Wp/arn/Wingkazungun

From Wikimedia Incubator
< Wp‎ | arn(Redirected from Wp/arn/Wingkadungun)
Wp > arn > Wingkazungun
Jump to navigation Jump to search

Wingkazungun (wingkazungun: castellano kam español. Fey ta tüfachi kewün' tuwlu ta Ewropa mapu mew, fey mew tüfachi chi kewün' kiñe Ewropa kewüngey. Fey ta chi kewün rume kimgey fentren mapu mew. Epe kom mapuche mülelu Chile ka Arkentina mapu mew wigkazugukey ka.


Chew Mapu ta Wigkazugugekey[edit]

Wigkazugu rume kimgey itro kom Willi Amerika kam Sudamerika mapu mew.

Wigkazugugekey Arkentina, Folifia, Chile, Kolombia, Kosta Rika, Kufa, Republica Dominikana, Ekuador, El Salvador, Mexiko, Nikarawa, Onduras, Panama, Paraway, Peru, Uruway, Venezuela ka Watemala mapu. Welu España mapu mew well kakelu pu Ewropa pais kimgey ka tüfa chi kewün'.

Üy Kewün'[edit]

Kiñeke püle feypikey che Castellano welu kañpüle pikey Español .

Kuyfi mülerkefuy kiñe mapu Reino de Castilla pigerkelu, fey mew Castellano üytugerkefuy Castilla mapu tañi kewün.

Fantepu zoy kimgey chi zugu Español itro kom mapu mew. Español ta España tañi wünen kewün' fey mew zoy kimgey ta ti zugu Español.

Fey mew fillke kewün' mew müley kishu tañi üytun Castellano mew tripayelu Español zugu mew:

Zugun Kewün'
Spanish krinkuzugu, ingleszugu
Spanisch Alemanzugu
Spagnol Italianozugu

Chumgechi ñi küme Azkünugeken kiñe Pin Zugu[edit]

Kakewmechi az zugu niey ta wigkazugu. Tüfachi chi kewün' mew femgechiley ñi azkünugen kiñe pin zugu:

Wünelu mew amuley chi Articulo El (alka kam wentru mew) ka La (zomo mew), inaley ta üy chemkün, üy che, üy zugu (chi üy feyti zugu küpa feypigekelu), fey wüla amuy ti verbo ka inagechi amuley kakelu pu zugu. Femgechi:

El perro es grande

"Chi Trewa gey fütra"

fütragey chi trewa