ⲛ̀ⲧⲉⲞⲩⲉⲣⲛⲉⲣ Ⲃⲓⲧⲥⲓϩⲗ ⲉⲧⲁϥϣⲉⲡⲧⲱⲣⲓ ϧⲉⲛ1930 ⲭⲏ ⲉⲧⲭⲱⲣⲓⲛ ⲙ̀ⲡⲓϫⲓⲛⲃⲉⲃⲓ ⲛ̀ⲧⲉϯⲙⲉⲧⲣⲉⲙⲛ̀ⲭⲏⲙⲓ ⲉ̀ⲧⲁⲩⲛⲟϩⲉⲙϥ ⲛ̀ϫⲉ ⲛⲓⲣⲉⲙⲛ̀ϯⲙⲓ ⲟⲩⲟϩ ⲁϥⲙⲉⲩⲓ̀ ϫⲉ ⲫⲁⲓ ⲡⲉ ⲟⲩϩⲓⲕⲟⲛⲓⲕⲟⲥ ⲛ̀ⲧⲉⲛⲓⲡⲁⲣⲁⲇⲟⲥⲓⲥ ⲛ̀ⲁⲣⲭⲉⲟⲥ. Ⲁⲩϧⲉⲧϧⲱⲧϥ ⲛⲉⲙⲞⲩⲓⲗⲓⲁⲙ Ⲟⲩⲱⲣⲉⲗ ⲟⲩⲟϩ ⲁⲩⲭⲁϥ ⲉ̀ⲃⲟⲗ ϧⲉⲛⲟⲩϫⲱⲙ ϫⲉ "Ⲛⲓⲡⲁⲣⲁⲇⲟⲥⲓⲥ ⲛ̀ⲗⲁⲟⲥ ⲛ̀ⲧⲉϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ" (ϯⲙⲉⲧⲁⲅⲅⲗⲟⲥ: Popular Traditions of the Coptic Language) ϧⲉⲛ1942.

Ⲁⲗⲗⲁ ⲟⲩⲟⲛⲟⲩⲁⲛⲧⲓⲗⲉⲅⲓⲛ ⲉϥϫⲱ ⲙ̀ⲙⲟⲥ ϫⲉϯⲙⲉⲧⲣⲉⲙⲛ̀ⲭⲏⲙⲓ ⲛ̀ⲧⲉⲡⲓⲤⲟⲗⲥⲉⲗ ⲁⲩⲧⲥⲁⲃⲟ ⲉ̀ⲣⲟⲥ ϧⲉⲛ19 ⲛ̀ⲉ̀ⲱⲛ ⲉ̀ⲃⲟⲗ ϧⲉⲛϩⲁⲛϫⲱⲙ ⲛ̀ⲧⲉⲛⲓⲣⲉϥⲧⲟⲩⲛⲟⲥ ⲙ̀ⲫⲣⲏϯ ⲛ̀Ⲛⲁϫⲓⲃ ⲡϣⲏ Ⲙⲓⲭⲁⲏⲗ ⲛⲉⲙⲀ̀ⲧⲓⲁ̀ Ⲟⲩⲁϩⲃⲓ Ⲡⲉⲓ ⲉ̀ⲧⲁⲩϭⲓⲥⲃⲱ ⲉ̀ⲃⲟⲗ ϧⲉⲛⲛⲓⲕⲁϩⲥ ⲛ̀ⲧⲉϯⲗⲓⲧⲟⲩⲣⲅⲓⲁ̀ ⲛⲉⲙⲛⲓϫⲓⲛⲃⲉⲃⲓ ⲉ̀ⲧⲁⲩⲧⲱⲛⲟⲩ ⲛ̀ⲕⲉⲥⲟⲡ ⲉ̀ϩⲟⲧⲉ ⲟⲩⲡⲁⲣⲁⲇⲟⲥⲓⲥ ⲛ̀ⲁⲧⲟⲩⲱϫⲡ.

Ⲟⲩⲟⲛⲟⲩⲙⲏϣ ⲛ̀ⲥⲁϫⲓ ⲉⲧⲁⲩⲧⲁⲃⲧⲉⲃ ⲙ̀ⲙⲱⲟⲩ ⲉⲃⲟⲗ ϩⲓⲧⲉⲛⲛⲓⲣⲉⲙⲙⲡⲓⲥⲟⲗⲥⲉⲗ ⲙ̀ⲫⲣⲏϯ ⲛ̀ⲛⲉϩⲱⲛⲓ ⲛⲉⲙⲡⲟⲛ ⲛⲉⲙⲭⲣⲉⲙⲧⲥ ⲛⲉⲙϣⲱⲙⲓⲱⲓ.