Wp/bew/Wadon Weduk
Wadon Weduk (hurup Arab Gundul: وادون ودوق; Inggris: Wonder Woman) entu atu jagoan hébat nyang nongol di buku ceritra cèmèn jebrolan DC Comics. Dia atu deri jagoan-jagoan hébat wadon pertama di buku-buku ceritra cèmèn Amrik, èn jagoan hébat wadon nyang bekèn kendiri di dunia. William Moulton Marston, atu ahli kejiwaan nyang nganggep kalu wadon bedebuh ama lanang, ngeja dah tu nyang namanya si Wadon Weduk. Si Wadon Weduk seponggahannya èmang kesawaban ama Tuan Marston punya harim nama Elizabeth Holloway-Marston. Si Wadon Weduk baru nembé nongol di All-Star Comics # 8 nyang dijebrol bulan Capjigwé 1941. Dia punya buku ceritra cèmèn sorangan nama Wonder Woman # 1 dijebrolin pas musim parek tahon 1942.