Wp/arq/عايلة

وجبة عائلية لقرن سابع عشر

عايلة فيليب لخامس تاع اسبانيا(في 1723)

لوحة زيتية تاع الرسام جون دو فرانكفيل تحت عنوان في عايلة

)تصويرة تاع شاف كاميروني و لعايلة تاعو(بين1910 او 1930)

تصويرة تبين شكل من لاشكال تاع لعايلات نبيلة و لبورجوازية(هناصورة عايلة سوشاي متوال 1805)

عايلة من لاسكيمو(1917)

عايلة اوروبية بورجوازية تبين تصويرة في بداية لقرن لعشرين(1912)

عايلة من لكونغو(2007)

وجبة تاع عايلة في ليابان في (1980)

عايلة هي مجمع من الناس تربطهم علاقات تاع ابوة نلقاوها في كامل المجتمع البشري علا حساب العالم كلود لوفي ستروص العايلة متميزة ب اسم و بيت ويتوجب علا هدي العايلة تكون متماسكة فيما بيناتهم و خصوصا فيما يتعلق بالافكار و المعاونة تاع الحوايج الملموسة خصوصا ما بين الراجل و مرتو من جهة ومن جهة اخرى ما بين الأولاد و والديهم مجبورين باش يحافظو عليهم و علا التطور نتاع المجتمع نتاعهم وزيادة علا هدا يحافظو علا بدنهم و مشاعر نتاوعهم هدي قاعدة عالمية الناس الي في هاد العايلة يكونو متحدين و حاجة متقيسهم العايلة معرفة بروابط ابوية ما بين الوالدين و اولادهم كلمة العايلة فامي اصلاها لاتيني الي معنتها صمعة افراد العايلة يحملو اسم واحد و شرف لازم عليهم يحموه متميزة ب شخصية جماعية حاملها واحد من هدي العايلة.

اصل تاع تسمية

على حساب لعالم "[/wp/arqانجلز انجلز]"(فاميلوس) تعني "خادم دار" او (فاميليا)تعني مجموع لخدام الي ينتاسبو لراجل واحد.حتى في وقت"[/wp/arqغاييس غاييس]" انو لعايلة تكون (باتريمونيوم)يعني حصة نصيب من لورثة لي تورثت بالارادة .هاذا تعبير اختارعوه رومانيون به يسمو عضو اجتماعي جديد تحت راس سلطة رومانية ام و ولاد وعدد من لخدام و كامل عندهم لحق في لحياة و لموت.

مميزات

علم نسب لعايلة و امتدادو

لعايلة هي في الاساس معرفة بروابط تاع الابوة(علاقات ابوة)استنتجوها من علم تاع نسب تاع لعايلةواليوم راهي تغطي مجموعات هامة بزاف و مختلفة نروحو من لعايلة لكبيرة(عايلة متعددة الافراد) للعاية الصغيرة(متكونة من اب وام) مرورا بالعايلة لي يسموها لعايلة لي منعاد تشكيل تاعها.العلاقات ولا الروابط تاع الابوة نستنتجوهافي الاساس من القرابةولا البنوة و التزاوج و تبني.على حساب القواعد الي تتبدل على حساب المجتمعات و الازمنة هاذ القواعد تتجه عموما به توصي و تعزز العلاقات ولا الروابط تاع زواج الاباعد بين هاذ الاشخاص بحيث جا عموما منع العلاقات الجنسية والتزاوج بين افراد لعايلة لواحدة(زواج الاقارب) ومن لباب الول العلاقات الي تسمى سفاح القربى. لامتداد و تشكيل تاع لعايلةوعدد لافراد لمعنيين لي يشكلو هاذ لعايلة هما يكونو معرفين بعلاقة تاع لابوة تسمح به تعرف وين تبدا لحقوق و لواجبات لمتعلقة بمفهوم لابوة او ثاني لواجب اتضامن.او في لمجتمعات تقليدية لعايلات لممتدة ولا لكبيرة (لمعروفة ضروك باسم لعشيرة ولا لقبيلة) عندها لعشرات ولا نقدرو نقولو لمئات من لعايلات لي عندها شغالات بزاف.عندهم موروث مشترك كيما لاراضي و ديار و لحرف الي مخصينها ولا كاريينها كممتلكات خاصة به يمكنو لعايلات جديدة من لاستقرار.هاذ لعايلات تاع لعشيرة يسمحو به يعاودو لانتماء ماشي برك للافراد لمعزولين مي ثاني للعايلات لاجنبية لكاملة.في روما لقديمة وثاني في اوربا تحت لحكم سياسي لقديم.

افراد

لافراد تاع لعايلة عندهم درجات مختالفة على حساب علم تاع النسب لعائلي و يساهمو نظرا لسن وللجنس و ثاني نظرا للتصنيف تاع لقرابة و تاع لمواهب او مقاييس مختالفة واحدوخرا لي عندها مساهمات في لادوار لاجتماعية و لاقتصادية.في منطقة لحضارة لاوروبية هاذو ادرجات يكونو كيما اتالي.

عايلة نواة

هي لعايلة لي تقلصت من درجة واحدة تاع رابطة ولا علاقة ابوية ولا علاقة تزاوج:

• الاباء النواة:اب(اء) ولا ام(هات).
• الثنائي:ازواج ولا زوج(ة)/(ات).
• الاطفال:ابن ولا بنت.

عايلة ممتدة

هي لي عندها درجات بزاف في لعلاقات الابوية:

• الهابطين:حفيد ولا حفيدة,وليد لحفيد(ة) ولا بنت لحفيد(ة).
• الطالعين:الجدود ولا الجدات.
• المترابطين:النسيب ولا لكنة.
• المترابطين اطالعين:اب وام الزوجة ولا اب وام الزوج,الخال ولا العم ,الخالة ولا العمة,خال ولا عم (الام/الاب),خالة ولا عمة (الام/الاب),وليد (عم ولا عمة ولا خال ولا خالة)(الاب/الام),بنت(عم ولا عمة ولا خال ولا خالة)(الاب/الام)
• المترابطين لهابطين:الي هوما خو الزوج ولا خو الزوجة او اخت الزوج ولا اخت الزوجة,ثاني وليد خو ولا وليد اخت صغير او بنت خو ولا بنت اخت صغيرة,كاين ثاني وليد وليد( خو ولا اخت )صغير او بنت بنت (خو ولا اخت )صغيرة او ثاني نصيبو في هاذ اسلسلة وليد عم ولا وليد لخال ولا وليد لعمة ولا وليد لخالةالول(لبكر)او بنت عم ولا بنت لخال ولا بنت لخالة ولا بنت لعمة الولة(لبكر).
• نصيبو في هاذ ادرجة ولاد( لعم ولخال ولعمة ولخالة)او بنات (لعم ولخال ولعمة ولخالة).او ثاني ولاد ولاد(لعم و لخال ولعمة ولخالة) او بنات بنات(لعم ولخال ولعمة ولخالة) نزيدولهم ولاد ولاد ولاد(لعم ولخال ولعمة ولخالة) وبنات بنات بنات (لعم و لخال و لعمة و لخالة),...حتى للاخير.
• هنايا نصيبو لجد بي لاب و بي لام ولجدة ام لاب او ام لام.
• في هاذ ادرجة كاين لعم ولخال و لعمة و لخالة.
• لعراب و لعرابة ووليدهم ولا بنتهم بالمعمودية (اتعميد) هاذ لحالة نصيبوها عند لمسيحيين وطقوسها تندار في لكنيسة.
• نسمعو ثاني تعابير اخرى كيما:
• اب متبني ولا ام متبنية ولا اباء متبنيين.
• ابناء متبنيين ولا ابناء تاع صح ولا ابناء شرعيين.
• ابناء شرعيين ولا ابناء بالحرام ولا ابناء بالتخبية.
• ابناء مهملينهم.
• لوليد لكبير و لبنت لكبيرة.
• ولاد لعم و لخال في مودة"بريطانية".
• مرت لاب.
• "لي بياس لمجمعين" ولا "لقيمة لي نضافت".

نظام و مؤسسة

نظام تاع الابوة على حساب علم تاع الاصل لبشري

علم لاصل لبشري ندار من انظمة تاع روابط و علاقات لابوة هو هدف تاع دراسة وحدو بالكامل مجهز بنظام تاع تصنيفات تاع لابوة.هاذي لاعمال تحوس به تفهم لقواعد لمختالفة لي تتراس تشكيلة وتطور تاع لعايلة:كاين قواعد لارتباط (تزاوج):كيما زواج لاقارب وزواج من بعيد و زواج احادي وتعدد زوجات وتعدد لازواج و زواج تاع مثليين في لجنس. و كاين قواعد تاع بنوة.

نظام تاع تضامن

كلمة تاع عايلة جات من لكلمة لاتينية "فاما" لي تعني سمعة.ادال على هذا انو افراد لعايلة لواحدة يحملو نفس القب و هاذ لافراد يتمتعو بدين و شرف لي لازم عليهم يحافظو عليه و يحموه كاملين.لعايلة كانت متميزة في وحد لوقت قريب بزاف بملكية شخصية تكون جماعية متمارسة من طرف شاف تاع لعايلة يعني نقدرو نقولو مثلا في دار كبيرة لجد هو لي يتصرف في كل لامور حتى ولادو وما يتدخلوش .باحثين بزاف كيما" كلودين اتاس دونفي"دارو من قبل دور تاع لجدود.لباحث في علم لاجتماع "سارج" يحث على انو كبير لعايلة لي يشكل لجيل يضمن لعلاقة تاع تضامن في قلب لعايلة لواحدة بين لاباء لكبار او لابناء و لاحفاد.

مؤسسة على حساب الحق لايجابي

على حساب منظمة لامم لمتحدة,لمقال12 تاع تصريح لعالمي لحقوق لانسان يضمن نظريا من 1945 انو في لاطار تاع "حت واحد ما يكون سبب في تدخلات لعشوائية في حياتو لخاصة ولا في عايلتو ولا في بيتو.و ثاني ما لازمش يسلبولو شرفو ولا سمعتو.كل واحد عندو لحق في لحماية بالقانون ضد اي تدخلات ولا انتهاكات". مادة 12 من تصريح لعالمي لحقوق تاع لانسان(ارشيف). كيما يضمن لقانون لاوروبي لحق في لعيش مع عايلة(مادة 8 من اتفاقية لاوروبية لحقوق تاع لانسان 8)

اراء

نظرة اجتماعية

لعايلة عندها قيمة كبيرة في لمجتمات تقليدية لخطاش تمثل لوحدة لاساسية في لمجتمع او ثاني هي لمكان لاساسي لتربية و تضامن.باحثين بزاف في علم لاجتماع دارو من قبل تعددية في اشكال لعايلات لي هي واحدة من لمميزات لاساسية تاع لمجتمع.