Wp/blc/Lhalas

Tic ti lhalas ti nupusm ti alh7ay, yustamkim ca tl'mstnuks s7alhitimutaw ala qla ts. Lhalas-tum tuu wa acwlh wa qw'xwmtimut, kamalh alhlq'iitilh c tu s7alh7ays txw ca satl'a, ka tutukwmlhilh c txw, ka tl'aptulh wa ts'ktalh alhts, axkuks samwiis s7alh7aynaw txw stuulwamktsutaw ska qw'xwmtimutaw. Ayuts Margaret Siwallace s7Atsi-tum wa csuuts wa nupusm wa alh7ay wa lhalas. Ii-axw k'am7ayliwas ti stl'yuk' t'ayc c tu s7alh7ayutsawkw' s7ats'inaw ca smlhk ts - spismanaw ca it7ats'iista.

Wa ays7ays wa lhalas

• Satl'a
• Akw'na
• Skiikwpi
• Puut
• Awanaaxkw
• Sawanaaxkw
• Atsi
• Satsqwla
• Milhka
• Tq'n

s7ayakaw s7atl'anaw

ti satl'a n ti akw'na

haytaalh ti akw'na. Ka Aymats ka Sts'icts'icwtalhp wa umatstum tc.

Atl'anawk'u wa nusatl'amc ts. Wic wa aq'miixalhp ts wa yustamkit stam-satl'anaw - tic kuks ti tsatstawlhp ti sikstut wa akw'na ts n wa acwlh . K'tsaxim ti ka akw'nalh ti tsatstawlhp ala ixw ts ala sulut ts. Pus lhuu wa ya wa akw'nalh wa tsatstawlhp ala aaxlh ts alh Nuikw'. Stamsatl'as Qwyaax alh Ats'aaxlh sqiqtis tu Tsukwa, k'tsaaxayc tu tsatstawlhpaw tx a uts'iks ti asqw'an ax wiixw alh Ts'awlhmim. Licmtum wa tsatstawlhp ts ula qla ts. Kawim ula umatamuuts wa t'qmuuts, si kstum alhtxw. Tsakw'lctum wa uuxnks tu satl'a tx alhtxw. Lik'uulhim ts'n, ska alhtsakw'lctum tuu ala tl'uk'ank ts. Nukalikuulhtum ts'n tu satl'a tx ula kulhulmc ts, ala anutsiixlh c tx. lhq'lcliwatum tc alhtxw ca sxwaaxwa si7axw kwlhaynimuts stl'lhlcs. Nutxikim t'sn , was nuscwikim tuukw' ula snacliwas ska nusxikit ca t'amasikta ts.

alh7ayakaw skstut wa puut ts sipismanaw

Spunputl'aw wa q'umsciwa ts ula kulhulmcilh ts, tl'apakaw ska ic7ayamtmacwaw ctu smlhkilh txw ulh tu itskwaaxuts tu sulut txw. Alh7aytu sslaxaw wa smlhk putl'aynictim, anaykawkw' ska lhkw'lcaalhtut tu puutaw txw. Nuslaxaw tsk tu nuxalkmc txw stutupuutaw alhtxw. Axkuks alh7ays alh ti suncwt, wics tampuutaw ca xits'lh ka stil.