Wp/blc/Winwints

Ti alhps ti winwints - ti alh7ay s7axw waltulhs

Winwints-tum ti alhkc'ciw ti tsitstsipii alh ti alhqulhuus t'ayc. lhnus tsk wa alh7ay wa winwints-tutim wa tsitstsipii alh Nuxalk, n ti swiniiwintstum ti qiqti ti winwints. tsaxwmnaw stsitstsipiinaw ts - alhpsaw ca tsakwliwa ts n wa qw'las wa snknic. Alhitimutaw wa acwlh ts ala slalawsaax ts, wic kuks wa kulhuuts wa sulut ts wa umatalhaw wa acwlh ts.

ti sk'calh ti winwints tc

ti axw waltulhs ti winwints tc

Smaw ti alh7ay ti winwints ays s7axw walis awcwa. sk'cuulhliwas wa spuxulhiks tc, ts'xwliwas kuks wa spuxulhanks tc. Lituxuusayc ca sk'c wichta maaxsanaw ts ula qluq'saw ts. ts'xwliwas kuks alh7aytum slituxtim ala tl'uk'anks tc was ala qnks tc. Sk'cuulhliwas wa spuxutsaks tc, alh7ays tuu wa spuxalakts tc. kalaaqw'smim tc ala qalxlayaax wa amats ala slalawsaax ts. tsiixamkit wa maaxsanaw ts, s7icyaasnmaw ca tsakwliwa ts ala sxwaxwa ts. Tutu7imantanaw ts ala qalxalyaax ts. Wics "Wilson's Snipe" wa itts'xlhiixw wa skwatstas ti winwints t'ayc.

ti sk'calh ti winwints ts

Kalaaqw'smtim ats sutkams alh Nuxalk. Alhk'yukticw ts ca icanaw ts - sk'calhaw wa alh7ay wa winwints. Qw'asliwastuu wa spuxalakts - ti s7alhayaqw'saw ts ala qnks wa kw'pwalhtaw ts. ts'xw wa spuxalaktaw ts. K'caynicicw tuu ti ts'xwaaxikt ala tl'uk'anks wa kw'pwalhtaw ts. Tutu7imantanaw ts ala kulhulmc ts. Tic ti imlaakwlh ti asimlt tc. Tic tuu tc ti alhkaltcwmtant wa qiqipinawts. Wics "Dunlin" wa itts'xlhiixw wa skwatstas ti winwints t'ayc.

ti swiniiwints tc

(wa tsay wa ts'ktas ti swiniiwints tc)

Tic ti swiniiwints tc ti qiqti ti winwints, alhitimuts tc alh Nuxalk s7amlhams. Ama7itsk tuu sswiniiwints-tutim wa acwlh wa qiqti wa tuk'usmtulht wa winwints, s7ayalhaw ula ka umatalhaw ala ats'aaxlh ts.