Wp/blc/Snuwats'

ti snuwats' ala qla ts

Snuwats'-tum ti tsitstsipii tc alh ti alhqulhuus t'ayc. Ts'xulhankaw wa imlaakwlh ts, was pik'mulhiixwaw ts. sk'culhikaw ts, nuts'xutsalxinaw tuu ts. qw'lasusiinaw wa cnaaslh ts - axw pik'mulhiixwaw ts, sk'culhiixwaw, sk'culhikaw ts, was ts'uulhankaw ts. Wics "Bufflehead" wa itts'xlhiixw wa skwatstas tc. Alh7ayutsmim tuu ca s"Butterball" alh Nuxalk.

Alh7ayliwanaw ala ts'ktanaw ts

ti imantas ti lhkw' ti stl'xlxlxsm - ti ts'payxw tc - asimltaw tuu wa snuwats' ts ala ayk'mlh wa alh7ay wa imanta

Ayuts Sibley smulmulmis stsitsipiis tc. putl'aynicis wa t'amas, wa ts'ikw, n wa qw'las wa alh7ay wa ts'kta. qwlculhtsutaw wa acwlh ts ala ts'ktanaw ts - yanicit ska alhitimutaw ala saaxwan ts, ala yawsilh ts ala sulut ts, was ala ka tsalh. Qiqtinaw wa snuwats' ts ala tsay wa qw'las wa naxnx ts. K'am7ayliwanaw ti slhkw'aw tc ala ts'payxw-tum wa Stl'xlxlxsm. Wic its'ik si7asimlts wa snuwats' ts ala stn ts. Mulmulminaw mas wa snuwats' ala snknicaw ts- alh7aynaw ca xwnxwnm ts s7ayminaw s7alhpsaw. Asimltaw ts ala atl'sliwni ts. Putl'aw kw' ulh Nuxalk sutkams.