Wp/blc/Naxnx

ti imlaakwlh ti naxnx n tsi cnaaslh

Naxnx-tum ti tsitsipii alh ti alhqulhuus t'ayc. Slaxaw ts alh Nuxalk. Yustamkim wa spuxaw ts kamalh-lhpilh wa sawsawalh ts. yustamkilh tuu skstulh wa t'snmtalh ts. Putl'aynictiilh ts ca puts'tn.

Kuukilh ts alh ti paqi7yala. Q'atictsilh kw' ts - nuulikilh wa tsaatsii wa qla, wa kwl wa t'xt, was kuukilh tc ca sp'iix.

ti k'apatlxsnk ti naxnx tc

wa qw'las wa naxnx-tutim wa tsitsipii ts

Alhituu wa acwlh wa k'iskwatsta wa tsitsipii, wa alh7ay c ti naxnx, skalaalhmtim alh Nuxalk.

ti k'apatlxsnk tc

Tic ti k'apatlxsnk ti naxnx tc ti k'cicw alh ti alhqulhuus t'ayc. Axw alhnapilh wa skwatstas ala slhk'mstalh ts. Axw walis awcwa sutkams. Wics "Northern Pintail" wa itts'xlhiixw wa skwatstas ti naxnx t'ayc.

ti "gadwall"-tum ti naxnx tc

wa gadwall ts

Tic ti "gadwall"tum ti naxnx ti alhi tc alh ti qw'las ti alhqulhuus tc. Axw kaycis sts'xuulhliwas ti naxnx t'ayc - k'am7ayusliwas tsi cna7s tsc alh tu s7alh7ayus tsi cna7s tsi naxnx tsc. Waltulhs tc sutkams.