Jump to content

Wp/blc/Swak'c (smt)

From Wikimedia Incubator
< Wp‎ | blc
Wp > blc > Swak'c (smt)
Ti Asts'alhta tc alh Swak'c (ala stsalhaaxutss wa anuxum ts)
ti smt tc ala ats'aaxlhaaxutss wa anuxum ts - Swak'c-tum tuu tc

Tic Swak'c ti smt alh Nutl'l. Alh7ayuts Axtsikayc stics Swak'c ti smt ala stsalhankiixws wa anuxum ts.[1] Axkuks alh7ayutsaw wa qw'las ts - Alats'iitutim wa alhi alh Chako Kunamokst stics Swak'c ti alhi ala ats'aaxlhaaxutss wa anuxum ts.[2] Tic tuu ti ats'aaxlh ti smt wa umatstutim tu acwlh tu patsalhlt txw sklhktim wiclh tu tl'uk' t'axw, wa patsalhlt ts alh Nutsqwalht, wicanaw tuu wa patsalhlt ts alh Nutl'l. Wic "Crystal Mountain" wa qw'las wa skwatstas ti smt tc ala ats'aaxlhaaxutss - Alh7ayutsmim kw' tc wics slqw'amkim wa slk'laaxt ts alhtxw. Tsutakw' wa acwlh ts s tics Swak'c ti asts'alh n ti anuxuxwmi tc, nuxums ula sulut ts alh Qw'ants. Tl'knii-tum ti syup'alcw tc, ti uts'iks Swak'c (kamalh alhinicicw tc ala stsalhanks wa anuxum ts) stxuuxnkalhs ula sulut ts.

References[edit | edit source]

  1. Agnes Edgar
  2. Clyde Tallio