Wp/blc/Swiniiwints
_(32877802088).jpg)
Tic ti swiniiwints ti qiqti ti k'cicw ti winwints alh ti alhqulhuus t'ayc. Ts'u wa spuxaluss tc.[1] tsakwlxs ti maaxsas tc.[1] mukwiixws tc ala tluk'anks wa qluq's tc, ts'us kuks wa spuxulhanks tc - ii7axw ts'xws ats.[1] ts'xws wa spuxalakts tc - wa spuxs ala qnkanks ti kw'pwalhts tc.[1] lhalyaqw'sulhikliwas tc.[1] t'qalqsnkms tc - alh7ays c ti si7umaak tc stl'uk'tus ti aslqsnks tc was tqnktus 7isu, alh7ays naaxwms.[1] Wic "spotted sandpiper" wa itts'xlhiixw wa skwatstas ti tsitstsipii t'ayc.[2]
Wicanaw wa imlaakwlh ts wa asimlt ts ala swiniiwints ts. Ays tsi cnaaslh tsc snu7usqnamkis ka q'pa ulh ti imantas ti imlaakwlh tc, was walis tc - aytus suts' alh ti imantas ti qw'las ti imlaakwlh. Wicanaw wa imlaakwlh ts was asimilt ts, wicanaw tuu wa imlaakwlh ts s7alhkaltcwmtit wa qiqipinaw ts snitsmnaw. Alhpsaw ts ca tsakwliwats - wa alhi ala kulhulmc ts n wa sicsiqw' wa tsakwliwa, alh7ay c ti mamis.