Wp/bew/Statsiun Kranji

Tampang statsiun Kranji, Bekasi Kulon

Statsiun Kranji (urup Arab Gundul: ستتسيون کرنجى) ni statsiun singketannya entu MRI. Ni statsiun entu statsiun kelas III/kecit nyang letaknya di Kranji, Bekasi Kulon, Bekasi Kota, Jawa Kulon. Ni statsiun letaknya di ketinggian +18m entu statsiun sepur paling kulon Bekasi Kota èn Jawa Kulon bakal lintas Rajawali-Cikampèk, sekaligus statsiun paling lor nyang ada di Jawa Kulon. Enni statsiun cuman ngelayanin KRL Commuter Line jurusan lintas ngider Cikarang.

Dulu sekali, ada statsiun sebelon statsiun Cakung nyang namanya statsiun Rawabèbèk nyang wayah gini udah dibongkar gara-gara nyang naèk-turun deri enni statsiun dikit sekali.

Gedongan èn tata gedong

Enni statsiun ada punya empat jalur sepur, sepasang bakal sepur lèstrik èn sepasang laènnya bakal sepur jawa atawa argo.

Sederi 8 Jenuari 2019, enni statsiun uda pakè gedongan anyar nyang letaknya di atas gedongan lama. Gedongnya uda mutahir. Gedong lama enni statsiun uda kaga' dipakè lagi. Tata gedong dirobah jadi dua jalur nyang pèronnya entu nyempil di tengah-tengah dua jalur kereta. Pèronnya kaya' pulo. Enni dilakonin bakal jalur dobel-dua Manggarai-Cikarang.