Jump to content

Wp/blc/Quuxuux

From Wikimedia Incubator
< Wp‎ | blc
Wp > blc > Quuxuux
wa quuxuux sutkams

Tic ti quuxuux ti ts'xwliits ti tsitsipii, ti alhk'cicw alh ti alhqulhuus t'ayc.[1] Ts'xmaycs slhkw's tc ala qw'las wa tsitsipii ts - tsyaakm tc ula makw'ps ti stsakws. Kalaalhmtim ts ala wayc wa qla ts - wa tsalh ts n wa anuxum ts.

ti s7alh7aynaw ala ts'ktanaw ts[edit | edit source]

alhpsaw wa quuxuux ts ala alhkwtl' ts, alhpus ala qla ts. tsiixanaw kw' ala asaqw's ts - icyaasnicit wa sqitilhp ts n wa sxwat ts ala sxwaxwa ts. Putl'aw ts ulh Nuxalk sutkams - lip'tsutakw ats ula atl's ts s7amlhams. Nu7usqnamkit wa q'panaw ts Siqyulcs, ula sSinumwaks. Tutu7imantanaw ts ala qnklstii ts. Aynakwtuu ala sulhuksaw ts wa }qulun ts, n wa klacw ts. Smawiilhams s7asimltaw wa q'panaw ts - tsics tsi cnaaslh tsc ti aytcw tc. Ixqlmaylaycaw wa qiqipi ts slhwaasaaxamnaw ts - tsnlhakmitsutaw s7anukaliktmacwiilhamnaw ts.

Alh Nuxalk[edit | edit source]

Qwlculhtsutaw wa acwlh wa quuxuux ts alh Maslancw - ti tsalh, wa amatapsulhs John Edwards. Ays John n wa mnmntsis ts salhpstutit wa quuxuux ts sutkams, wics ii7axw nuyulaaxtim wa quuxuux ts ala suncw ats - wnts'tim wa tsay ts.

Ti qw'las ti quuxuux, ti Ts'ik tc[edit | edit source]

ti ts'ik - alh7ayliwas c ti quuxuux tc

kalaalhmtim kw' ti qw'las ti tsitsipii, alh7ays c ti quuxuux. Qiqtliwni tc alh ti quuxuux tc, was qw'lasuutsliwas tc - axkuks "quuxquuxlits" tc - kluklulit kuks tc. Alats'itum Franz Boas s"Ts'ik"-tum ti qw'las ti tsitsipii, alh7ay c ti quuxuux.[2] Tic tsk ti tsitsipii t'ayc, ti "Tundra Swan" tc, ti ts'ik-tum tc.[3] Axw ts'xmayc s7alhnapilh ka alh7aytutim spaaxtim ats cts. sutkams, qwlculhtsutaw ts ala saaxwan ts. Qwlculhtsuta kuks wa quuxuux ts ala tsalh ts n wa anuxum ts.[4]

References[edit | edit source]

  1. Mrs. Carlson
  2. Ross Saunders
  3. Dale McCreery
  4. David Sibley