Jump to content

Wp/blc/Nusuptaqw'snm

From Wikimedia Incubator
< Wp‎ | blc
Wp > blc > Nusuptaqw'snm
ti nusuptaqw'snm

Nusuptaqw'snm-tum tsk ti nuyamlh ti tsitstsipii alh ti alhqulhuus t'ayc. Wics wa tsakwliwa ts, wa tl'aq'an ts, n wa sqaluts ts wa sininitsaw wa smicmixwts ts. Tutu7imantanaw ts alh ti slhip'naakt. Wic wa staq'aaxliwa wa asikaax ts wa yanicit wa amat ts. Alh Nuxalk, yanicit wa clhpus wa stntn. Sutkams, ixwtimutaw ala amataw wa tl'msta. Wic s"Swainson's thrush" wa itts'xlhiixw wa skwatstas ti tsitstsipii t'ayc.[1] Axw kalaaqw'smim ti tsitstsipii t'ayc sutkams. walis awcwa.

ti qw'las ti nusuptaqw'snm tc[edit | edit source]

ti alh7ay c ti nusuptaqw'snm

Qw'lasiitimuts ti nusuptaqw'snm t'ayc alh tu s7alh7aytimuts ti patsalh tc. Axw alhitimuts ala clhpus wa stn - tamsulhs kuks ala clhslalimtskak wa stntn. Ays tuu stutu7imantas tc ala kulhulmc ts - axkuks alh7ays ti patsalh tc. axkuks alh7ayalus ti patsalh ti nusuptaqw'snm tc c ti alh7ay t'ayc - ts'xmaycs squulhalus t'ayc. Qw'lasliwas tuu ti syuts ti tsitstsipii t'ayc. ts'xmaycs yayuutsliwas ti tsitstsipii t'ayc - alh7ays wa syuts ts c tu syutaw wa tl'msta. Axw kalaaqw'smim ti tsitstsipii t'ayc sutkams. walis awcwa. Wics "Hermit Thrush" wa itts'xlhiixw wa skwatstas ti tsitstsipii t'ayc.

wa skwatstas tc[edit | edit source]

Ayuts Hank Nater swics "Nusuptaqw'snm" wa skwatstas ti "swamp robin".[2] paaxtim kuks wa acwlh wa "thrush"-tum wa tsitstsipii c tu skwatsta t'ax. Ayuts tuu Nater n Ross Saunders swics "smicmixwts wa skwatstas ti "thrush"tum ti tsitstsipii. Tsuts tuu David Moody stics ti smicmixaxlhs ti "qiqti ti lhalyaqw's ti "thrush"."[3] Ayutsaw wa lhkw'lcamlh ts - Captain Schooner - sk'am7ayliwas ti micmixwts c ti tsutsulit tc.[4] Alhnapilh s7alh7ays ti tsutsulit tc, s7axw mas walis Nuxalk sutkams. Aynaw kuks wa "thrush" ats, walit awcwa sutkams - samwis wa amlh ts skalaaqw'mtim ts ala awcwa. Wic its'ik si7nutsutikts swics "nusuptaqw'snm" wa skwatstanaw wa lhnus wa alh7ay wa "thrush" ats, axkuks "micmixwts".[1] Wicanaw wa smicmixwts n wa smicmixaxlhs wa qw'las wa tsitstsipii.

References[edit | edit source]

  1. 1.0 1.1 Dale McCreery
  2. Hank Nater
  3. David Moody
  4. Captain Schooner