Wp/btm/Ibnu Khaldun
Ibnu Khaldun, gorar singkop: Abu Zayd 'Abd al-Rahman ibn Muhammad ibn Khaldun al-Hadrami (عبد الرحمن بن محمد بن خلدون الحضرمي) (sorang Wp/btm/27 Mei 1332 – maninggal Wp/btm/19 Maret 1406 i umur 73 taon) ima sada sejarawan muslim tingon Tunisia dot dodas juo idokon manjadi amang napajongjong elmu historiografi, sosiologi dot ekonomi. Karionia na tarbonggal ima Muqaddimah (Pambukaan).
Bayo na sorang i Tunisia i 1 Ramadan 732 H./27 Mei 1332 M. Ima natargorar manjadi sejarawan dot amang sosiologi Islam na apil Alquran sian menek. Manjadi ahli politik Islam, ia juo binoto manjadi amang Ekonomi Islam, arani pamikiran-pamikiranna satontang teori ekonomi na masuk akal dot nyato dao madung iobarkon ia dompak so Adam Smith (1723-1790) dot David Ricardo (1772-1823) mangobarkon teori-teori ekonominia. Atia maposo dope, tulisan-tulisannia madung sarsar tudia-dia. Tulisan-tulisan dot pamikiran Ibnu Khaldun ro arani manuntut elmu na lobi bagas, pangaligian taradop bahat alak najaji na itandai ia dohot elmu dot parbinotoan na bolak, dot ia mangolu i tonga-tonga nialai i parjalanganna na bolak juo.
Hangoluan
Hangoluan Ibn Khaldun i simpan dohot denggan, atia ia manulis sada otobiografi (التعريف بابن خلدون ورحلته غربا وشرقا, at-Ta'rīf bi-ibn Khaldūn wa-Riḥlatih Gharban wa-Sharqan[1]) i dia bahat carito satontang ngolunia ibuat hata par hata.
Abdurahman bin Muhammad bin Muhammad bin Muhammad bin bin Abdurahman bin Ibnu Khaldun, na binoto ima "Ibnu Khaldun", sorang i Tunisia i taon 1332 M (732 H.) marasal tingon alak sabagas Andalusia kalas i katurunan Arab. Ompu ni sabagas on markoum dot Waíl ibn Hujr, sada dongan Nabi Muhammad. Alak sabagas Ibnu Khaldun puna bahat kantor i Andalusia, pinah tu Tunisia sidung madabuna Sevilla tu Reconquista i taon 1248. I toru pamarentahan dinasti Hafsiyun sadebaba alai sabagas maniop jabatan politik; tai Amang dot ompung Ibnu Khaldun maradian tingon politik dot top tu hal na goib. Sudaronia, Yahya Khaldun, juo sada sejarawan na manulis sada buku satontang dinasti Abdalwadid, dot ia ibunu ni alonia ima sada ahli historiografi.[2]
I otobiografinia, Ibnu Khaldun pareso katurunannia mulak tu maso Nabi Muhammad lewat alak Arab sian Yaman, tarutamo Hadramaut, na ro tu Semenanjung Iberia i abad palapan i pangkal pataluon Islam. Dohot hata-hatania sasada ia: "Dot katurunan nita marasal sian Hadramaut, tingon alak-alak Arab Yaman, lewat Wa'il ibn Hujr na juo binoto manjadi Hujr bin Adi, tingon alak-alak Arab tarpili, targorar dot iargai." (Alaman 2429, edisi Al-Waraq). Tai, panulis biografi Mohammad Enan manyoltu obarniaon, patidaon molo sabagas ni alai ima sada Muladi na purak-purak marasal sian Arab anso mandapot hamoraan.[3] Enan juo mandokon narobi tarsurat dohot denggan, msatontang rombongan-rombongan Berber tartontu, i dia alai palan-palan "manamba" ibana manjadi katurunan Arab. Cara nasongonon ima get giot manfapotkon kakuasoan politik dot alaknajaji. Sadebana marpandapot satontang sabagas Khaldun on; Iantarana manorangkon molo Ibnu Khaldun on ima katurunan Berber na sarupo dohot sude alak asli inganan hasoranganna. Sarjana Islam Muhammad Hozien marpandapot molo "Identitas nasopeto [Berber] nangkan marlaku tai i atia ompu Ibnu Khaldun maninggalkon Andalusia dot pindah tu Tunisia Alai inda munguba pandapot nialai taradop katurunan Arab. Sampe i atia Berber markuaso, Pamarentahan Al-Marabats dot al-Mowahid, dot Ibnu Khaldun inda mambuat mulak pucako Berber nialai". Pangaligian Ibu Khaldun tingon tarombo dot gorar sabagas ni ibana ianggap manjadi tando na gogo tingon katurunan Arab Yaman.
Partinggalna
Ibnu Khaldun ima parjolo manjadi parhatian i dunia sian on bagaian manabia (barat) ima i taon 1697, ima atio adong sada biografi natarida i Bibliothèque Orientale Barthélemy d'Herbelot de Molainville. Ibnu Khaldun on muloi ma mandapot parhatian na lobi sian on taon 1806, atia i Silvestre de Sacy's Chrestomathie Arabe ipamasuk iya ma tu tulisan nia hagoluan satontang ni Ibnu Khaldun on dohot ibaen iya katorangan na lobi jolas ma ima Prolegomena baru nung i ipajolas iya buseng ma dohot manorangkon Prolegomena i mandung adong sampe tu edisi saro Arab na mandung lengkap dohot iterbitkon ima i taon 1858. Nungdo songkoni karya ni Ibnu Khaldun on mandung iparsiajari halak sacaro luas i dunia on manabia (barat) dohot alak na adong katrtarikan nia na khusus tu son
Sumberna
- ↑ at-Taʻrīf bi-ibn Khaldūn wa-Riḥlatih Gharban wa-Sharqan. Cairo. 1951.
|first1=missing|last1=in Authors list (help) - ↑ "Lettre à Monsieur Garcin de Tassy". Journal asiatique, troisième série, tome XII, éd. Société asiatique. 1841.
- ↑ Abdullah Enan, Muhammed. Ibn Khaldun: His Life and Works.