Wp/bew/Papan bor puti

Papan bor puti punya tampang

Papan bor puti (hurup Arab Gundul: فافن بور فوتى) atawa papan tulis puti (hurup Arab Gundul: فافن توليس فوتى) ièlah natar nyang dipaké biar spidol bisa kiatan. Ni papan dipaké bakal nulis. Sebagé lagi, papan bor puti sering dipaké bakal wasilah ngajar. Nyang dipaké bakal nulis ièlah spidol nyang gampang diusep dia punya orèk-orèkannya. Papan bor puti biasanya natarnya mengkrèdèp. Sebelonnya orang pada maké papan bor puti, orang pada makénya papan bor item. Nah, kalo di papan bor item, orang makénya kapur. Walakin, wayah gini mah juga' ada peningkatannya. Orang pada maké papan bor lèstrik, nyang dikendaliin paké kumpiuter.