Wp/chn/ul-ulegan-iliʔi
anqati "ulman-olekin-iliʔi" ixt hayash iliʔi kʰapa qʰa alta olekin-iliʔi, aydaho-iliʔi, washintan-iliʔi, kʰinchuch-kolombi-iliʔi pi yukʰan-iliʔi miɬayt.
anqati
[edit | edit source]anqati bastən-iliʔi, kʰinchuch-iliʔi, ulman-spanyol-iliʔi pi ləshən-iliʔi ɬaska tiki t'uʔan kʰanawi ulman-olekin-iliʔi, bət hilu ukuk lakit iliʔi ɬaska kəmtəks: qʰa olekin-iliʔi-kʰəpit-layn miɬayt. kʰapa 1790 snu, qʰənchi kʰinchuch-iliʔi, ulman-spanyol-iliʔi pi nuuchaanuɬ-tilixam ɬaska chaku saliks, ulman-spanyol-tilixam ɬaska munk-ɬatwa-saya ɬaska lima kʰapa ulman-olekin-iliʔi. ləshən-iliʔi ɬaska ɬatwa ɬax̣ani kʰanawi ɬaska iliʔi pus kikwəli kʰapa 54°40′N kʰapa uyx̣ət-pipa əbə iləp-maɬx̣wəli kʰapa 141°E, kʰapa 1825 kʰul.
iləp-chxi kʰapa 1818 kʰul, kʰanumakwst bastən pi kʰinchuch ɬaska miɬayt kʰapa "ulman-olekin-iliʔi", pi ɬaska munk ukuk chxi laa:
alta ulman-olekin-iliʔi miɬayt katsaq 42°N pi 54°40′N, kʰapa kʰanawi iliʔi katsaq pʰasipʰik-saltsəqw pi uk sax̣ali-katsaq-iliʔi kʰapa "hayu-stun lamətay."[1]
kʰapa 1843 ulman-olekin-iliʔi iskam ixt tayi-kʰompani, pus munk laa, saliks-man, hayu djədj, pi lakit tənəs-iliʔi kʰapa ulman-olekin-iliʔi. kʰapa 1846, dret kʰinchuch-iliʔi iskam sitkum ulman-olekin-iliʔi, wəx̣t bastən-iliʔi iskam sitkum ulman-olekin-iliʔi. bastən-iliʔi sitkum chaku olekin-iliʔi kʰapa 1849, pi washintan-iliʔi chaku x̣luyma iliʔi lakit kʰimt'a snu, pi kʰapa 1859 olekin-iliʔi chaku ixt dret tənəs-iliʔi kʰapa bastən-iliʔi. kʰinchuch-kʰanada sitkum chaku kʰinchuch-kolombi-iliʔi kʰapa 1858.
tilixam yawa
[edit | edit source]Peter H. Burnett yaka wawa pus tilixam kʰapa ulman-olekin-iliʔi:
hilu-t'ɬəminxwət kʰanawi [olekin-tilixam], qʰiwa hilu ikta pus kapswala uk iliʔi; hilu lam kʰanawi ɬaska, qʰiwa hilu lam uk iliʔi; hilu tilixam pus ɬaska t'uʔan-bət-hilu-munk dala, qʰiwa hilu dala pus t'uʔan əbə hilu-munk uk iliʔi, pi ɬush pi skukum ɬaska munk, qʰiwa dret mayka chaku-miməlust pis hilu munk mayka.