Wp/bew/Januari

From Wikimedia Incubator
< Wp‎ | bew
Wp > bew > Januari
Kembang api di keriaan Tahon Baru Belanda, di atu kampung di bilangan Swaben, Dètslan

Januari (hurup Arab Gundul: جنوارى) atawa Ciagwé (hurup Arab Gundul: چياݢوى) entu bulan pertama di almenak Masèhi-Julian èn Grégorian. Ni bulan ada punya 31 ari di dalemnya. Seari bulan Januari digeronya 'Tahon Baru'. Kalu di Betawi, dibilangnya 'Tahon Baru Belanda'. Biasanya, malem tanggal 31 Désèmber tahon sebelonnya pada diadain keriaan bakal nyambut datengnya ni ari. Ni bulan punya nama ada diambil deri déwa dalem tahayul Romèn[1] kuna nama Iānus 'Janus' (nama bulan dalem basa Latènnya: Iānuārius). Adapun sebenernya, sebelonnya tahon 45 SM–nyang orang kata mah 'jaman kèder', lantaran Julius Kaèsar ada nyelesepin 90 ari ke dalem almenak terdisionil Romèn bagèn pas ama pergantian musim, tu waktu, bulan Januari ada punya bulan cuman 29 ari. Cuman, sedari abisnya 45 SM, ni bulan jadinya ada punya 31 ari.

Ruju'an[edit | edit source]

  1. Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).