Wp/bew/Skuitwot si Gurita

Tampang Skuitwot si Gurita

Skuitwot si Gurita (urup Arab Gundul: سکويتووت سݢورتا) atawa Squidward Tentacles (urup Arab Gundul: سکويتووت تينتکلس) entu atu pelakon utama deri SpongeBob SquarePants. Dia entu tetangga judes èn temen sekantornya Spombop. Dia entu gurita warna ijo. Dia tinggal di dalem patung moai. Entu patung moai didengkèk ama ruma nanas Spombop èn ruma batu Pètrik. Skuitwot digangguin mulu ama Spombop èn Pètrik kalo dia pada lagi seneng-seneng bebarengan.

Skuitwot kesel ama kehirupannya nyang ngebosenin. Dia pèngènan jadi orang bekèn èn kesohor ama orang-orang mulu. Dia orang pèngèn ngunjukin bakal orang-orang soal dia punya kebolèan sebagé tukang gending atawa tukang lukis, walo dia kaga' pating kebolèan deri kedua-duanya. Dia seneng maènin terompèt klarinèt. Terusannya, dia kudu gawé jadi tukang kasir di Krusty Krab. Skuitwot gedeg gawé di Krusty Krab gara-gara dia di gedeg ama bossnya Tuan Krab nyang orangnya bo'ol kuning èn gedeg juga gara-gara kalo gawé digangguin ama Spombop terus-terusan.