Wp/arq/هومار

هومار
طابلو تاع هومار " نوع إيبيمينيد" (Épiménide) من واحد الكوپي رومانية لوريجين تاعها يوناني من القرن السابع V قبل الميلاد محطوطة في المتحف تاع ميونيخ (Inv 273) )
السميّة الحقّانيّة:	Ὅμηρος
خدايمهُ:	شاعر
تاريخ تاع الزيادة:	قرن سابع VII قبل الميلاد
بلاصة تاع الزيادة:	يوني (Ionie)

هومار ( بليونانية لقديمة Ὅμηρος / Hómēro, «رهينة» ولا «البنادم لي يليق نتبعوه»1) معروف بلي كان شاعر، في لافا تع لقرن الثامن قبل لميلاد ولاو يعيطولو صحاب بكري «شاعر» (ὁ Ποιητής / ho Poiētḗs) . زوج كتوبا لوالا تع لأدب تاوعه لي هوما الإلياذة و الأوديسة.

صعيبة باش نڤولو في وقتنا يلا هومار بنادم تاريخي ولا غي هوية ولا بنادم مفهوم , ويلا أصلا بصح هو لي دار هدوك زوج قصايد لولا تع لأدب تع لغرب. و هنايا تبدى تحديات على لاكيستيو هوميريك مام يلا كانو لحكاما تع بكري يأمنو ببنادم يخترع. ڨاع هكا و كاين بزاف تع الدول لأيونيh "ioniennes" كيما ( خيوس "Chios", سميرنا "Smyrne" ، سيم "Cymé" و لا مام كولوفون "Colophon" ) عارضو لأصل تع هومار شاعر و تقاليد تاعو و ڨعدو غي يڨولو بلي هومار كان عمى.

هومار كانت عندو بلاصة كبيرة فلأدب تع ليونان علا خاطر كان غي هو يكتب هاداك نوع تع شعر في هاداك لوقت: لإلياذة و لأوديسة معروفين بلي تاوعو ملقرن سادس قبل لميلاد. و زيد كاين زوج قصايد وحدوخرين تاوعو لهزلية و لباتراشوماشية ( كيما نقولو «حرب تع ضفادع و طوبات») و قصايد مارجيلات ، وقصائد هيمناس هوميريك "Hymnes homériques " ( مالقري كاين لي شكو بلي هومار هو غي ألفهم ). كان يكتب بوحد لغة قديمة بزاف ملقرن التامن قبل لميلاد . و كثر مين يبغي يفيكسي نص ، فلقرن السادس قبل لميلاد . كان يخدم بوحد لمقياس تع ليكساماتر داكليتيك(hexamètr dactylique).

حياته

هومار و لموجه تاعه, من ويليام بوجورو (1874)

هومار على حساب تاع بكري

تقليد يڤول بلي هومار كان عمى. فلبدية الشاعر ديمودوكوس(Démodocos) لي بان في الأوديسة (l'Odyddée) باش يغني الحلقات تاع حرب طروادة, عمى: موسى ″دالو عينيه, بصح عطالو ڤرزي حنين فالغنا″2 مبعدا مؤلف تاع نشيد هومار في أبولو ديليان (appollon Délien) ديكلارا فالسوجي تاعه:″ هدا عمى يسكن في خيوس الصخرية(Chios)″3 دا هاد لباساج ثيوسيديد (Thucydide), لي دا منها كيما باساج يهدر هومار فيه على روحه.4

تصويرة تاع هاد ″الراجل لعمى″ شايعة في الأدب ليوناني. توري واحد السيد في خطاب ديون كريسوستوم(Dion Chrysostome) روماركا بلي ″ڨاع هاد الشوعارا عميين و دايرين في راسهم بلي امبوسيبل تولي شاعر ماغير هكا″; ديون ربوندا بلي ينقلو هاد لخصوصية من بعضهم بعض كيما كاش مرض تاع لعينين5. فالصح, الشاعر لي يغني كزينوكريت لوكرس ( Xénocrite de Locres) كان معروف بلي عمى مالزيادة6; أشايوس ديغيتريس (Achaïos d'Érétrie) ولا عمى بسك قرصوه نحل, رمز موسى7; ستيسيشور (Stésichore) مولاش يشوف بسك هدر هدوة مشي مليحة على هيلين دي سبارتي8 ( Héléne de Sparte) و ديموكريت (Démocrite) ڨلع الشوفة باش يشوف غايا9. ماشي ڤاع الشوعارا ليونانيين عميين, بصح لمعاودة تاع بلي الشعر مربوط بالعمى پوسا التساؤل. مارتن ب. نيلسون (Martin P. Nilsson) روماركا بلي وحد لبلايص السلافية, الشوعارا قاع يقولولهم ″عميين″10. كيما أكده تاني أريسطو11 (Aristote). لي ينعمى يولي عندو ميموار مليحة. زيد التخمام ليوناني رابط الهمى بالقوة الإلهية. الكهان تيريزياس (Tiréisias) أفيوني ميسيني (Ophionée de Messène), إيفينيوس أپولوني(Événios d'Apollonie) ولا فيني (phinée), هادو ڤاع مكانوش يشوفو. باش نفهمو غايا, الخدمة تاع شاعر كانت واحدة مالخدمات لي قليل باش واحد عمى يطيڤ يخدمها في مجتمع كيما المجنمع اليوناني تاع بكري12.

بزاف مالمدن الآيونية ( خيوس, سميرنا, سيمي ولا زيد كولوفون) ( Chios, Symrne, Cymé, Colophonr) متعارضين على الأصل تاع هومار. النشيد لهوماري في أبولو ديليان ذكرت خيوس و سيمونيد تاع كيوس13 ينسبو ل″رجل خيوس″ واحد من أشهر السطور في الإلياذة ″ هو من لا راص تاع الناس كيما الورق″14, ولا حكمة في العصر القديم. لوسيان ساموسات ( Lucien de Samosate) دار بلي هومار بابيلوني رسلوه كيما رهينة ( باليونانيةὅμηρος / homêros) عند اليونايين, و من هادي جا سمه.15 مين سقساوه على هادي ريبوندا أوراكل ديلفي (l'oracle de Delphes) في 128 للامبراطور هادريان (Hadrien) بلي هومار زاد في إيثاكا (Ithaque) و هو ولد تيليماك (Télémaque) و بوليكاست16 (Polycaste). بروكلوس دلف (Proclos de constantinople) كمل هاد الجدل في حياة هومار, قال بلي قبل كلشي هو ″مواطن في الدنيا″

تمنية تاع السير الداتية وصلتلنا, ندارت غلطة على بلوتارخ (Plutarque) و هيرودوت (Hérodote): بلاك فسروها من الخوف مالفيد ( l'horreur du vide) مالكتاب تاع السير الداتية تاع اليونانيين 17. القديم ڤاع فيها من وقت الهلنستية (l'époque hellénistique) و هي معمرة بلي ديطاي, كاين منها لي يكزيستي من الفترة الكلاسيكية, على حساب الشوفة هومار زاد في سميرنا, و عاش في خيوس, و مات في إيوس. اسمه تاع الصح ميليزيجينيس (Mélesigénès); باباه إله نهر ملي (Mélés) و مه حورية كريثيس (Créthéis)18. أريسطو ولد هومار في لوس19, جزيرة جايا في سيكلاد (Cyclades). فنفس الوقت, هومار هو سليل أورفيوس (Orphée), ولا ولد العم, ولا غي موسيقي تاع دروك.

هومار، بنادم تاريخي؟

كاين هدرة جديدة، ڤالوها لي ألفو أنڤلو ساكسون (anglo-saxon )، بلي الأوديسة (l'Odyssée) كتبتها مرا صقلية "sicilienne" فلقرن السابع قبل لميلاد، ( وين لبنادم نوسيكا (Nausicaa) غادي يكون بنادم باين)، و لول لي خمم فهادي الحاجة هو الكاتب لإنڤليزي صامويل بتلر(Samuel Butler) فلكتاب تاع الأوديسة. فعام 1897. لمفلسف لفرونسي رايمون رويير(Raymond ruyer)، لمعجب لكبير تاع صامويل بتلر لا ڤنوس برانستون(La Gnose de Princeton)، يتمشى فمام جيهة في خدمته تاع كتابه هومار فالمؤنث و لا لمرا صغيرة لي كتبت تاع الأوديسة( l'Odyssée) لي خرجها كوپرنيك(Copernic) فعام 1977. و هاد الحاجة باش نفهموها مليح خدم بيها الشاعر روبر ڤراف (Robert Graves) في كتابه بنت هومار، ر. ڤراف، بنت هومار، لاكاديمي تاع شيكاڤو، 2005، و في 2006، ملجاميعي أندريو دالبي(Andrew Dalby) فالمقال تاعه [(عودو كتاشفو هومار ]]، دبليو.دبليو.نورتون،2006.

وحدوخرين شكو بلي كاين و يإيكزيزتي هومار تاريخي. مام اسمو داير پروبلام: مكانش بنادم وحداخر يسموه هاك قبل لاپيريود هيلنستيك(l'époque hellénistique) وڤعد قليل قبل لاپيريود تاع رومانيين، وين كانو حاكمينه بدات لمتحرين20. لاسم معناته<<يرهن>> و قصص مختالفين بغاو يوصلو يفهمو علاش هومار ولا يسموه هاك، مور ما خوناتو لمدينة كذا و لا كذا. عتارضو بلي لكلمة كانة نورمالمو فالجمع(هوميرا) و مشي فالمذكر، إيفور كومس(Éphore de Cumes)، كاتب تاع لقرن الرابع قبل لميلاد، يفهمو، فلهجة تاع مدينتو، بلي "عمى" و بلي مدوه لشاعر علا خاطر كان عمى، و هدا ڤاع باش يبينو بلي هومار مواطن21. ما بانتش لكلمة فأي بلاصة وحدخرا و كلمة "عمى"، من جيهة يلا ننجمو نڤولو بلي نوندفامي"cognomen"، ما تنجمش هاد لكلمة تكون اسم وحدو22. و من جيهة وحدخرا، ڤالو بلي بنسبة لليباڤر، يخبو الهوية هو القاعدة و لإسم تاع الكاتب، ليكسيبسيون.

سما نجمنا نهدرو على<<الإختراع>> تاع هومار. بالنسبة لمارتن إل.ويست(Martin L.West). لبنادم ختارعوه عولاما أثينيين تاع لقرن السادس قبل لميلاد. ملبدية تاع إدعاءات المنظمات تاع رابسودي(rhapsode) كيما هوميرد خيوس(Homéride de Chios)، لي ڤالو بلي يجو للهومار، داو لقصايد تاوعو و ردوها تاعهم و حكاو حلقات مختلفين ملحياة تاع لي فتارضوه سلف24. بالنسبة لبربرة ڤراسيوسي(Barbara Graziosi)، عتابره كيما يڤولو حركة هيلينيا(Panhellénique)، لاصقة مع الإعترافات تاع رابسودي(rhapsodes) في ڤاع اليونان: ڤاع يلا كان يإيكزيزتي هوما و لا لا، لإسم ولا باين فاليونان، و الرابسودي(rhapsodes) تنجم تهدر عليه باش يلزو عندهم الناس فتلاوات الجمهور25.

خدمت٘ه

لإلياذا ولأوديسا يُنسبوا لـ هوميروس من لقرن السادس قبل لميلاد، وننسبو ليه تاني الملحمة الكوميدية باتراشوميوماشيا(Batrachomyomachia) (يعني "حرب الضفادع والفيران" ، لا كوميدي ساخرة تاع الإلياذة) ، القصيدة الهزلية لي سموها مارجيت(Margitès)26 ، و شوية تاع الاناشيد لقصيرة لي يعيطولها اناشيد هومار(Homère). في الصح، هاذ الشغالات، مالغري صعيبة باش نحدو لي دات تاوعها نيشان ،الفوها ابري باتراشوميوماشيا (Batrachomyomachia) بوتاتر داروها في لقرن لخامس قبل لميلاد27 ولا في العصر الهلنستي(hellénistique)28، لا دات ايكزاكت تاع لمارجيت (Margitès) مشي معروفة مي يبان قديم29؛ واناشيد هومار (Homère) داروها في القرنين السابع والسادس30).

وفوڨ هاد الشي اسم هومار (Homère) كان يشبه لڨاع الشعر لملحمي في العصور لقديمة، كيما هسيود (Hésiode)كان يعني كل نوع من الشعر تربوي. وتاني، نلقاو بزاف اسمه عنده غولاتيون ب لي تيتر تاع ملاحم دورة طروادة( cycle troyen). هيرودوت (Hérodote) ڨال بلي "الشعر الهوميري (poésie homérique)"كان انتاردي من عند كليستان (Clisthène) ، حاكم سيكيون( Sicyone)، بسباب مراجيعه لارغوس31 _ لي يخلينا نتوقعوا بلي دورة تيبان (thébain) كانت تاني هوميرية. مام هيرودوت (Hérodote) كان يسقسي على الابوة لهوميرية تاع ايبيغون (épigones)32 ولغنا لقبرصي32.وكاين لي نسبوا ليه تاني اويكاليا (oechalie).اونفان ,بزاف كتاب قدم كتبوا ايات نسبوها ل هومير(Homère)، بصح متبان ني فالالياذة (l'Iliade) ني الاوديسة (l'odyssée) : سيمونيد دي سيوس( simonide de céos)33 ,بندار(Pindar)34,الخ.

ما قتصرش الدعم على الإلياذة والأوديسة غير من أفلاطون "Platon"وأرسطو"Aristote"، بصح فلقرن السطاعش ، مزال إيراسموس(Érasme) حاسب بلي باتراشوميوماشيا (Batrachomyomachia)هو خدمة هومار(Homère).

السؤال لهوميري

إنجرس ، تأليه هوميروس ، 1827، متحف اللوفر (الجرد 5417)

علا جال المعلومات القليلا لي عندنا علا هومار(Homère) كاين لي شكو فل وجود تاعها ، يولي هاد السؤال للعصور لقديم ، عند سينيكا (Sénèque) : «كان لمرض تاع اليونان هو بلي لازم يعرفو شحال كانو يجدفو عند أوليسيس(Ulysse) و يلا كانت الالياذة(l'Iliade) كتبت قبل لملحما سما كانو هادو القصايد في زوج لمؤلف واحد » 35

«السؤال الهوميري  »(la question homérique) كيما يسموه فلعصر لحديث ، زاد عنددوبينياك ( l'Abbé d'Aubignac) 36 . علا عكس لمعاصرين تاع هومار كتب في عام 1670 لمخمنين الأكادميين وين ما كفاهمش غي ليكريتيك لخدمة تاع هومار ، و زادو تاني شكو مام فلوجود تاع شاعر بروحه. بنسبا ليه الإلياذة و الأوديسية (l'odyssée) كانو غي مجموعة منصوص لحماسية لقديمة 36. في نفس ليبوك تقريبا ، ريتشارد بنتلي (Richard Bentley ) دار فل ملاحظات تاوعه علا خطاب حرية لفكر بلي هومار كان كاين و يإيكزيستي ، بصح كان يكتب غي الغنا و الراب (rhapsodie ) لي عاود رتبها مبعد بشكل ملحمي36 .جيومباتيستا فيكو(Giambattista Vico) يشوف بلي هومار (Homère) مكانش ڤاع يإيكزيسكتي ، بصح الالياذة و الأوديسية هوما حرفياً الخدمة تاع الشعب اليوناني ڤاع37 .

فريدريتش أوڤست وولف (Friedrich August Wolf ) هو المؤلف اللول لي طرح في كتاب تاعه التجريبي( 1795) الفرضية تاع هومار الأمي ، على حساب شا ڤال بلي هاد الشاعر ألف زوج أعمال في عام 950 قبل الميلاد وين كانت اليونان في هاد الوقت متعرفش الكتبة. ومبعد يبدلو الغنا مالشكل تاعه القديم شفهيا ، و هاكا تولي غي تطور و تطور حتى يتبتوها من تنقيح بزيستاروس (Pisistarus)فالقرن السادس قبل الميلاد38 . من بيناتهم زوج تاع المدارس متميزين : الوحدويون و المحللون. المحللون كيما كاري لاخمان (Kari Lachmann) يحوسو باش ينفو القصيدة لوريجينال يعني تاع هومار (Homère) مام ، و الزيادات و الاستيفاء و يبازو على التناقضات لي ف النص و الغلطات تاع التكوين مثلا كيما پيليمان(Pylémène) قتل البطل ترويان (Troyen) ف الحقول39 لي فاتت قبل ما يعاود يبان الحقل السادس40 ، منبعد أخيل (Achille) طمع ف حقل القرن حداعش اللي هي سفارة اللي كان غي كي رسلها . الكونطر تاعهم الوحدويون اللي يڨولو علا الوحدة تاع تكوين القصائد و الأسلوب تاعها بلي مهما تكون بزاف طويلة (15337 للإياذة و 12109 للملحمة ) و ديفونداو على الاطروحة تاع المؤلف هومار لي ألف القصائد لي راهي عندنا م جوايه مختالفا فالعصر تاعه ؛ و هاكا نقدو نفسرو الإختلافات بين الزوج قصائد م الشونجمو بين المؤلف لي صغير فلاج و المؤلف الكبير و لا حتى بين هومار مام و الاتباع تاع المدرسة تاعه 41. و هاكا بول كلود (Paul Claudel ) على « التفرد ف اليد العاملة »:

" ڤاع الأحداث ،و ڤاع لي سوجي داو الاتجاه و العلاقة و ليكيليبغ ، ڤاع الكوتي التحتاني يفطن روحه و يبرر روحه ، ڤاع يبداو يغنو في وقت واحد ماكسيموم شا يقدو ، و يكونو تحت التأتير تاع هاد الاڥوا العريانة باش يلمو لي مورسو الخفيفة لي تآتيريهم للخاتمة ". 42.

اليوم تقريبا ڤاع النقاد يحسبو بلي قصائد تاع هومار كي ألفها عاود خدم بالصوالح القدم فلفترة الانتقالية كي نتاقلو من تقافة التكوين و النقل الشفهي لي يتميز "القرون المظلما " لولادة تقافة كتبة يونانية جديدة . و مكانش شك بلي التدخل تاع مؤلف ( و لا زوج) منشكوش فيه ، بصح كاين قصائد قديمة و بلي شوية منها داروها فالخدمة تاع هومار . مكانش كاين وحدوخرين كيما هدوك لي حكاو بتفصيل حلقة حصان الطراودة43 ، و لي هدرو عليها في مدة قصيرة برك في الأوديسية ، نورمالمو كانت تندار الالياذة هي اللولة ، من جيهة النص اللول من القرن التامن قبل الميلاد و الأوديسية ممبعد ، و يولي تاريخ تاعها للنهاية تاع القرن السابع قبل الميلاد . الاساليب المعاصرة تاني سيات توضح السؤال كي لمت بين علوم تاع الكمبيوتر و الاحصاء يمد ستيل تاع القياس الإمكانية تاع فحص الوحدات اللغوية المختالفا كيما الكلمات ، الفئات لغوية ، و حتى صوتية ... و تاني مع الحروف اليونانية تبين دراسة لولة دارها ديتمار ناجوك (Dietmar Najock)45 للتماسك داخلي الالياذة و الأوديسية.

طرونميسيون تاع نصوص

طرانزميسيون أورال

حولو نصوص هوميروس شفويا لمومو طويل في هدرته المشهورة،النعت القديم في هوميروس، يبين ميلمان باري بزاف من صوالح "الاسم نيشان + الصفة" كيما "اخيل بكرعين فاتحة" ولا "هيرا تاع اليدين البيضين" تدخل في انماط بالديطاي . خدم الشاعر بلاك يكمل النص ساهلة على حساب نص واجد . هذا السيستام لي يكون في الشعر هوميروس هو نوع من أنواع الشعر اوغالمو.

يبريزونتي باري و تلميذ تاعه البرت لورد اكزومبل للشعراء الصربيين من بلاصة نوفي بازار لي يطيڨو على قراءة قصائد طويلة بيا فيني مور تسجيل بزاف من الملاحم، فاق لورد وقت لي ولى مور شوية عوام بالتعديلات لي داروها هادو الشعراء.

من بيسستراتوس إلى السكندريين

أرسطو قبل تمثال نصفي لهوميروس ، من رامبرانت (1653) ، متحف متروبوليتان تع لفنون

القرن السادس قبل الميلاد J_C بيستراتوس حلو اول مكتبة عامة، شيشرون بلي الحكايتين دارلهم فوطوكوبي لخطرة لولة بامر من الطاغية الاثيني . يدوموندي من اي شاعر ولا اي شونتور يفوت علي اثيناو يقرا ڨاع شا يعرف على هوميروس للأثينيون لي يسجلوا كل فوطوكوبي و يلموها لي سموها دروك الإلياذة و الأوديسة. عاون في هدي الخدمة علماء كيما سولون و يمد اوامر لولد الطاغية هيبارخوس باش يقرا المخطوطة كل عام بمناسبة العيد الباناثيني ، على حساب حوار هيبارخوس التابع لبلاطون . صايي كتبو نصوص هوميروس و قراوها على وراقي البردي (لي يجي منه المجلد الفرونسي). مستحفضوش على ڨاع لي ليست . ما بقا في ماصر والو ابار شوية بقايا تكون من القرن التالت .J_C واحد منهم، جامعة السوربون و يبان كونتغاغ ماشي كيما كان حاسب في داك الوقت.

• سبقو قسمو الخدمة الى 24 نوع ، مرقمة ب 24 حرف من الابجدية الايونية، خدمة النحاتين السكندريين في وقت الهلنستية;
• القص تاع الحواف ماكانش يتوافق مع نيسيسيت ݒراتيك

مبعدا في القرن تالت النحويين سكنداريين و زينودوت هوما لوالا لي خدمو مودال نقدي في نصوص هومار ، بدا Xenodotus، لول لي شد مكتبة الإسكندرية ،في وقت كان خليفته أريسطوط تاع لبيزنطيين يدقق في علامات الترقيم في النص . أريسطوط تاع ساموتراس, يكتب لي كومونتار على الإلياذة و الأوديسة ، و يدير المحال باش يفرق بين نص العلية ، لي بناوه تحت امر بيسيستراتوس و زٚيٚادات هيلينيستية . من البيزنطيين للامبريمونت ، فالقرن التالت كانو الرومان مشهورين بالخط ، كانو يخدمو بزاف بالوراقي ، في ڨاع البحر الابيض المتوسط .

من البيزنطيين للمطبعة

في القرن الثالث ، نشر الرومان ليتيلازاتيون تاع لمخطوطة ، يعني لغلاف تاع الورق ايتيليزي بزاف ليوم ، في ڨاع جوايه لبحر الأبيض لمتوسط. تولي أقدم لمخطوطات لمعروفة بهاد لافورم ل لقرن العاشر. هم من عمل ورش العمل البيزنطية. هذا هو الحال ، بار ايڨزومبل، Venetus 454A ، وحدة من لي ميار مخطوطات لكاينة، ولي خلات في 1788 لفرنسي جان بابتيست-غاسبار دانسي دي فيلواسون يدير وحدة من لي ميار طبعات الإلياذة [47]. في القرن تناعش، لم لباحث أوستاثيوس من تسالونيكي شروح الإسكندرية [48]. وهي تستحفض برك بـ80 تصحيح من أصل 874 تصحيح دارها أريستارخوس من Samothrace. في عام 1488 ، دارو فوتوكوبي princeps للخدمة في فلورنسا(Florence).

اللغة لهوميرية

هومار (1812)لفيليب لوران رولاند ، متحف اللوفر

لغة الهوميريا لغة ملحمية "l'épopée" ديجا قديمة بزاااف ملقرن ثامن قبل لميلاد .و قديمة كثر فتصحيح تع النصوص باسكو كان فلقرن سادس قبل لميلاد . و زيد علا هذا ، قبل هذا لوقت ڨاع ، بدلو شوية من هاذ لغة لقديمة بزاف ، و دخلو لعية "atticismes" فنص.

خطرات، لمقياس تع ليكساماتر داكليتيك سداسي "l'hexamètre dactylique "يخليك تصيب شكل لولاني، و تاني يشرحلك صوالح لمعقدين. هدا هو لموقف كيما الديڨاما"digamma"، و هو وحد صوت مراهش كاين ملألفيا قبل لميلاد. في وحد لهجات مزالو يخدمو بيها عند هومار تع لأسئلة تع توسع، مام يلا متنكتبش و متتنطقش. و هذا من شعر 108 تع لإليادة "l'Iliade":

« ἐσθλὸν δ’ οὔτέ τί πω [Ϝ]εἶπες [Ϝ]έπος οὔτ’ ἐτέλεσσας »

لإستعمال تع لعناصر لجينية"génitifs" في زوج لقديمة "-οιο" ولا جديدة "-ου" ولا حتا دفعات"datifs" لجمع (-οισι et -οις) يبين بلي شاعر يطيڨ يخير بين لأشكال لقديما و جديدا كيما يبغي :"لغة تع هومار خلوطا تع أشكال من قرون منوعا ، و جامي خدمو بيها مخلطا هكا و هذا التخلاط تع لغة حرية أدبية سما كيما يبغو جاكلين دي روميلي"Jacquelin de Romilly".

و لي خير فاع، سيكو لغة لهومرية تلم لهجات منوعة . تطيڤو نوخرو لعلية"les atticismes"، و لي ترونسفورماسيو لي لقاتها فتصحيح تع نص . باقي زوج لهجات كبار، لأيونيا و لأيوليا، شوية ملخصائص تاعها باينة للقاري كيما: لأليونيا تخدم بإيتا êta" (η)" و لأليوني اتيك تخدم بالفا طويلا (ᾱ)، و منا جاو لإسماوات أثيني« Athéné » ولا هيري « Héré » في بلاصت تقليديين أثينا « Athéna » ولا هيرا« Héra » . تطيڤو نفسرو هادا تعايش لي منطيڤوش تبدلوه بين هادو زوج لهجات بارابور بير شانترين "Pierre Chantraine" ببزاف جوايه:

•فتاليف لأليوني، منبعد للمقال لأليوني؛

•تكوين في بلاصة وين نطيڤو تخدمو بهادوك زوج لهجات كيفكيف؛

•شاعر عنده ليبارتي في شيخطار، كيما فلخلوطة تع لاشكال فديدومون منوعة، جينيرالمو بسباب لعداد" la métrique".

فلحقيقة، لغة لهومرية هي لهجة مركبا كانت كاينا غي لشعارا و جامي هدرو بيها من قبل، و هادا يبين لا ديفيرونس لي خلقتها لملحميا"l'épopée" مع لافيريتي تع لحياة ليوميا. منبعد، مورا هوميروس، ببزاف وقت لكتاب ليونانيين غادي يقلدو هوميروس بصح خير كثر باش يأثرو فلأدب .

تفسير لاستعاري

تفسير لإستعاري تاع هومار هو شرح ولا تفسير لخدمة هومار, على حساب لبديهية لي تڤول بلي شاعر ما يعب٘رش على تخمامه نيشان, لعكس يدس٘ه مور روايات لأسطورية, يعب٘ر عليه بلوغة غامضة ولا يشر٘.

الشكل لقديم ڤاع تاع تفسير لمجازي (de وάλλος, "وحداخر" و αγοράομαι,"يڤول": لي يڤول بكلمات وحدخرين لي ماڤالهش شاعر بوضوح), و فنفس لوقت هدا لي ڤعد في ليستوار, يحو٘س يبي٘ن فنص هومار, تعاليم فيزيائية, لي تتعل٘ق ب لا ناتير (و φύσις) و بڤاع ظواهر لي تصرا تما; على حساب ج.پيپين (J.Pépin) فعام 1976 فأسطورة و رمز لي ناشرينها فدراسة الأغسطية (Études auguestiniennes), هادا جينيرالمون متعلق بقراية تاع نظام الفيزيك, و بروكلوس (Proclus) يفه٘م شو٘الا تفسير لمجازي, و بلي الظواهر لفيزيائية هوما لهدف في لمعاني و شر٘ات فلأساطير.

ننجموا تاني نميزو بين التفسير لاستعاري المجازي ولا الروحاني ، لي عنده غولاتيون بالآلهة ولي سوكري تاع الدين ، بصح جينيرالمون تكون مرتبطة ارتباط متين بالتفسير لمادي ، ولا استيعاب الآلهة في الكيانات الطبيعية ، ولا لي يخدمو على الطبيعة "بصح علم اللاهوت يلقى تاني بلاصته تما”[49]. أونفان، كاين تاني تفسير استعاري تاريخي وأخلاقي (ولا أخلاقي) روتار بزاف ومعاود شوية.

التفسير لمجازي لهومير(Homère) ، لي داروه براسك ڨاع لفلاسفة ملعصور لقديمة ، يغطي في لافان بيريود مشي قل من 2500 عام. ادا مطبقناش التفسير لمادي على مؤلف الإلياذة والأوديسة برك ، بصح على بزاف شعراء ليونانيين ولاتينيين لقدم لخرين كيما هسيود(Hésiode) وفيرجيل(Virgile) و أوفيد (Ovide)، دونك تفسير هومير(Homère)هو بلا شك لي بزاف فيه الشهادات المكتوبة. وهكا علقو على Aede بشكل استعاري من عند لي باغيين ،الفلاسفة لي قبل سقراط (طاليس ميليتوس ، اناكساغوراس من كلازومينيس ، زينوفانيس، كولوفون هيراكليتوس افسس، امبيدوكليس من اغريجنتو ديموقريطوس ابديرا،..الخ)، فيثاغورس و الفيثاغوريون الجدد (البورفيري)، أفلاطون و الافلاطونيون (بلوتارخ من شيرونيا) و الافلاطونيون جدد (بلوتينوس، بورفيري، جامبليسوش، بروكلوس، هيرميس من الإسكندرية و اوليمبيودور)، ابيقور و الابيقوريون، الرواقيون ( cleanthes , cornutus) ،وزيد بزاف من مؤلفين ليونانين و لاتينيين لقدم تالين ، لي، بل الانتماء لباين لوحد تيارات الفلسفية المذكورة فوقه ،يقدم عينات على الاقل من التفسير الفيزيائي اللاهوتي ليهوميروس (ارسطو،شيشرون،الزائفة بلوتارخ، ماكروبيوس،هيراكليتس دو بونت،الخ)،بزنطيين(بسيلوس ، اوستاثيوس من تتسالونيكي)، جان تيزيس، كريستوف كونتوليون ، جيميست بلوتون ) ، وتا المؤلفين المسيحيين لقدم (كليمنت الإسكندري ، Hippolyte of Rome ) والمسلمين (الشهرستاني) ، والإنسانيين (rabelais]] ،J. Pierius Valerianus ]], و جين دورات Jean Dorat ، وما إلى ذلك) ، والكيميائيين ولا الفلاسفة المحكمين من القرن الرباطعش (Petrus Bonus ، Blaise de Vigenère ، Giovanni ميشال(Michel)Maeir مايار Bracesco ، ، إلخ) ،و تالين الجدد من قرن ثمنطاعش حتى لدروك (فابر دو بوسكيه، أنطوان جوزيف بيرنيتي، اي دي هوجفورست. • "أجاممنون يمثل الأثير. أخيل الشمس. هيلين ، الأرض. الكسندر الهواء هيكتور القمر. لخرين عندهم اسماوات تتوافق معاه. من بين الآلهة ، يمثل ديميتر الكبد ,ديونيسوس ، الطحال. أبولو ، الصفراء "[50]. •يتبادلو صحاب أوديسيوس للخنازير وحيوانات وحدخرين. ويقولو من يموتو رجال المهابيل رواحهم يولو فلكور تاع الحيوانات أرواح الرجال مهابيل. طيحتهم حصلتهم لثورة الكون الدائرية لي يسميها هوميروس "سيرس" ("الدائرة") "[51]. •بسباب سلسلة تاع الذهب المشهورة ، هوميروس ما يعني حتا حاجة آبار الشمس ، عليها تبين غاية بلي مادمتالكرة السماوية و الشمس تبوجي ، سما اي حاجة تستحفض عليها بالالهة كثر من بنيادم بصح ادا جمدوهم كما يكونو مربوطين قاع صوالح غادي يخسرو تصرا تصرا ، كما يقولو اضطراب عالمي "[52].

•يبان ، في الصح ، بلي خالق الكوني ، تأليفه لعالم العناصر المتعارضة و صحبة بوخسونطاج فيه نسبية ، يوحد فنفس الوقت أنشطة هيفايستوس وأنشطة آريس وأنشطة أفروديت: كي يولد تناقضات العناصر ، يولدها على حساب آريس لي فيه ؛ كي يدير صحبتهم ، يتصرف على حساب قوة أفروديت ؛ عندما كي يلصق لي تابعين لأفروديت على حساب اريس ، فإنه يتبنى كمثال أولي فن هيفايستوس. هو نفسه كل شي ويخدم مع كل الآلهة"[53].

•Penelope (Πηνελόπη) هو البنادم لي دا (λαβουσα) خيوط (πήνας) من لأقدار ، زعما بلي اللحمة تجي مع طبيعة وتستاف لي نسجته الطبيعة ، ولي مشي باغي يخضعلها، لأنها أسمى من الطبيعة. هذا هو سبب في الشاعر يمثل بها الأنشطة الخارقة للطبيعة ”[54]. •"الآلهة متعيش على خبز ونبيذ كيما بنيادم ، علبيها معندهمش دم ، بصح ماتيار يسموها ichôr [را. الإلياذة ، V ، 339 إلى 342] ، وهي بمثابة مصل مالح ميبانش ، يمنعو لفساد في الحيوانات وقاع المركبات الأولية الأخرى ”[55]

الأهمية تاريخية تاع كتابات هومير

كارطا تاع اليونان الهوميرية لي مكتوبة فلكاتالوغ تاع بوابير و حصان طروادة

ماسك أجامون مصنوع ملورق تاع الذهب المدڤوڤ, صابوه في ميسينا, دروك راه فلمتحف لأثري لوطني تاع أثينا

الكتاب لقدم يحسبو بلي هومير (Homère) كان يغني على لحاجات لي صراو بصح ، وبلي حرب(Troie)طروادة صرات بصح. دارو لارومارك تاع أوليسيس (Ulysse )للشاعر ديمودوكوس(démodocos):

"نتا تغني بفن عظيم مصير الإغريق ،ڨاع لدرته أرغيفيس وخضع له وعانى ،كمن جربها ، أو على الأقل تعلم من واحد آخر [56]! "

في القرن التسا تاعش ، كان يحوسو على المواقع لي وصفتها الملحمة باش بدا هاينريش شليمان خدمات التنقيب في آسيا الصغرى. كي ركز باش يسلك مدينة يسموها طروادة ، من بعد مدينة ميسينا ، نظنو بلي ثبتنا بلي قصص هوميروس نيشان. يتعرف البنادم بلي كاين أجاممنون ، ويخمم باش يصيب ماسك مع بوبيته ، ودراع أياكس الكبير ، وكأس نيستور ، إلخ. [57].سماو مجتمع لوصفه بالحضارة الميسينية. بلخف ، اكتشف فهذي الحضارة (في المقام لول ، حل رموز الخطوط ب) تشكك في هذي الهدرة: كان المجتمع الآخاني يشبه لحضارات بلاد ما بين النهرين ، ادارة و البيروقراطية ، كثر من أرستقراطية من لي يحاربو ، بلا دولة. تشرح جاكلين دي روميلي ما هدو صوالح: "بين اكواغط الي صرابوها و القصايد، مكانش إرتباط متين اكثر من ارتباط تشانسون دي رولاند وخدمات التوثيق من وقت رولاند" [58].

يأكد موسس فينلي ، في Le monde d'Ulysse (1969) ، بلي لمجتمع لي وصفوه ، بغض النظر على شويا اختلافات من تاريخ ، بصح كان كاين : هذي هي "القرون المظلمة" ، هي لي كانت فلقرون العاشر والتاسع قبل الميلاد. قبل الميلاد ، وجايا بين حضارة ميسينا وبداية وقت المدن (القرن الثامن قبل الميلاد). وهكذا ، كتب في "العصور المظلمة وقصايد هوميروس" (الإغريق القديمة ، 1971

"كل شي يصرا كما لو أن الڨلب لقديم للشعرين كملت شويا بالفوز: ما لڨري نساو ڨاع صوالح تاع المجتمع الميسيني ، بقاو روطار بزاف باش يرسموا لقرون المظلمة نيشان بتفصيل ، فبدياتهم اكثر من تاليا تاعها - بصح كانت دايمن تخلي موراها صوالح سمح فيها الزمن ، بقات الميسينية من جهة ، والرموز جديدة من جهة وحدوخرة. »منداك الوقت ، شكوا فراي فينلي تاني ، وهذا بسباب اختلافات تاع تاريخ ، ولي يبين صوالح تعود للقرون الثامن أو السابع قبل الميلاد. اللولة ، تتضمن الإلياذة ثلاثة تاع صوالح لما يشبه الكتايب ، منها:كانت الخدمة بدبابات ماشي منظمة: يركبو الأبطال دباباتهم ويقفزوا منها ويقاتلوا على رجليهم. يعرف الشاعر بلي الميسينيين استخدموا العربات ، بصح معرفوش يخدموا بها في ذاك الوقت (عربة ضد قتال العربات ، واستخدام الرمح) ، و صوالح وحدخرين العربات على لعواد في ذاك الوقت (نقل الخيول إلى "في بلاصة المعركة المعركة"). ، يقاتلو يتمشاو ).

صرات هاد الحكاية في نص لعصر البرونزي وأسلحة الأبطال مصنوعة من هذا المعدن. بصح هوميروس عطى أبطاله "ڨلب تاع حديد حديد" ، ويهدر ف الأوديسة عن زڨاداره فا س حديد فلتزوير.

هدي استخدمات من فترات مختلفة على بعضها ، كما لغة هوميروس ،بلي العالم الهوميري مكاش كاين كما هكا. هو عالم مركب وشاعري ، كما جغرافيا رحلة أوليسيس.

التروة لأدبية ولفنية

لأدب

كتب فيكتور هوغو ( Victor Hugo) عليه في ويليام شكسبير( William Shakespeare): "لعالم زاد ، هومير(Homère) يغني. هدا زاوش تاع هاد لفجر". أونوريه دو بلزاك(Honoré de Balzac) داره لفوڨ حتى وين كتب :

هومير(Homère) هو أصل الشخصية تاع الشاعر لكفيف ، لي لعجز تاعه موازن بلعبقرية شعرية تاعه. علابيها، بزاف شعراء ولا لكتاب لمشهورين تقربو من هومير(Homère) بسباب لعمى تاعهم ، بار ايڨزومبل جون ميلتون (John Milton) ، كاتب تاع لملحمة لجَنَّة لمودرة، جوزلار (شاعر) فيليب فيشنجيتش( Filip Višnjić) ، الصياد دوڨون (dogon)أوجوتيميلي(Ogotemmêli) ولا غي هنا هنا لكاتب والشاعر لارجنتيني خورخي لويس بورجيس(Jorge Luis Borges).

لوسيان من ساموساتا(Lucian of Samosata) دار هومير(Homère) في بزاف تاع ديالوڨ تاوعه. في الرحلة لخيالية لي حكاها في لقصص لحقيقية (II ، 20) ، لوسيان (Lucian) تلاقى بهومير(Homère) في جزيرة المباركه(l'île des bienheureux) : لهدرة هي السبة تاع زعاقة لسؤال هومير(Homère) ، لي بان بصح في وقت لوسيان(Lucian).

فيلو دوسي H،يحكي إسماعيل قادري(Ismael kadare) قصة تاع زوج من مؤيدي Homerists لي جاو ل ألبانيا باش يسجلو لملاحم اورال تاع الرابسوديس (rhapsodes) مع الطموح تاع يوضحو سؤال هومير(Homère).

بنتورة

هومار و رّعاة كاميل كورو,1845 متحف لي بوزار تاع سان لو

•رامبرانت( Rembrandt) ،

° أرسطو يخمم في تمثال نصفي لهومير(Homère) (1653) ،

°هومير(Homère)(1663).

•تشارلز نيكولاس لافوند(Charles Nicolas Lafond)،سافو (Sappho) يغني لهومير (Homère)(1824).

•جان أوغست دومينيك إنجرس(Jean-Auguste-Dominique Ingres) ،تأليه هومير (Homère) (1827).

•أوغست ليلوار(Auguste Leloir) ، هومير(Homère)(1841).

•لأمير ، هومير(Homère) (1767) [62].

•وليام بوجيرو(William Bouguereau)، هومير(Homère) ولڨيد تاعه (1874).

النحت

•أنطوان دينيس شوديت(Antoine-Denis Chaudet) ، هومير(Homère) (1806). •فيليب لوران رولاند(Philippe-Laurent Roland) ، هومير(Homère) (1812).

سينيما

في فيلم تاع جناحات تاع الرغبة (The Wings of Desire) للمخرج ويم ويندرس(Wim Wenders)، سماو شخصية الشاعر لقديم لي لعبه كيرت بويس (Curt Bois)بـ هومير(Homère) و تفكر تاع بصح الشاعر القديم [63].

لي نوت ولمراجع

1.بيير شانترين ، قاموس أصلاني للغة اليونانية ، باريس ، كلينكسيك ، 1999 (طبعة جديدة) ، 1447 ص. (ISBN 978-2-15203-277-0) المجلد الثاني ، ص. 797. 2.اوديسي(Odyssey) [تفاصيل لإصدارات] [قراية على لانترنت [أرشيف]] ، VIII ، 63-64. 3.« τυφλὸς ἀνήρ, οἰκεῖ δὲ Χίῳ ἔνι παιπαλοέσσῃ »,vers172. الترنيمة جاية بين نص لقرن السابع قبل لميلاد. وبدية تاع لقرن السادس قبل لميلاد. ج- سي.

فهرس

لإصدارات

شوف ليستة تاع لإصدارات تاع لكتوبة تاع هاد لكاتب 📗 •هومار, و هيلين مونساكري (Hélène Monsacré)(دير). (ترجمة بيير جودي لاكومب (Pierre judet de la combe), ڨيكتور بيرارد ( Victor Bérard), جان هيمبير (Jean Humbert), بوستفاست هينز ويسمان (Heinz Wismann) ڨاع هومار, باري, ألبين ميشال (Albin Michel): رسائل شّابّين, 2019, 1294ص, 24 سم (إسبن978-2-226-43978- سيدوك 240986334

طبعات لقديمة

نشر لعالم لغوي الألماني جوتفريد هيرمان(Gottfried Hermann) طبعة من لترانيم عام 1806.

أعمال عامة

•فيليب برونيه (Phillipe Brunet)، ولادة لأدب في اليونان لقديمة ، باريس ، Le Livre de Poche ، coll."لمراجع" ، 1997 (ISBN 2-253-90530-5) بيير كارلير(Pierre Carlier) ، هوميروس(Homère) ، فايارد (Fayard)، 1999 الكسندر فارنو (Alexandre Farnoux)، هوميروس(Homère) أمير شعراء ، Gallimard) ، 2010 ) م. سي هواتسون (محرر) ، قاموس لعصور لقديمة ، باريس ، روبرت لافونت ، 1993 فوتو كوبي جامعة أكسفورد ، 1989) بيير جوديت دي لا كومب ، هومير ، باريس ، غاليمار ، كول.سير داتية في فوليو" ، 2017 (ISBN 978-2-07-046386-2) سوزان سعيد ، مونيك تريديه وآلان لو بولويك ، تاريخ لأدب ليوناني ، باريس ، المطابع جامعة فرنسا ، قروب "الدورة الأولى" ، 1997 (ISBN 2130482333 و 978-2130482338) جاكلين دي روميلي ، هوميروس ، PUF ، كول. " شا نعرف ؟ »نيميرو 2218 ، 1999 (خطرة رابعة) مونيك تريديه بولمر ، أدب ليوناني من هوميروس إلى أرسطو ، PUF ، مجموعة. "شا نعرف؟ »رقم 227 ، 1992 (خطرة ثانية) (ar) بيير بيليجرين ، أرسطو: لخدمة كاملة ، طبعات فلاماريون ، 2008 ، 2928 ص. (ردمك 978-2081218109)

شوف تاني

كاين فئة سبيسيال لهدا سيجي:هومير(Homère).

مقالات عندها غولاتيون

•الإلياذة

•ملحمة

•المرتل

•رابسود

•ملحمي

•دورة طروادة

•سداسي داكتيليك

روابط خارجية

في مشاريع ويكيميديا ​​لوخرة:

هومير(Homère) ، في ويكيميديا ​​كومنز
هومير(Homère) في ويكي مصدر
هومير(Homère) في  ويكيكوت Wikiquote

• لمعرض لافتراضي لمكتبة فرنسا الوطنية "هومير(Homère) على لي تراس تاع يوليسيس(Ulysse)" [أرشيف]

• ليست تاع لمترجمين ورسامين الإلياذة والأوديسة بلفرونسي [أرشيف],مع إشعار ببليوغرافي لكل واحد فيهم.

قواعد البيانات و ليديكسيونار

•لموارد السمعية لبصرية