Jump to content

Wp/blc/Akw'a

From Wikimedia Incubator
< Wp‎ | blc
Wp > blc > Akw'a
ti imlaakwlh ti akw'a

Wic "Akw'a" wa skwatstanaw wa acwlh wa sulutlh wa tsitsipii, kalaalhmtim kw' alh Nuxalk. Tsuts Captain Schooner stics ti k'cicw ti tsitsipii alh ti alhqulhuus t'ayc.[1] qulhiixwayc wa imlaakwlh ts ca ts'xw ala spuxalxinaw ts.[2] Mulmulminaw stsitsipiinaw ts. kalaalhmtim cawcwsts ssutkams. Tutu7imantanaw ts ala qnks wa micmikalhpaak ts, iklhi ala nustl'p ts, ala qiqti wa tsalh ts. Wics "Surf Scoter" wa itts'xlhiixw wa skwatstas ti tsitsipii t'ayc.

ti skiits tc[edit | edit source]

Ayuts David Moody s7Akw'as ti tsitsipii t'ayc

Alats'itumulhs David Moody ssk'cliits ti tsitsipii t'ayc, was ts'xwliits ala kw'pwalhts ts. Tic tsk ti alats'amkt tc ti "white-winged scoter".[3] Tsuts kuks Captain Schooner stics ti "Skiits" tc. Tsuts tc stics ti skiits tc ti lhkw' ti akw'a tc.[1] Tsuts tuu tc sxs tc stsitsipiis, syas tc snknics, was syanicis tc wa att ts.[1]. Ama7itsk s7Akw'atutim wa asmus wa wa "Scoter"tum wa tsitsipii ts s7itnuxalkmcutsnu. - skiits-kuks wa skwatstas ti lhkw' ti akw'a ka itnutl'lmcutsnu. Tutu7imantanaw wa skiit ts ala kulhulmc ts ala staq'aaxliwa wa asikaax ts, was ala amats spus wa micmikalhp ts. Ama7itsk s7ixws ti imantanaw ts ala qla ts.

ti "Harlequin" tc[edit | edit source]

alats'itum McIlwraith swicanaw ats wa aqw'a ts

Ayuts Thomas McIlwraith swics akw'a wa skwatstanaw wa "Harlequin"tum wa tsitsipii ts.[4] kalaalhmtim ts ala aqw'an ts sutkams. Axw ts'xmaycs smaliixwtmacwaw ts ala qw'las wa sulutlh wa tsitsipii. Mulmulminaw tuu - alh7ays kuks wa icanaw ts c tu naps ti Naxnx. tutu7imantanaw ts ala kulhaaxuts wa nutlh wa anuxuxwmi ts.


References[edit | edit source]

  1. 1.0 1.1 1.2 Captain Schooner
  2. Joshua Moody
  3. Dale McCreery
  4. Thomas McIlwraith