Wp/bew/Tukang kebut (bola tendang)

Tukang kebut lagi ngasi tenger mendèra opsèt

Tukang kebut (hurup Arab Gundul: توکڠ کبوة; basa Indonésia: asisten wasit, hakim garis) dalem permaènan rangseg entu petugas nyang ada di lingir lapangan nyang gawéannya bareng ama riperi bakal mastiin jalannya itu pertandingan. Biasanya, tukang kebut ada dua, sorang satu di masing-masing sisi. Dia punya pegawéan gawéannya ngasi unjuk ke si riperi kalo itu bola udah aut apa belon, mau aut kuar lin samping awata lin kornèl. Sebagé lagi, tukang kebut gawéannya ngasi tau kalo itu sepèler udah masup opsèt apa belon pas maèn. Kalo-kalo si riperi kaga' bisa nglanjutin mimpin pertandingan lagi, apa gè' alesannya, mau sumeng ḳe', cidera kè', itu atu tukang kebut bisa diaru-aruin bakal jadi nyang nggantiin.