Wp/btm/René Descartes

From Wikimedia Incubator
< Wp‎ | btm
Wp > btm > René Descartes
René Descartes


René Descartes (IPA: ʀəˈne deˈkaʀt; sorang i La Haye, Perancis, Wp/btm/31 Maret 1596 – maninggal i Stockholm, Swedia, Wp/btm/11 Februari 1650 i umur 53 taon), juo iboto Renatus Cartesius i literatur marsaro Latin, ima sada filsuf dot matematikawan Perancis. Karionia na tarponting ima Discours de la méthode (1637) dot Meditationes de prima Philosophia (1641).

Rene Descartes dodas idokon manjadi amang filsafat modern. Rene Descartes sorang i La Haye Touraine-Prancis tingon sabagas borjuis. Amang Descartes ima katua Parlemen Inggris dot puna tano na cukup bolak (borjuis). Atia amang Descartes maninggal dot manarimo pucako ayahnia, ia manggadis tano pucako on, dot manginvestasion epengnia dohot labo onom sanga pitu ribu franc par taon. Ia sikola i Universitas Jesuit di La Fleche tingon taon 1604-1612, na nida madung mangalehen dasor-dasor matematika modern bope sapetona parsiajaran on bidang hukum. I taon 1612, ia kehe tu Paris, ta hangoluan i sodun ianggap ia mambosankon, dot dungni ia mangasingkon ibana tu luak na longin i Prancis get manekuni Geometri, gorar luak nalongon i ima Faubourg. Dongan-dongannia pasuo dot ia i ganan nia mangasing on, ima anso lobi mangonjapkon ibana, ia marpikir get mandaftarkon ibana manjadi tentara Bolanda (1617). Atia Bolanda woktui dame, ia nida tagi doma ilalana marmeditasi arani inda dong namangkaru saonok dua taon. Tai, mapultakna Porang Tolu Pulu Taon mambaen ia mandaftarkon ibana manjadi tentara Bavaria (1619). I Bavaria on saonok musin udan 1619-1620, ia mandapatkon pangalaman na ituangkonnia i bagasab buku Discours de la Methode (Russel, 2007:733). Descartes, mabombo ipio "Panemu Filsafat Modern" dot "Amang Matematika Modern", ima salah sada pamikir paling ponting dot marpangaruh i sejarah barat modern. Ia ipaiut filsuf kontemporer, mangoban kalai mambontuk aha na saonnari ita boto ima rasionalisme kontinental, sada ganan filosofikal i Eropa abad pa-17 dot 18.