Wp/arq/تشجير

التشجير

هي عملية نديروها باش نعاودو نخلفو هادوك الغابات ولا الشجر اللي ماتو ولا نقطعو بسبت العباد ولا الحرب ولا النار لي تشعل بسبة السخانة تاع الصيف والتشجير هو الغرس في ارض بور ولا كانت بكري غابة وهاد التشجير عندو منفعة كبيرة بزاف للارض والهواء باسكو ينقيه و الجو تاني. و هي تاني زيادة فلمساحات الخضراء داخل المدن والمناطق السكنية عن طريق غرس المئات من الشجيرات الصغيرة وهاذ الغرس لازم يكون مديور بخطةٍ زراعيةٍ باينة و دراسة ميدانية ٍ و تكون توالم لبلاصة و لكليما.باش هذا اتشجير يزيد في الجمال تاع المدن ويساهم تاني في حفظ وسلامة الأرواح البريئة وينقص من الحوادث.

صوالح نردولهم البال في عملية التشجير

يخيرو الشجر اللي توالم للبيئة من حيث درجات تاع السخانة ، والكليما ، و لاكاليتي تاع التربة، وتوفر مصادر المياه. يختيرو الشجر الّلي تعيش لعوام طويلة بزاف (المُعّمِرَة) والّلي تقدر تقاوم تقلبات الكليما من سخانة ولبردٍ، وتاني الآفات والحشرات؛ مِثل شجر الكينا، والسّرو، والكافور. يختيرو الشجر اللي تكون سريعة و تنوض بلخف والّلي تكون ُ جذور تاعها عميقة في التربة؛ باش تقدر تَمتص المائ والعناصر الغذائية وفي نفس الوقت تكون عندها لعراف والفروع طويلة من بارا باش توفر الظليلة والزواق تاني.

الاهميّة تاع الشجر

- الشجرعندها الجذورتاعها وسيقانها تخدم على تماسك التربة و تراصها بعضها ، وماتخليهاش تنجرف دونك ما تتعرّاش الأرض و متوليش صحراء، فالأشجار تحبس سرعة جريان المياه والسيول اللي تتشكل كي تطيح الشتا بزاف و تكون غازرة ، و تاني مرور المياه بسرعة نسبيّة ناقصة و قليلة يعاون الأرض باش تمتصص كونتيتي كبيرا منها الوغ تزيد بهذا من كمية المخزون الجوفيّ تاع الماء في باطن الأرض. -الشجر تخدم كي شغل مصدّات للرياح القاوية، دونك متخليهاش تجرف التربة، وتطير الغبار،و هي جال هذ الشئء نشوفو بلي بزاف من الناس ياكدو على زراعتها في ديارهم وفي المدن، وساير داير بالجنانات تاع الخضرى ياش تحمي الأراضي و تحافظ عليها. - مصدر مهم وأساسيّ في إمداد كوكب الأرض بالأكسجين وتخليصه من أوّل أكسيد الكربون وثاني أكسيد الكربون من خلال عملية البناء الضوئي. -الشجر عندها القدرة على صد الحس و الهراج وعزلها مالا تنقص من نسبة الضجيج. -الشجر مسؤولة علا تلطيف الجو، من خلال تبخير الماء ملوراق وعكس أشعة الشمس وامتصاصها. امالا تنقص دوعري تاع السخانة في الصيف. زيادا علا انها تسقم لكاليتي تاع الهواء وتنقيه وتزيدلو نسبة الأكسجين فيه. -اليكولوغ الشابة والجذابة لي فيها مصدر سعادة وراحة للإنسان، علا هاد السبب يهتم بزاف من الناس بزراعتها قدام ديارهم و لا ساير داير بيهم ، ومام في أوقات الراحة والرحلات يفضلويروحو إلى الغابات والجاردينات الخضراء باش يستمتعو بجمال الطبيعة فيها. - مصدر تاع ماكلة و تغذية للإنسان والحيوان والحشرات في الطبيعة، باسكو الشجرفيهم بزاف أنواع تاع الفاكية والثمار. المصدر الوحيد للوح اللي يستخدموه في إنتاج الأثاث تاع الديار والديكورات وصناعة الورق. - الشجر مصدر تاع رطاقة يستعملوه مام في الوقت تاعنا مالغري كامل هاذ التطوّر العلميّ والتكنولوجيّ اللي وصلنالو و لحقنالو عالمياً. واستغلال هاد الثروات الحرجيّة كان مصدر إزعاج كبير للبزاف من البلادات ومحطّ اهتمام بزاف المنظمات الإنسانيّة. - نستفادو من ظل تاع الشجرو نحميو رواحنا من أشعة الشمس المباشرة. - يستخرج من الشجر تاع المواد اللي تتستحق في الخدمة تاع الدواء والعلك والصمغ والقرايص والكاويتشو. - شجرة الأراك تستخدم أغصانها لصناعة السواك، اللي يتفوق على فرشاة الأسنان الصناعية في الكفاءة والليفيكاسيتي ويزيد يبيض الأسنان كتر و كتر. - صناعة الزيوت من أنواع متعددة من ثمار تاع الشجر ميماالزيتون. - تبني بعض الزواوش والحيوانات ديارهم فوق هاد الشجر، وما مسي البنيادم في المناطق الاستوائية يبني ديارو فوق الشجر باش يقدر يحمي و يتخبا من الحيوانات الزاحفة وبعض الحشرات المزعجة. - تزوق الطرقان والديار والساحات و جمل الشجر.

المحافظة على الشجر

على مستوى الدولة: من خلال خدمة تاع تشريعات و قوانين تُوقف بيها الاعتداء على الثروات الحرجيّة وعلى الشجر بشكل عام، لازم دير تاني عقوبات لي تردع كل واحد يقطع أو يحرق أو يؤذي ولا يدنا لاي شجرة. عمل فعاليّات و خرجات سنويّة باش ينزرعو الشجر و يزيدو تاني في المساحة الخضراء على مستوى الدولة ومكافحة التصحّر. تسهيل إجراءات تملك الأراضي في جال باش يستصلحوها ويزرعوها. توجيه البلديات للمحافظة على الشجر في الجاردينات والبلايص و لمضارب العامة، والعناية بها كي يسقيوها ويزبروها خصوصاً المعمّرة منها. توجيه وزارة التربية والتعليم باش يديرو مناهج و بروغرام يوضحو بيهم للطلاب أهمية الأشجار والثروة النباتية، وكيفاش يتعاملو معها ويهدرولهم ويشجعوهم على الزراعة، وبلي ما لازمش يضرو الشجر الوغ يخرج جيل واعي بأهمّية هاد الشجر.و تاني تفعيل مصادر الطاقة المتجددة هي جال تلبية الحاجة تاع الناس للتدفئة والطياب باش ميدناوش و يستعملو الشجر. على مستوى الأفراد والمناطق: ما لازمش قطع الأشجار مهما كانت الحاجة حماية اشجر من أي أذى ولا ضر وسقايتها ويزبروها بشكلّ دوريّ. يديروالبروجيات الصناعية والسكنية في لبلايص و لمضارب لي ماتكونش صالحة للزراعة و خصبة مالازمش تاني يرميو النفايات قدام الشجر و فلبلايص لي فيهم الغابات؛ باسكو النفايات تضر بزاف الشجر وتهلك التربة. لازم اخماد الحرائق ليه ليه في حالة ما اذا صرات ولازم الناس يغرسو الشجر في ديارهم ومنها يعلمو ولادهم الأهمّية تاع النباتات.

مثال علا مظاهر التشجير عند الدزيرين

نظمت شركة اتصالات الجزائر، والكشافة الإسلامیة الجزائرية حملة تاع تشجیر على الصعید الوطني بمناسبة الاحتفال بالیوم العالمي للشجرة، وقد دامت ھذه الحملة طیلة ھذا الاسبوع بداية من يوم السبت الماضي 24 مارس 2018 و حبت اتصالات الجزائر مورا هاد المبادر ، إلى تحسیس المواطنین من جيهة ضرورة الحفاظ على بیئة صحیة ودعوتھم للمساھمة من خلال لمسة مواطنة في ھذا الموسم الربیعي . و قيدا ھذي الحملة كامل ھذا السمانة في بزاف تاع ولايات لبلاد، لخدامين تاع شركة اتصالات الجزائر وولادهم زيادة علا هذا كانو تاني عناصر الكشافة الإسلامیة الجزائرية، و خدمو ميف كيف في جال توعیة المواطنین بخصوص الدور الھام الذي يلعبو النظام الإيكولوجي الغابي في تحقیق توازن المحیط الحیوي و اتاحة الفرصة لدراري صغار باش يساهمو بشكل فعال في تطوير بیئتھم

فضل التشجير فالدين تاعنا

لقد حث النبي- صلى الله عليه وسلم على زراعة الأشجار من زيتون وأعناب ونخيل وغيرها، والأحاديث النبوية تجعل غرس الشجر من أعظم الأعمال الصالحة، لما رُوي أن رسول الله- صلى الله عليه وسلم- قال: «ما من مسلم يغرس غرساً، أو يزرع زرعاً، فيأكل منه طير أو إنسان أو بهيمة إلا كان له به صدقة»، (اخرجه مسلم) ومن الجدير بالذكر أن ديننا الإسلامي يحثّ المسلمين على عمارة الأرض وغرس الأشجار حتى عند قيام الساعة، كما جاء في الحديث الشريف أن رسول الله- صلى الله عليه وسلم قال: «إِنْ قامت الساعة وبيد أحدكم فسيلة،«نخلة صغيرة أو شتلة» فإن استطاع أن لا يقوم حتى يغرسها، فليفعل»،(أخرجه أحمد)