Wp/bew/Papan bor item

Papan bor item kanggo nulis

Papan bor item (hurup Arab Gundul: فافن بور ايتم) atawa papan tulis item (hurup Arab Gundul: فافن توليس ايتم) ièlah natar nyang dipaké biar kapur bisa kiatan. Ni papan gunanya bakal nulis di situ. Papan bor item biasanya dikeja deri kayu atawa jarot. Entakonoh, tu natar dikelir item biar kapur nyang kelirnya puti kiatan.

Papan bor item sering dipaké di pengajaran di sekolahan, soalnya kanggo sih. Cuman mah, wayah gini, papan bor item udah kaga' pati dipaké lagi ama banyak sekolahan, biar kata masing ada nyang maké. Itu kapur punya debu pada ngamprah ke mana-mana, èn berapa orang ada nyang alèrhi ama debu kapur. Wayah gini mah, orang pada makénya papan bor puti nyang ditulis paké spidol èn kena gancil diapusnya.