Wp/arq/دمشق
| دمشق | ||
 | ||
 | ||
| ادارة | ||
| لبلد : سوريا | ||
| محافظة :دمشق او ريف دمشق | ||
| ديموغرافيا | ||
| تسمية سكانها: ديمشقيين | ||
| عدد سكان: 1 834 741 نسمة في 2010 | ||
| لكثافة سكانية: 2184 نسمة/كم2 | ||
| جغرافيا | ||
| احداثيات : 33.513°N 36.296°E | ||
| لارتفاع : 680 م | ||
| لمساحة : 840 كم² | ||
| لموقع | لموقع لجغرافي في خريطة سوريا | |
 | ||
| رابط لالكتروني | ||
| لموقع لالكتروني: http://www.damascus.gov.sy/ | ||
دمشق هي لعاصمة تاع سوريا،عندها بزاف تسميات بل عربية و هيا شام و مدينة لياسمين و دمشق٠ لمدينة فحد ذاتها فيها كثر من 1700000 مواطن لتجمع يفوت 2600000 مواطن و لإقليم تاعها يقابل لمحافظة تاع مدينة دمشق٠ دمشق هي وحدة من بين لمدينات لقدم فل عالم،و من 661 حتى 750 كانت دمشق عاصمة للامويين.
لأصل تاعها
[edit | edit source]بلعربية يسموها دمشق شام و هدي التسميةغالبا ما يختصروها سكان دمشق و سوريين و سكان لبلدان لعربية لي مجاورتهم بشام ولا بدمشق.اصل هدي لكلمة لقديمة *دمشق* ماهوش اكيد ،بصح غالبنما يعتبروها من لغة سامية.نوجدو تسميات اخرا دمشقا في لغة لاكادية و ديمشقا في لغة مصر لقديمة،دمشق في لغة لارامية و دمشق في لغة لعبرية توراتية. شام بلعربية*ليسار،شمال،سوريا،دمشق* تعني لجهة ليسرا كي ندورو جهة لمشرق *كي نشرقو* يعني لجهة شمالية وفي لجهة لمعاكسة لجنوب ولا ليمن،لمغرب و لمشرق.
جغرافيا
[edit | edit source]تتواجد دمشق على بعد 80 كلم من لبحر لابيض لمتوسط،و هيا مقابلة لسلسلة جبال لبنان شرقية. و تقع على هضبة يبلغ ارتفاعها 680 كلم عل سطح لبحر. تقع دمشق عل ضفة لجنوبية لنهر بردى و هو تقريبا جاف. في داخل اسوار لمدينة تتواجد معالم اثرية كيما لجامع لاموي،قصر لعظم ،و خان اسعد باشا يعني فندق اسعد باشا. طرقاتها مغطية و معمرة بالحوانيت و لاسواق كيما( سوق لحميدية، و سوق مدحت باشا ،و سوق لبزورية )يتوسطو لمدينة لقديمة عل لاغلب فالجهة الغربية للجامع لاموي. من خلال طريق فيا ريكتا لقديمة نوجدو لجهة اشرقية لي فيها احياء لمسيحيين بتحديد حي باب توما ،و لي فيها بزاف كنائس البازيليكية و كاتدرائية و تاع كل شعائر لموجودة في سوريا لأرثوذكسية ليونانية و لكاتوليكية ليونانية(لملكيين)، لموارنة،و سريانيين ،و لارمان و لكلدانيين و لي تعبر عل غنى طقوس شرقية. فلباب شرقي، تذكرنا كنيسة لقديس بولس بهروب لقديس بولس لي تخبى في سلة و دلاوها صحابو من فوق سور. بنسبة للجنوب شرقي و شمال و شمال شرقي راهي محوطة فضواحيها باحياء يرجع تاريخها للقرون لوسطى : لميدان فلجنوب لغربي ،و ساروجة و لامارة فشمال و شمال شرقي. نشات هدي لمناطق فالاول عل طرقات لمدينة، حدا مقابر اشخصيات دينية. فالقرن 19 ،لقرى تطورت عل منحدرات جبل قاسيون و هيا تطل عل لمدينة. في هادي لفترة ظهر موقع حي الصالحية في ظل اهمية مزار محي الدين ابن العربي. هادي لقرى لجديدة فلاول استعمرت من طرف جنود لكرد و لاجئين مسلمين تاع لمناطق لاوروبية تابعة للامبراطورية لعثمانية ،و لي استرجعوها من بعد لمسيحيين. و ثاني اخدت اسماء لاكراد و لمهاجرين و تقع هادي لاحياء عل بعد 2 ولا 3 كلم شمال غرب لمدينة لقديمة. في نهاية لقرن 19، نشا مركز اداري و تجاري عصري في غرب لمدينة لقديمة بالضبط حول البردى ، متركز في لمنطقة لمعروفة باسم المرجة. المرجة بلخف رجعت اسم للمركز لاول لدمشق لحديثة،و تعرف تاني باسم ساحة الشهداء،و لي تم فيها بناء فندق لمدينة ، لمحكمة و لمكتب ارئيسي للبريد و لمحطة مبنيين في ارضية مرتفعة شوية في جهة لجنوب لي راهي تنطبق مع شارع النصر لموجود حاليا.تقريبا رجع اوروبي ،هدا لحي مفتوح عل طريق لي بين لمرجة و صالحية. لمركز تجاري و اداري للمدينة لجديدة تحول بشوية لشمال لغربي في اتجاه هدا لمجال. ممبعد في شمال، احياء واحد اخرين تطورو حول سبع بحرات حاليا لي تبنى عليها لبنك لمركزي تاع سوريا و كاين حداها مقر وزارة لاقتصاد. في لقرن 20، تطورت ارياف جديدة في شمال لبردى، بعد بعض لاجراءات غزات لغوطة لجهة لجنوبية. من 1955 ، رجع حي اليرموك لجديد ثاني وطن لملايين لاجئين تاع فلسطين. لمخططين لحضاريين يفضلو يحافضو على الغوطة قدر لامكان ،و في نهاية لقرن 20 بعض محاور تطور لمهمة تم حفرها فشمال فلمنطقة لغربية من مزة و مؤخرن طول تاع واد بردى ، و في دمر فشمال لغربي و ثاني في اعالي جبل فالبيرز فشمال شرقي. لمناطق لي بزاف فقيرة،غالبن ما تكون مبنيا بلا رخصة رسمية و راهو يزيد لعدد تاعهم بزاف فجنوب لمدينة رئيسية. دمشق راهي محوطة في جزءها اشرقي بواحة لي هيا الغوطة و تنسقى بنهر بردى. مدينة عين الفجة صغيرة بشلالاتها لغزيرة ، جاية في غرب نهر بردى و هيا تغدي لعاصمة بالماء صالح لشرب. لغوطة تاع دمشق تناقصت لمساحة تاعها مع توسع سريع تاع سكنات و صناعة فالمدينة و تقريبن جفت، ثاني رجعت ملوثة بسبة ازدحام طونوبيلات و صناعة و لمياه لمستعملة.
مناخ
[edit | edit source]مناخ دمشق يتميز بانو قاري جاف إلى شبه جاف. وجود سلسلة جبال لبنان شرقية حدا دمشق يتسبب في انو لمطر يصب في شتا. اصيف فيه سخانة مع شوية رطوبة.شتا يجي بارد و ممطر و لا مثلج. في جانفي درجة لحرارة لقصوى و لادنى هياC° 11 و 0 °C. درجة الادنى ما تسجلتش اقل من -13.5°C ،فصيف خاصة في اوت درجات الحرارة القصوة و دنيا تقارب 35°C و 17°C ،و درجة لقصوى ما تسجلتش كثر من 45.5°C. كمية تساقط سنوية 20 cm من شهر نوفمبر حتى مارس[1].
| شهر | جانفي | فيفري | مارس | افريل | ماي | جوان | جويلية | اوت | سبتمبر | اكتوبر | نوفمبر | ديسمبر | لعام |
| معدل لحرارة لادنى (°C) | 0 | 2 | 4 | 7 | 11 | 14 | 16 | 17 | 13 | 9 | 4 | 1 | 8 |
|---|---|---|---|---|---|---|---|---|---|---|---|---|---|
| معدل لحراة لقصوى (°C) | 11 | 13 | 17 | 23 | 28 | 33 | 36 | 36 | 33 | 27 | 19 | 13 | 24 |
| تساقط(mm) | 30 | 30 | 20 | 10 | 5 | 1 | 3 | 2 | 10 | 10 | 20 | 40 | 200 |
نقل و طرقات
[edit | edit source]لمطار رئيسي هو مطار دمشق دولي ،و جاي على بعد حوالي 20 كم من مركز لمدينة، عندو ارتباط مع بزاف دول في آسيا و في اوروبا و افريقيا و مع مدن امريكا لجنوبية. يعتمد نقل لعمومي في دمشق بزاف عل لي بيس صغار. تتواجد حوالي 100 طريق لي تدي لداخل لمدينة و لبعض منهم يمتدو من وسط لمدينة حتى حدا ضواحيها. خطوط نقل ماعندهاش وقت معين، و بسبب لعدد لمحدود تاع مواقف لحافلات رسمية، يحبسو نقولة عموما فالبلاصة لي يكون فيها واحد يقارع باش يركب. عدد نقولة لي يخدمو نفس لخط كاينين بزاف، و هدا لي ينقص وقت لمقارعة.ومع ذلك فقد تم تحديث اشبكة مؤخرن و ظهرو نقولة اجدد لونهم اخضر و حاليا راهم يتوجهو لتغيير نقولة صغار. ضروك راهم يرقمو لخطوط و لي تظهر لوجهة تاعهم في شاشة. تتواجد محطة لقطار تاع لحجاز في وسط لمدينة في لجهة لغربية تاع شارع نصر. في 2008 اقترحت لحكومة مخطط باش يبنو ترام تاع دمشق و قرو يفتحو لخط لاخضر في 2016 [2],لخط لاخضر يفوت على لمدينة ملغرب لشرق، من معضمية (طريق لقنيطرة) حتى محطة نقولة تاع قابون و تمر عبر مركز لمدينة و محطة لحجاز. في نهاية لمطاف وجب وضع شبكة من اربعة خطوط مترو فلخدمة. شوارع دمشق غالبا ما تكون ضيقة خاصة فلمناطق لي قديمة بزاف فلمدينة ، لهدا مستعملين دودانات على نطاق واسع باش يحدو من سرعة.
تاريخ
[edit | edit source]
دمشق من بين اقدم لمدن لي سكنو فيها بصفة مستمرة[3]. و هيا ثاني لمدينة لاكثر سكانا في سوريا لكبيرة (اشور)(اثار تعود الالفية رابعة قبل لميلاد). و هادي لمدينة مدكورة فلانجيل و في كتاب سفر تكوين [4]و اندكرت شحال من خطرة في كتاب سفر الملوك[5] و لانبياء[6]. بنسبة لابن بطوطة:« مدينة دمشق تفوت كل لمدن فالجمال و فالكمال و كل وصف في حقها حتى ادا كان طويل فيعتبر بزاف قصير في حق خصائصها لجميلة[7].» دمشق عرفت تاثير حضارات بزاف بما فيهم لاشوريين و لفرس و ليونانيين و سلوقيون و رومان و لعرب و لاتراك. من نهاية القرن 12 قبل لميلاد حتى سنة 734 قبل لميلاد، كانت دمشق عاصمة مملكة ارام دمشق. كانت هادي لمدينة وحدة من مهود لمسيحية و عاشت لمواعظ لاولى لي قالهم قديس بولس ،خاصة في دار انانيا و لي افتح فيها كنيسة محلية من سنة 37، و هادي لكنيسة من اقدم لكنائس في سوريا ( ضروك راهي موجودة في لحي لمسيحي تاع باب تومة ). في عام 635 ،استسلمت دمشق للمسلمين و رجعت عاصمة للسلالة لاموية من عام 661 حتى 750. بعد اعتماد لغة لعربية رجعت لمركز ثقافي و لاداري للامبراطورية الاسلامية لمدة قرن تقريبا.
ممبعد بقات مركز رئيسي للثقافة و قطب اقتصادي رائد مستغلة موقعها لجغرافي لمميز ،على مفترق طرق في مكة وأفريقيا والأناضول ولبحر لأبيض المتوسط و آسيا (طريق لحرير لي تدي لصين و تاع تجارة توابل مع لهند). حاصروها صليبيون في عام 1148.اغزاو لمغوليين تاع تيمورلند لمدين في عام 1401[8]. قاد ابن خلدون مجموعة من مواطني دمشق قرب تيمورلنك باش يتجنبو تدمير المدينة. انضمت للامبراطورية لعثمانية في عام 1516 حتى 1918.
بعد معاهدة فارساي 1919 و معركة خان ميسلون لي هيئت لقوات لجنرال ماريانو غويبات باش تدخل فلمدينة لمقدسة لي ضموها لسوريا كي كانت تحت لانتداب تاع فرانسا في عام 1920, حتى استقلت في عام 1946. من سنة 1970 ، و تسبب نزوح ريفي و اتوسع فلبنيان في تغيير لمناظر طبيعية في هادي لمدينة لي كانت بكري واحة فيها وديان و بساتين و بزاف مساحات خضراء. في 2012، بدات لثورات في دمشق و في محافظتها خلال حرب مدنية سورية لي بدات في 15 مارس 2011. في هاد الحرب عدد كبير من اسوريين انقتلو و تبليساو و جزء من موروث لعاصمة انهدم لي كانت اليونسكو مصنفاتو.
تقاليد و لحرف
[edit | edit source]لجامع
[edit | edit source]
لأحياء
[edit | edit source]-مزة(حي فيه بزاف ديانات)
-باب تومة (مسيحي).
-برمكة.
-كفر سوسة.
-التضامن.
-جوبر.
-قابون.
-القصاع(مسيحي).
-ركن الدين.
-دويلعة(مسيحي).
-غساني(مسيحي).
-التجارة(مسيحي-سني).
-قصور(مسيحي-سني).
-برزة.
-باب مصلى.
-ابو رمانة.
-المهاجرين.
-جبل الاكراد.
-الميدان.
-القنوات.
-الساروجة.
-الصالحية.