Wp/btm/Carl Friedrich Gauss

From Wikimedia Incubator
< Wp‎ | btmWp > btm > Carl Friedrich Gauss
Jump to navigation Jump to search
Carl Friedrich Gauss.

Johann Carl Friedrich Gauß (juo ieja Gauss) (sorang i Braunschweig, 30 April 1777 – maninggal i Göttingen, 23 Februari 1855 i umur 77 taon) ima matematikawan, astronom, dot fisikawan Jerman na mangalehen marragam kontribusi; ia ipandang manjadi salah sada matematikawan targodang sapanjang maso salain Archimedes dot Isaac Newton.

Sorang i Braunschweig, Jerman, atia umurnia indape gonop 3 taon, ia madung malo pature kasalahan daftar gaji tukang batu ayahnia. Manurut sada carito, i umur 10 taon, ia mambaen gurunia tarkagum-kagum dohot mangalehen rumus baen mangetong jumlah sada deret aritmetika dohot pangetongan deret 1+2+3+...+100. I sikolania, Gauss targorar marupaon danak na dapot idokon sada pambaen masalah, tai juo marupaon alak nampuna sinaloalan paboa masalah. Atia saat i, gurunia mangakehen soal na payah tu anak muridnia na juo tarmasukma isi Gauss. Saat i Gauss tardokon poso dope get manyaloseon soal pangetongan 1+2+3+4+...+100. Guruna marmaksud mangalehen soal on so si guru inda porlu mangajar dot bisa maradian. Ia yakin molo get manyaloseon soal on, porlu woktu naonok. Tai, nyatona Gauss marhasil memecahkonna i woktu na copat. Si guru pe tarkagum-kagum dot hasil pamecahan Gauss na copat dot topek. Gauss mambaen cara get mangetong deret aritmetika. Cara na Gauss mambaen get mangetong deret aritmetika on memang madung isaderhanaon manjadi rumus " Dn= n/2(U1+Un)" na um sederhana, tai totop mardasorkon cara na dapotni si Gauss.Bope carito o ampir sudena botul, soal na ilehen gurunia sapetona lobi payah ngoni. [1]

Gauss ima ilmuwan i marbagai bidang: matematika, fisika, dot astronomi. Bidang analisis dot geometri manyumbang bahat doma sumbangan-sumbangan pikiran Gauss i matematika. Kalkulus (tarmasuk limit) ima salah satu bidang analisis na juo manarik giotnia.

Gauss maninggal dunia i Göttingen.

Pautan ruar[edit]