Wp/cop/Ⲓ̀ⲁ̀ⲣⲟ ⲛ̀Ⲭⲏⲙⲓ
Ⲫⲓⲁ̀ⲣⲟ ⲛ̀Ⲭⲏⲙⲓ ⲟⲩⲓ̀ⲁ̀ⲣⲟ ⲛ̀ⲟⲩⲱⲧ ϧⲉⲛⲬⲏⲙⲓ ⲡⲉ. Ⲫⲁⲓ ⲡⲉ ⲡⲓⲓ̀ⲁ̀ⲣⲟ ⲉⲩϣⲏⲟⲩ ⲉ̀ϩⲟⲧⲉ ϩⲁⲛⲓ̀ⲁ̀ⲣⲱⲟⲩ ⲧⲏⲣⲟⲩ ϧⲉⲛϯⲀ̀ⲫⲣⲓⲕⲏ̀ ⲛⲉⲙⲡⲓⲕⲟⲥⲙⲟⲥ[1] (ⲁⲗⲗⲁ ϩⲁⲛⲟⲩⲟⲛ ⲙ̀ⲡⲏⲅⲏ ⲥⲉⲙⲉⲩⲓ̀ ϫⲉⲀⲙⲁⲍⲱⲛ ⲉⲩϣⲏⲟⲩ ⲉ̀ϩⲟⲧⲉ)[2]. Ⲫⲓⲁ̀ⲣⲟ ϥ̀ⲓⲣⲓ ⲛ̀6853 ⲛ̀ⲭⲓⲗⲓⲟ̀ⲙⲉⲧⲣⲟⲛ ⲛ̀ϣⲓⲏ ⲟⲩⲟϩ ⲟⲩⲓ̀ⲁ̀ⲣⲟ ⲟⲩⲧⲉϣⲗⲱⲗ ⲡⲉ ⲉⲑⲃⲉⲧⲉϥⲑⲉⲥⲓⲥ ϧⲉⲛϩⲁⲛⲙⲏϣ ⲛ̀ⲭⲱⲣⲁ – Ⲧⲁⲛⲍⲁⲛⲓⲁ̀ ⲛⲉⲙⲞⲩⲅⲁⲛⲧⲁ ⲛⲉⲙⲢⲟⲩⲁⲛⲧⲁ ⲛⲉⲙⲠⲟⲩⲣⲟⲩⲛϯ ⲛⲉⲙⲡⲓ-Ϩⲉⲃⲇⲏⲙⲟⲥⲓⲱⲛ ⲛ̀ⲇⲏⲙⲟⲕⲣⲁⲧⲓⲕⲟⲛ ⲛ̀ⲧⲉⲔⲱⲅⲅⲟ ⲛⲉⲙⲬⲉⲛⲓⲁ̀ ⲛⲉⲙⲈ̀ⲑⲓⲟ̀ⲡⲓⲁ̀ ⲛⲉⲙⲈⲣⲩⲑⲣⲁⲓⲁ ⲛⲉⲙⲡⲓ-Ⲥⲟⲩⲇⲁⲛ ⲙ̀ⲫⲣⲏⲥ ⲛⲉⲙⲡⲓ-Ⲥⲟⲩⲇⲁⲛ ⲛⲉⲙⲬⲏⲙⲓ.
Ⲫⲓⲁ̀ⲣⲟ ⲟⲩⲟⲛⲧⲉϥ ⲥⲛⲁⲩ ⲛ̀ⲛⲓϣϯ ⲛ̀ⲛⲏ ⲉⲧϯϣⲱⲙ – Ⲫⲓⲁ̀ⲣⲟ ⲛ̀ⲟⲩⲟⲃϣ ⲛⲉⲙⲪⲓⲁ̀ⲣⲟ ⲛ̀ⲁ̀ⲥⲓⲗⲱⲛ. Ⲫⲓⲁ̀ⲣⲟ ⲛ̀ⲟⲩⲟⲃϣ ⲧⲉ ϯϣⲱⲣⲡ ⲛ̀ⲁⲣⲭⲏ ⲟⲩⲟϩ ϥ̀ⲧⲱⲟⲩⲛ ⲉ̀ⲃⲟⲗ ϧⲉⲛϯⲭⲱⲣⲁ ⲛ̀ⲧⲉⲛⲓⲛⲓϣϯ ⲛ̀ⲗⲩⲙⲛⲏ ⲟⲩⲟϩ ϥ̀ⲥⲱⲕ ⲟⲩⲧⲉⲦⲁⲛⲍⲁⲛⲓⲁ̀ ⲛⲉⲙⲂⲓⲕⲧⲟⲣⲓⲁ̀ ϯⲗⲩⲙⲛⲏ ⲛⲉⲙⲞⲩⲅⲁⲛⲧⲁ ⲛⲉⲙⲡⲓ-Ⲥⲟⲩⲇⲁⲛ ⲙ̀ⲫⲣⲏⲥ. Ⲫⲓⲁⲣⲟ ⲛ̀ⲁ̀ⲥⲓⲗⲱⲛ ϥ̀ⲉⲣϩⲏⲧⲥ ϧⲉⲛⲐⲁⲛⲁ ϯⲗⲩⲙⲛⲏ ϧⲉⲛⲀⲓⲑⲓⲟⲡⲓⲁ̀ ⲟⲩⲟϩ ϥ̀ⲥⲱⲕ ϣⲁⲡⲓ-Ⲥⲟⲩⲇⲁⲛ. Ⲥⲛⲁⲩ ⲛ̀ⲓ̀ⲁ̀ⲣⲟ ⲥⲉϩⲟⲧⲡⲟⲩ ϧⲉⲛϯⲙⲏⲧⲣⲟⲡⲟⲗⲓⲥ ⲛ̀ⲉⲛϩⲱⲥⲓ ⲡⲓϦⲉⲣⲑⲟⲩⲙ.
Ⲡⲓⲣⲁⲛ
[edit | edit source]Ⲡⲓⲣⲁⲛ ⲙ̀ⲫⲓⲁ̀ⲣⲟ ϧⲉⲛⲡⲓⲥϧⲁⲓ ⲛ̀ⲥⲁϧⲫⲣⲁⲛϣ ⲡⲉ
|
ⲁϫⲓ jatraw (jtr.w) ⲉⲧϫⲉⲣⲉ "ⲓ̀ⲁ̀ⲣⲟ" ⲛⲉⲙ
|
ⲁϫⲓ /ħɑːpi/ (ḥꜥpj), Ϩⲱⲡⲓ, ⲡⲓⲣⲁⲛ ⲛ̀ⲟⲩⲛⲟⲩϯ ⲛ̀ϯⲑⲣⲉⲥⲕⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ.
Ϩⲁⲛⲙⲏϣ ⲛ̀ⲕⲉⲁⲥⲡⲓ ⲁϥϭⲓ ⲙ̀ⲡⲓⲣⲁⲛ ⲛ̀ⲧⲉⲪⲓⲁ̀ⲣⲟ ⲙ̀ⲡⲓⲥⲁϫⲓ ⲙ̀ⲙⲉⲧⲟⲩⲉⲓⲛⲓⲛ ⲛ̀ⲁ̀ⲡⲁⲥ Νεῖλος (ⲙ̀ⲙⲉⲑⲣⲱⲙⲁⲓⲟⲥ: Nilus, ⲙ̀ⲙⲉⲧⲁ̀ⲣⲁⲃⲟⲥ: النيل ⲁⲛⲛⲓⲗ). Ϯⲉ̀ⲧⲩⲙⲟⲗⲟⲅⲓⲁ̀ ⲉⲧⲁⲩϩⲓⲟⲓ ⲛ̀ϫⲉⲎ̀ⲥⲓⲟⲇⲟⲥ ϧⲉⲛⲐⲉⲟ̀ⲅⲟⲛⲓⲁ̀ ⲁϥⲥⲁϫⲓ ϫⲉ ⲁ̀Ⲛⲉⲓⲗⲟⲥ ϣⲱⲡⲓ ⲟⲩⲟⲛ ⲙ̀ⲡⲟⲧⲁⲙⲟⲓ (ⲛⲓⲛⲟⲩϯ ⲛ̀ⲓⲁⲣⲟ) ⲛ̀ϫⲉⲡⲓϣⲏⲣⲓ ⲛ̀Ⲱ̀ⲕⲉⲁⲛⲟⲥ ⲛⲉⲙⲦⲏⲑⲩⲥ[3]. Ⲟⲩⲕⲉⲉ̀ⲧⲩⲙⲟⲗⲟⲅⲓⲁ̀ ϥ̀ϭⲓⲧϥ ⲉ̀ϫⲉⲛ ⲡⲓⲥⲁϫⲓ ⲛ̀ⲛⲓⲁⲥⲡⲓ ⲛ̀ⲣⲉⲙⲛⲥⲏⲙ «ⲛⲁϩⲁⲗ» ⲉⲧϥ̀ϫⲉⲣⲉ ⲟⲛ "ⲓ̀ⲁ̀ⲣⲟ".[4]
Ϩⲁⲛⲁⲣⲭⲏ
[edit | edit source]- ↑ "Nile River". Encyclopædia Britannica. Archived from the original on 29 April 2015.
- ↑ Amazon Longer Than Nile River, Scientists Say
- ↑ «Τηθὺς δ᾽ Ὠκεανῷ Ποταμοὺς τέκε δινήεντας, Νεῖλόν τ᾽ Ἀλφειόν τε καὶ Ἠριδανὸν βαθυδίνην» (ⲏⲥⲓⲟⲇⲟⲥ, "ⲑⲉⲟⲅⲟⲛⲓⲁ", 337-8).
- ↑ "Nile". Online Etymology Dictionary.