Wp/cop/Ⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲙ̀ⲫⲁⲓⲁⲧ

Ⲡϫⲱⲙ Ⲫⲱⲇⲙⲉⲣ III ⲉⲧⲱⲗⲓ ⲡⲓⲤⲱⲛⲧ ⲛⲉⲙⲡⲓⲉⲩⲁⲅⲅⲉⲗⲓⲟⲛ ⲕⲁⲧⲁⲒⲱⲁⲛⲛⲏⲥ ⲉⲧⲁⲩⲥϧⲏⲧϥ ϧⲉⲛⲆ̅-Ⲉ̅ ⲛ̀ⲉⲱⲛ ⲟⲩⲟϩ ⲉ̀ⲧⲉⲡⲉ ⲡⲓϩⲟⲩⲧ ⲛ̀ⲧⲩⲡⲟⲥ ⲛ̀ⲧⲉϯⲙⲉⲧⲣⲉⲙⲛⲑⲗⲩⲙⲛⲏ.

Ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲛ̀ⲧⲉⲐⲗⲩⲙⲛⲏ ϣⲁⲛϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲙ̀Ⲡⲉⲙϩⲓⲧ ϣⲁⲛϯⲙⲉⲧⲫⲁⲓⲁⲧ ⲟⲩⲁⲥⲡⲓⲡⲉ ⲛ̀ⲧⲉϯⲙⲉⲧⲣⲉⲙⲛ̀ⲭⲏⲙⲓ ⲉⲧⲁⲥⲣⲟⲧⲥ ⲡⲁⲣⲁⲢⲁⲕⲟϯ ⲛⲉⲙⲠⲥⲁϧⲏⲧ ⲉⲩⲥⲟⲡ ⲛⲉⲙϢⲓϩⲏⲧ. Ⲑⲁⲓⲧⲉ ϯⲁⲥⲡⲓ ⲛ̀ⲁⲩⲑⲉⲛⲧⲓⲕⲟⲥ ⲛ̀ⲧⲉϯⲈⲕⲕⲗⲏⲥⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲛ̀ⲟⲣⲑⲟⲇⲟⲝⲟⲥ.

Ⲡⲓⲣⲁⲛ

Ⲛⲁⲩⲙⲟⲩϯ ⲉ̀ⲣⲟⲥ ϫⲉⲑⲁ-Ⲙⲉⲙϥⲓ (ⲥⲁⲃⲟⲗ ⲛ̀ⲑⲁ-Ⲱⲡⲓ ⲉ̀ⲧⲉⲑⲁⲓⲧⲉ ϯⲙⲉⲧⲣⲉⲙⲫⲙⲁⲣⲏⲥ) ⲁⲗⲗⲁ ⲉⲧⲁⲩϫⲉⲙϩⲁⲛⲙⲏϣ ⲛ̀ϩⲁⲛⲕⲉⲭⲁⲣⲧⲏⲥ ⲁⲩϫⲁⲗⲱⲟⲩ ⲛ̀ⲡⲓⲣⲁⲛ ⲉ̀ⲧⲁⲩⲛⲉϫⲥⲁϫⲓ ⲙ̀ⲙⲟϥ ⲉ̀ⲃⲟⲗ ϩⲓⲧⲉⲛⲀ̀ⲑⲁⲛⲁⲥⲓⲟⲥ ⲡⲓⲢⲉⲙⲕⲱⲥ ⲉⲧⲉⲫⲁⲓⲡⲉ ⲑⲁ-Ⲑⲗⲩⲙⲛⲏ (ϯⲙⲉⲧⲁ̀ⲣⲁⲃⲟⲥ: البحيرية). Ⲡⲓⲣⲁⲛ-ⲇⲉ ⲛ̀ⲣⲉⲙⲛ̀ⲭⲏⲙⲓ ⲛ̀ⲧⲉϯⲗⲩⲙⲛⲏ Ⲙⲁⲣⲉⲱ̀ⲧⲓⲥ ⲡⲉ Ⲛⲓⲫⲁⲓⲁⲧ.

Ϯϩⲓⲥⲧⲟⲣⲓⲁ̀

Ⲧⲁⲣⲭⲏ ⲛ̀ϯⲙⲉⲧⲣⲉⲙⲛ̀ⲑⲗⲩⲙⲛⲏⲡⲉ ϧⲉⲛⲡⲉⲙⲉⲛⲧ ⲙ̀ⲡⲉⲙϩⲓⲧ ⲛ̀Ⲭⲏⲙⲓ ϧⲉⲛⲡϣⲓ ⲛ̀Ⲛⲓⲫⲁⲓⲁⲧ. Ⲟⲩⲟⲛϣϫⲟⲙ ϫⲉⲛⲉϯⲙⲉⲧⲣⲉⲙⲡⲓϣⲙⲟⲩⲣⲧⲉ ϯⲁ̀ⲥⲡⲓ ⲛ̀ⲧⲉϯⲙⲉⲧⲫⲁⲓⲁⲧ. Ⲙⲉⲛⲉⲛⲥⲁⲡⲓϭⲣⲟ ⲉ̀Ⲭⲏⲙⲓ ⲉ̀ⲃⲟⲗ ϩⲓⲧⲉⲛⲛⲓⲁ̀ⲣⲁⲃⲟⲥ ⲁϥⲫⲱⲣϣ ϣⲁⲫⲣⲏⲥ ⲛⲉⲙⲡⲉⲓⲉⲃⲧ ⲟⲩⲟϩ ⲁϥⲉⲣϣⲉⲃⲓⲱ ⲛϯⲙⲉⲧⲣⲉⲙⲫⲙⲁⲣⲏⲥ ϧⲉⲛⲒ̅Ⲁ̅ ⲛ̀ⲉ̀ⲱⲛ. Ϯⲁ̀ⲛⲁⲫⲟⲣⲁ ⲛⲉⲙⲛⲓϩⲩⲙⲛⲟⲥ ⲛ̀ⲣⲉⲙⲛ̀ⲭⲏⲙⲓ ⲁⲩⲥϧⲏⲟⲩⲧ ϧⲉⲛϯⲙⲉⲧⲫⲁⲓⲁⲧ, ⲉⲩⲥⲟⲡ ⲛⲉⲙⲡⲓⲈⲩⲭⲟⲗⲟⲅⲓⲟⲛ ⲛⲉⲙⲦⲯⲁⲗⲙⲟⲇⲓⲁ ⲉ̀ⲑⲟⲩⲁⲃ ⲛⲉⲙⲡⲓⲀⲛⲧⲓⲫⲱⲛⲁⲣⲓⲟⲛ.

Ⲡⲓϣⲉⲃⲓⲥⲉⲙⲛⲓ ⲙ̀ⲡϫⲓⲛⲃⲉⲃⲓ ⲙ̀ⲙⲉⲧⲫⲁⲓⲁⲧ

Ϧⲉⲛⲡⲓⲥⲏⲟⲩ ⲛ̀ⲧⲉⲡⲁⲡⲁ ⲁⲃⲃⲁ Ⲕⲩⲣⲓⲗⲗⲟⲥ Ⲇ̅ ⲁ̀ⲡⲓⲟⲩⲱϣ ϣⲱⲡⲓ ϩⲓⲛⲁⲡⲓϩⲱⲧⲡ ⲛⲉⲙϯⲈⲕⲕⲗⲏⲥⲓⲁ ⲛ̀ⲟⲩⲉⲓⲛⲓⲛ ⲛ̀ⲟⲣⲑⲟⲇⲟⲝⲟⲥ. Ⲉϫⲉⲛⲛⲁⲓ Ⲁ̀ⲣⲓⲁⲛ Ⲙⲟϥⲑⲁϩ ⲁϥⲛⲱⲓⲛ ϫⲉⲟⲩⲟⲛⲡϫⲓⲛϣⲓⲃϯ ϧⲉⲛⲡⲓϫⲓⲛⲃⲉⲃ ⲛ̀ⲧⲉⲛⲓⲕⲁⲡ ⲛ̀ⲟⲩⲉⲓⲛⲓⲛ ⲙ̀ⲙⲉⲧⲣⲉⲙⲛⲭⲏⲙⲓ ⲉ̀ⲃⲟⲗ ϩⲁϯⲙⲉⲧⲟⲩⲉⲓⲛⲓⲛ. Ⲫⲁⲓ ⲁϥϭⲣⲟ ⲛ̀ϯⲈⲕⲕⲗⲏⲥⲓⲁ̀ ⲉ̀ⲥⲟⲃϯ ⲛ̀ϯⲁⲥⲡⲓ ⲟⲩⲟϩ ⲉ̀ϭⲓ ⲙ̀ⲡⲁⲓϫⲓⲛⲃⲉⲃⲓ ⲙ̀ⲃⲉⲣⲓ.

ⲙⲉⲛⲉⲛⲥⲁ ⲣ̄ ⲛ̀ⲣⲟⲙⲡⲓ ϧⲉⲛ ⲛⲓⲉϩⲟⲟⲩ ⲛ̀ⲧⲉⲡⲁⲡⲁ ⲁⲃⲃⲁ Ϣⲉⲛⲟⲩϯ Ⲅ̅ ⲁⲟⲩⲇⲓⲁⲕⲱⲛ ⲉⲣⲉⲛϥ ⲡⲉ Ⲉⲙⲓⲗ Ⲙⲁϩⲓⲣ Ⲓⲥⲁⲁⲕ ϭⲓⲥⲃⲱ ⲛ̀́ⲧϫⲓⲛⲥⲁϫⲓ ⲛ̀ⲁⲡⲁⲥ ⲟⲩⲟϩ ⲁϥϣⲉⲛⲁϥ ⲉⲡϣⲉⲙⲙⲟ ϧⲉⲛⲀⲅⲅⲗⲓⲁ ϧⲉⲛⲰⲝϥⲟⲣⲇ ϫⲉ ϩⲛⲁ ⲛ̀ⲧⲉϥϭⲓⲥⲃⲱ. ⲉⲧⲁϥⲧⲁⲥⲑⲟ ⲁϥⲉⲣϩⲧⲥ ⲛ̀ⲧⲉϥϯⲥⲃⲱ ⲛ̀ϯϫⲓⲛⲥⲁϫⲓ ⲛ̀ⲁⲡⲁⲥ ϧⲉⲛ ⲡⲓⲙⲁⲛϯⲥⲃⲱ ⲛ̀ⲧⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ. ϩⲱϥ ϯⲉⲕⲕⲗⲏⲥⲓⲁ ⲙ̀ⲡⲉⲥⲭⲱ ⲛ̀ⲥⲱⲥ ⲛ̀ϯϫⲓⲛⲥⲁϫⲓ ⲛ̀ⲣⲉⲙⲛ̀ⲭⲏⲙⲓ ⲉⲧⲟⲛⲓ ⲛ̀ϯⲙⲉⲧⲟⲩⲉⲓⲛⲓⲛ ⲙ̀ⲃⲉⲣⲓ.