Wp/arn/Kawej
Kawej (Equus caballus), kaweju kam kawelo (xaloftu vytugekelu willimapu mew) fey ta kiñe moyokeci kujiñ. Kiñe wigka kujiñ, Awiayala mew kvpalfieyew ti wigka fey ñi akun mew. Ñi vy kvpay kastijazugun mu, ti hemvl caballo mew. Ti weceke kawej pigekey poxo. Ñi cel kujiñgen mew, mvlerkey ixofijke mapu pvle.
Ñi az
[edit | edit source]Meli hamuh niey, kisuke hamuh mew kisu kiñe cagvj niey. Rume lefgey ñi amulen. Ahvmka, kacu mvten ikey. Ñi ilo kvme iyaelgey.
Cel kawej 25, 40 xipantu mogekey, awka kawej aymvñ 25 xipantu mogerkey. Fijke az niekey ñi kab. Kiñe xem kawej 4, 14 ora umawtukey, pepi wixaumawtukerkey. Ti zomo kawej pvñeñkey kisu kiñe pici kawej.
Kuyfi zugu
[edit | edit source]Cel kawej ñi tuwvn rupay 5.000 xipantu. Pu mapunce mew Lefxaru reqgelefulu pu wigka mew, kimkimturkefuy cumlerkey ñi azvmpvrakawejvn, fey mew kimeltueyew tañi pu che, ñi zoy kvme weycatufiegvn pu wigka.