Wp/bew/Spombop si Celana Kotak (tokoh)

Spombop si Celana Kotak

Spombop si Celana Kotak (urup Arab Gundul: سفونبوب سى چلان کوتق) atawa SpongeBob SquarePants (urup Arab Gundul: سفونجبوب سكويرفينتس) entu pelakon utama deri pèlem cèmèn Nikelodèon, ya'entu SpongeBob SquarePants. Dia entu spon laot nyang suka ama gawéan jadi koki di Krusty Krab. Spombop tinggal di rumah nanas bareng ama piaraannya, ya'entu kiong namanya Gèri. Spombop entu diumrup pertama kali tanggal 1 Méi 1999 di bakal umrupan jajalan dengen judul "Help Wanted".

Spombop lanjut ngilhamin orang-orang, bagèn bocah èn orang gedé. Wayah gini, dia jadi tuladan bakal banyak abégé umur 13 ampé 25 taon. Kuarganya, ya'entu baba: Harold; enya': Margarèt; om: Sherm èn Blue; engkong: Grandpa SquarePants; Nènè': Grandma SquarePants èn Grandma BubbleBottom; misanan: Stanley, BlackJack, èn Todd.