Wp/blc/Stl'xlxlxsm
Wic wa stl'xlxlxsm wa alh7ay wa tsitstsipii, stl'xlxsmnaw ala kulhnks wa stn, s7icyaasnmnaw ca tsakwliwa. Lhkw'aw wa acwlh ts, qiqtinaw tuu wa acwlh.
ti mucwmukwiixw tc
[edit | edit source]
Tic ti mucwmukwiixw ti lhkw'anats tc ala stl'xlxlxsm ts.[1]
ti ts'yaaxw tc
[edit | edit source]
Tic ti ts'yaaxw ti k'cicw ti tsitstsipii alh ti 2tum ti alhqulhuus tc.[2]
ti sts'piilh
[edit | edit source]
tic ti sts'piilh ti qiqti tc ala stl'xlxlxsm ts.[3] Tic ti "Downy Woodpecker" wa itts'xlhiixw wa skwatstas ti qiqti ti stl'xlxlxsm tc alh Nuxalk.[4]
wa qw'las wa stl'xlxlxsm
[edit | edit source]
Iniclhnus wa stl'xlxlxsm - tic ti tsitstsipii, alh7ays ti slhkw's c ti ha7u - ti alhk'cicw ti alh ti 4tum ti alhqulhuus - ti "flicker"-tum tc. ayutsakw wa acwlh ts stics ti flicker ti ts'yaaxw-tum tc. Kamalh7alh7ays, ts'yaaxw-tum wa lhnus wa alh7ay - ti tsitstsipii t'ayc n ti mukuus ti lhkw' ti stl'xlxlxsm tc alh ti 2tum ti alhqulhuus tc. Tic tuu ti alh7ayutsmim ca s"Hairy" - alh7ayliwas tx c ti sts'piilh-tum, lhkw's kuks - alh7ays c ti t'iclhala slhkw's tc.[5] K'cicw tc alh ti 5tum ti alhqulhuus tc.
