Wp/btm/Isaac Newton
Sir Isaac Newton FRS (sorang i Woolsthorpe-by-Colsterworth, Lincolnshire 4 Januari 1643 31 Maret 1727; KJ: maningggal 25 Desember 1642 – 20 Maret 1726/7 i umur 84 taon[1]) ima sada fisikawan, matematikawan, ahli astronomi, filsuf alam, kimiawan, dot teolog na marasal sian Inggeris. Ia marupaon pangiut aliran heliosentris dot ilmuwan na lobi marpangaruh sapanjang sejarah, dodas idokon manjadi amang elmu fisika narobi.[2]
Kario bukunia Philosophiæ Naturalis Principia Mathematica na ipakaluar i taon 1687 ianggap majadi buku paling marpangaruh sapanjang sejarah sains. Buku on patibal dasor-dasor mekanika narobi. I karionia on, Newton manjabarkon hukum gravitasi dot tolu hukum gorak na mandominasi pandangan sains satontang alam semesta saonok tolu abad. Newton marhasil pabotohon molo gorak benda i Bumi dot benda-benda luar angkasa lainna iatur sakumpulan hukum-hukum alam na sarupo. Ia mambuktion dohot patidahon konsistensi antara hukum gorak planet Kepler dohot teori gravitasinia. Karionia on abisna pamago karaguan para ilmuwan tontang heliosentrisme dot mamajuon revolusi ilmiah.
Bacaon[edit | edit source]
- Newton's Scholar Google profile
- ScienceWorld biography by Eric Weisstein
- Dictionary of Scientific Biography
- "The Newton Project"
- "The Newton Project – Canada"
- "Newton's Dark Secrets" - NOVA TV programme
- from The Stanford Encyclopedia of Philosophy:
Referensi[edit | edit source]
- ↑ Samaso ngoluna Newton, dua mocom kalender ipake i Eropa: Julian ("pananggalan robi") na marlaku tu Protestan dot Ortodoks, tarmasuk luat Britania Raya; dot Gregorian ("pananggalan baru") na marlaku tu Katolik Roma i Eropa. Atia sorangna Newton, pananggalan Gregorian sapulu ari lobi tibu tingon pananggalan Julian: torus asoranganna icatatkon i tanggal 25 Desember 1642 tu pananggalan Julian dot bisa isarupoon manjadi 4 Januari 1643 tu penanggalan Gregorian. Atia maninggal Newton, parbedaan antara pananggalan martamba manjadi sabolas ari: Ia maninggal di pangkal periode panggunaan penanggalan Gregorian i 1 Januari, bope nasolpu taon baru i pananggalan Julian ima 25 Maret. Maninggalna icatatkon i 20 Maret 1726 tu pananggalan Julian, tai taonna isasueon tu 1727. Tu pananggalan Gregorian, icatatkon i 31 Maret 1727.
- ↑ https://web.archive.org/web/20120106185103/http://www.adherents.com/adh_influ.html