Jump to content

Wp/arq/فرحات عباس

From Wikimedia Incubator
< Wp‎ | arq
Wp > arq > فرحات عباس
فرحات عباس
رَّايس فرحات عبَّاس -
المناصب
رايس` الجمهورية الجزايرية الديمقراطية الشعبية
25 سبتامبر 1962- 15 سبتامبر 1963

(11 ن`شهر و 26 يوم)

اللي كان قبلو : عبد الرحمن فارس
اللي جا موراه  : أحمد بن بلة (رايس` الجمهورية)
رايس تاع الحوكومة المؤقتة تاع الجمهورية الجازايرية
19 سبتامبر 1958- 09 أوت 1961

(عامين و عشر شهور و 21يوم)

اللي جا موراه : بن يوسف بن خدية
رايس تاع جبهة` التحرير الوطاني
01 نوفامبر 1954- 25 سبتامبر 1962

(07 سنين و عشر شهور و 24 يوم)

لي جا موراه : أحمد بن بلة (رايس الجمهورية)
سيرة تاعو
اسم` الميلاد :فرحات مكي عباس
تاريخ لي زاد فيه : 24 أوت 1889
لبلاصة لي زاد فيها: طاهر فوقتنا هيا البالادية تاع (وجانة لجازاير )
نهار لي مات فيه : 24 ديسامبر 19852012 (86 سنة)
بلاصة لي مات فيها : دزاير ( لجازاير )
جنسية تاعهو : جازايري
الحزب السياسي : جبهة` التحرير الوطاني ( FLN )
زوجة :مارسيل ستواتزل Marcelle Stoëtzel (1909-2001)
المهنة تاعهو : صيدالي (فرماسيان)
دين : لْإِسلام
الجازاير قُـوَّة (1962)
رايس تاع الدَّولة الجازايرية

فرحات عباس (بَلْ فْرَانْسَاوِيَّة Ferhat Abbas).زاد في 24 اوت 1899 في بوعفرون فَلْ مَنْطقة لِّي يڨولولها ضُرك واجنة (ولاية` جيجل), و توفا في 24 ديسامبر 1985 فلْ عَاصْمة، كَانْ زاعيم وطني و راجل تاع دولة جازايري.

هُوا لي لم كل السياسيين في 1943 و كتب بيان الشعب الجزايري, و في مارس 1944 نشأ جمعية "أحباب بيان الشعب و الحريات" (Amis du Manifeste des Libertés - AML). في 1946 أَسَّس لإتّحاد الدّيمقراطي تاع البايان الجزايري (UDMA). انضم ل جبهة` التَّحرير الوطني(FLN) في حرب` الِاستقلال. كان رايس تاع الحوكومة المؤقتة تاع الجمهورية الجزايرية (GPRA) من 1958 حتى عام` 1961. في 1962 انتخبُوه كي رايس مجلس تأسيسي .ولَّى أَول رايس حوكومة ن تاع الْجمهورية الْجزايرية الدِّيمقراطية الشَّعبِيَّة.

سِيرْتُهو الذَّاتِية[edit | edit source]

صْغُرْ و تَّكوين نْتاعُو[edit | edit source]

زاد في وقت وِين كَانت فِيه لجازاير مَازَالَت تحت الْإِيدارة تاع الِستعمار الْفرانسَاوي .فَلْ قرية تاع بوعفرون لِي كانت جزء م`الدُّوَار تاع شاهنة، في قرية مخلطة فل منطقة ناع بوجي الْقسنطينيَّة. فرحات عباس جا من عايلة اصلها فلاحين قبايل حضرة، فيها طناعشر ولد، كان هوا ولد القايد («نايب موظف » حتى ل عام 1919) سعيد بن احمد عباس قايد جوقة شَّرف و زَّوجة نتاعو نازة بنت علي.عايلتو مَن باباه اصلها مل مرتفعات .ترك هذي لمنطقة بعدما انغلب في ثورة 1871 من طرف محمد لمقراني، طرداتو سُّلطات لفرنساوية من ارضو بشرط يكون فلاح ،و رجع و ولَّى رايس نتاع مزرعة .دْخل ليكول فرنساوي كي كان في عمرو عشرين سنة.قْرا تعليمو لإبتدائي في جيجل ،كان مجتهد و رسلوه كي كان في عمرو خمسطاعش سنة بكفالة باش يواصل تعليم نتاعو ثَّانوي في فيليب فيل (سكيكدة) .من 1921 حتى لعام 1924 دار لخدمة لوطنية ومن هذاك لوقت كتب مقالات صحفية في جرايد متنوعة باسماء مستعارة من بينها كمال ابن سراج. طالب صيدلة في جامعة لجازاير من 1924 حتى عام 1933.كان عُضو نشيط للوداد طُّلابي لمسلم لافريقيا شَّمالية (AEMAN) ،و رجع نايب نتاع رَّايس من 1926 حتى1927 و رايس من 1927 حتى عام 1931 وين حول لوداد لجمعية وولَّى رايس نتاع لاتحاد لوطني للطلاب نتاع فرنسا (UNEF) خلال لْمؤتمر نتاع لجازاير في 1930.

نِّضال ضد لأيديولوجبة نتاع لاستعمار[edit | edit source]

فرحات عباس كان متاثر بالايديولوجية لمورايبة .هو لمؤسس نتاع لحركة لجازايرية لهيئة للِّي يسمُّوها لقومية لمتكاملة .و قاتل في سبيل ديمقراطية لمحلية و تنظيمها.شكل لوحيد نتاع ديمقراطية للِّي ناضل عليها شارل موريس على خاطر بالنسبة ليه هي برك للي حقيقية:لحكم ذَّاتي للشركات لمحلية وللشُّعوب لأصلية ولحكم ذاتي لاقليمي في مجال تنظيم لإِقتصادي و لاجتماعي.تَّمثيل لكبير للشركات و لبلديات ،و زعامى نتاع سكان لأصليين دارو جْتماع مع لحكومة نتاع فرنسا في 1920«الرجال,في لجيل نتاعي كان عندهم عشرين سنة .انا شخصيا فكرت بلِّي لجازاير طبقت نِّظام لڨديم لفرنساوي نتاع 1789.مكانش حتى حاجة في لكتاب لمقدس للِّي تمنع لجزايري لمسلم باش يكون فرنساوي من لناحية لوطنية[…] قلب واعي و مخلص للتضامن نتاعها » في نخبة لجزيرية لمسلمة فرحات عباس مكانش هو لوحيد لمؤيد للخدمة نتاع فرنسا ،كان معاه لهاشمي شريف للِّي صْبح من بعد محامي تاع محمد لخامس و محامي بن بلة و لقبايل للِّي كانو يتحرجو من سَّيطرة نتاع لعرب و كانو يتجنبو للِّامركزية للِّي دارها شارل موريس .فرحات عباس دعم لأول مرة سياسة لإستيعاب بشرط لمحاظة على لأحوال شَّخصية .و قام بحملة ناشطة للشباب نتاع لجزاير ڨالهم فيها أنُّو لحقوق راهي تحت سَّيادة نتاع فرنسا و لحقوق تكون متساوية و تْنَشَّط و تْنمِّي لفكر لخاص بالشبيبة. فل 1931.نْشر كتاب نتاع شَاب لجزيري جمع فيه كامل لمواد لمكتوبة في سنة1920 و الخاصة بالاطروحة المتعلقة بمكافحة الاستعمار باش يضمنو الاتفاق مابين فرنسا و المسلمين و ذكر بشكل خاص لماية سنة من لِستعمار فهذا لكتاب و تكلم كذلك على لجشع نتاع لمستوطنين لمجزارين نتاع دولة اجزايرية و لإسلام «رانا هنا .معندناش وين نروحو .هذي هي لرض اللي غدَّات جدودنا .من هذي لرض اللي رايحة توكل ولادنا احرار ولا عبيد تنتمي لينا و حنا ننتمو ليها و هي مبغاتش تخلينا نموتو لجزاير متقدرش تعيش بلا بينا .حنا منقدروش نعيشو بعاد عليها .اللي يحلم بالمستقبل نتاعنا كيما اللي عندو ريشة لهنود لحمر نتاع أمريكا غالط لعرب لبربر هوما اللّي ثبتو مصير لجزايرهذي في ربعطاعشن قرن ، هذا لمصير ميكملش بلا بيهم غدوة » تخرج دكتور في صَّيدلة في عام 1933 وراح لسطيف وين صبح شخصية سياسية مهمة و صبح مستشار عام في سنة1934 .عضو مجلس في سنة 1935 و عضو في وفود لمالية (في بلاصة لجمعية لجزايرية بمهارات محدودة ) التزم بفيدرالية اتحاد لمسلمين بقسم قسنطينة وين صبح رايس نتاع تحرير للجرنان ديالها .في هذا لمكان في 23افريل 1936 ڨال أنو نشر مقال عنوانو«فرنسا هي أنا » وين حرڨ لأصنام لقومية من شبابو وأنو علن على لحب ديالو لفرنسا و لستعمار و ڨال: «اذا اكتشفت لامة الجزايرية رايح نكون وطني و هذا شَّي ما نستحييش منُّو كانو جريمة بصح منموتش من اجل لأمة لجزايرية على خاطر هذي لبلاد مراهش موجودة .سألت تَّاريخ .سألت لحيين و لموتى .زرت لمقابر بلا شك مكنش للي حكى معايا ووجدت لامبراطورية لعربية ماتت منبنوش على رِّيح اسْتبعدنا مرة وحدة كامل لغيوم و لوهام باش نربطو للأبد مستقبلنا بل عمل لفرنساوي في هذل بلاد » تَّفاهم لفرانكو إسلامي (لمعروف باسم«لتِّفاقية» )لوحظ سريعا من طرف رئيسو دكتور بن جلول اللي في عام 1937 شجعو باش يكون رايس نتاع تحرير للِّجرنان . اكثر جذرية في معركته و مزاعمه أعلن على« قانون لأهالي» .محمد بن جلول أسس لحزب لخاص بيه في عام 1938 إتحاد شعب لجزايري ولى لاتفاق وسيلة تعبير سياسي لفرحات عباس [1].

نشاط فل قضية لوطنية[edit | edit source]

لحرب لعالمية لثانية كان عندها دور كبير فتَّطور نتاع فرحات عباس ووضع حد للامال نْتاعو في لمساواة في اطار سيادة لفرنساوية و كان مقتنع أنُّو لستعمار كان للعَمَالة لعنصرية و لهيمنة و لِستغلال حتى نُّخب نتاع لجمهورية لفرنساوية لأكثر وضوحا كانت مطبقة بل كامل .

فرحات عباس تطوع في لجيش لفرنساوي في عام 1939 .في 10 افريل 1941 ارسل المارشال بيتان رَّايس نتاع حكومة فيشي تقرير عنو أنو جزاير لغد ووجه لِهتمام نتاعو للمحنة نتاع لمسلمين لأَصليين ودعا للإصلاحات .رد عليه بيتان بأدب بصح مكنتش كاينة حتى ردة فعل من جيهتو بعد لهبوط نتاع لحلفاء في شمال افريقيا تحول فرحات عباس الى لأدميرال دارلان و حافظ على سلطة من قبل لحلفاء بصح فل حقيقة دار مجهود هدر على لمسلمين كيما ليهود نتاع لجزاير خيار ركود.

نشر فرحات عباس في 10 فيفري 1943 بيان الشعب الجزائري دعا فيه للنظام ساسي لجديد نتاع لجازاير و للِّي طلبات نتاعو بعيدة بزاف على طلبات للِّي سبقتها و تبعو بيان شعب في ماي و هو لبروجي نتاع لأصلاحات في اعقاب بيان من شعب لجزايري و اشار فيه خاصة للامة لجازايرية، من بعد قدم مشروع للجنة لإصلاحات لإقتصادية و لإجتماعية لإسلامية للِّي داروها عنطريق لمحافظ لعام بايروتون ،جا من وراه لجنرال جورج كاترو وحبَّس لمشروع ورفض لمبادرات للِّي دارها فرحات عباس للي من سبتمبر حتى لديسمبر و للي اخذها من عند الجنرال شارل ديڨول رايس لجنة تحرير فرنساوية.

استجاب ديڨول بشوية للمطالب نتاع لمسلمين فل مرسوم نتاع 07 مارس 1944 وتمكن باش يدخل عشرات لألاف من لمسلمين للوطنية لفرنساوية بلا ما يمس لقرآن لكريم و كون جمعيات محلية متكونة منل خُمس نتاع سكان لأصليين، عبَّاس و صحابو معجبتهمش هذل خدمة وف 14 مارس 1944 فرحات عباس دار جمعية أحباب لبيان و لحريات (AML) وللِّي دعمها شيخ لإبراهيمي و رابطة لعلماء ومصالي لحاج وفي سبتمبر 1944 دار أسبوع لمساواة (لمساواة بين رجال .المساواة بين لأعراق.لساواة بين شُّعوب) ومْبعد حدثت أعمال شَّغب في سطيف ماي 1945 لمسؤولين عليها محمد بشير و شريف سعدان ،تُوقف ولجمعية تحلت و حرروه في 1946 ،فرحات عباس و صاحبو احمد شريف سعدان لمحبوس بتهمة مجزرة سطيف دارو لاتحاد ديمقراطي للبيان لجزايري (UDMA)، و زيد على هذا سعدان كان مُحاط بنَّاشطين صْغار مثل احمد بومنجل أحمد فرنسيس و قدور ساطور ، في جوان تحصل لحزب على حْداعش (11)من ثلطَّاعش (13)مقعد ،و صبح فرحات عبَّاس نايب.

لستقلال و لمعركة[edit | edit source]

بعدما رفضولو مرتين لبروجي نتاعو للِّي دارو فالجزاير ،قدم استقالتو مل جمعية من بعد تصلب مواقفها و لمساواة لاسبوعية صبحت في فيفري 1948 مساواة لجمهورية لجزايرية في جوان من نفس لعام صرَّح و ڨال بلِّي من 1953 كاين فاصل وشيك و نهائي ، جبهة تحرير لوطنية (FLN)بدات في 01 نوفمبر 1954 لاجراءات نتاع لجيش لوطني بدات و نْتَ تمثل ثورة لجزايرية، إلتحق ف سَّر في ماي 1955 بجبهة تحرير لوطنية و بعد شحال من لقاء مع عبان رمضان و عمار عمران علن ڨدام شعب على دعم نتاعو و لحل رسمي نتاع UDMA في مؤتمر صحافي فل عاصمة نتاع مصر لقاهرة في 25 افريل 1956 .في 20 اوت 1956 بعد لمؤتمر نتاع صومام انضم صاحب (cnra )المجلس لوطني للثورة لجزايرية من بعد بين لجنة نتاع لنتخابات لجازايرية gpra ،في عام 1957 فرحات عباس صبح عضو في لجنة نتاع تنسيق و تَّنفيذ من بعد ولَّى رايس للحكومة لمؤقتة للولى للجمهورية الجزايرية للِّي تأسست في 19 سبتمبر 1958 و انتخبوه في جانفي 1960 و في أوت 1961 اعتبر مهوش شريك مع لحكومة لفرنساوية ڨلعوه و بدلوه ب بن يوسف بن خدة.

لمراجع[edit | edit source]

  1. فرحات عبَّاس، مفكر سياسي ومناضل ثوري.