Wp/apc/فيروز
| مغنية وممثلة لبنانية | |
| الاسم بالإنجليزي Fairuz | |
 | |
| معلومات شخصية | |
| مكان الميلاد | بيروت |
| الجنس | أنثى |
| الجنسية | لبنان |
| الحياة العملية | |
| الشغل | مغني، ممثل |
| العيلة | |
| الطفل | زياد الرحباني، ريما عاصي الرحباني |
| الزوج/الزوجة | عاصي الرحباني |
| الأخ/الأخت | هدى حداد |
| الاسم الأول | نهاد |
| الجوائز | |
| جائزة حصل عليها | نيشان الفنون والآداب من رتبة قائد، الوشاح الأكبر لوسام الأرز الوطني، وسام جوقة الشرف من رتبة قائد، الدكتوراه الفخرية من الجامعة الأميركية في بيروت، وسام جوقة الشرف من رتبة فارس |
| اللغات | |
| اللغات اللي بيحكيها | العربية، الفرنسية |
| اللغة الأم | العربية |
نهاد وديع حداد (مولودة 21 تشرين التاني 1935) و المعروفة بالاسم الفني فيروز، هي مطربة و مغنية و ممثلة لبنانية. بتعتبر من أقدم فناني العالم و من الجيل الذهبي للمسرح و الموسيقى في لبنان و من أشهر الأصوات العربية. لاقت أعمالها الفنية انتشار كبير بالعالم العربي والغربي، ولقبوها بلبنان بـ (العمود السابع لبعلبك).
انولدت سنة 1935 بقضاء الشوف بجبل لبنان، و كانت أول طفلة بالعيلة. نشأت بحارة زقاق البلاط بالحي القديم القريب من بيروت. كان والدها بيشتغل بمطبعة الجريدة اللبنانية "لوريون لوجور"، و والدتها توفيت سنة 1961 بنفس اليوم اللي سجلت فيه فيروز أغنيتها الشهيرة (يا جارة الوادي)، و كان عمرها ما بتتجاوز الـ 45 سنة.
من و هي صغيرة كانت بتحب الغناء و ظهر عندها ميول فنية بعمر مبكر. و في واحدة من الحفلات المدرسية سنة 1947، التقى محمد فليفل بالطفلة "نهاد حداد" و كان عمرها وقتها 14 سنة و أعجبو كتير صوتها، و كان هو السبب اللي خلاها تشارك بالكورس بالإذاعة. انضمت نهاد لفرقة الإذاعة الوطنية اللبنانية بعد ما دخلت المعهد بفترة قصيرة. و بعد أربع سنين من الدراسة، نجحت قدام لجنة فحص الأصوات المكونة من حليم الرومي، نقولا المني، و خالد أبو النصر. كانت النقلة الكبيرة الها لما قدم لها حليم الرومي (اللي أطلق عليها اسم فيروز) ألحان لأول أغانيها اللي لاقت صدى كبير بالإذاعات العربية متل أغنية (يا حمام يا مروح) و أغنية (بحبك مهما أشوف منك) سنة 1952.
اتعرفت فيروز بداية الخمسينات على الأخوين رحباني، و بلشت معهم مشوار طويل و ناجح في التعاون الفني، نتجت عنه مئات الأغاني و عدد كبير من المسرحيات الغنائية. وصلوا لعدد 800 أغنية، 3 أفلام و400 ألبوم خلال ثلاث عقود. و كانت مبدعة بالموشحات الأندلسية، المواويل، و العتابات. و بلش نجمها يلمع أكثر لما شاركوا بمهرجان بعلبك لأول مرة سنة 1957، و من بعدها توالت المهرجانات من بعلبك لدمشق لمسرح البيكاديلي.
قدمت فيروز مئات الأغاني اللي تميزت بقصر المدة الزمنية و قوة المضمون، و غنت عن الحب، الأطفال، الوطنية، الحزن، الفرح، الأم، و الوطن. قدمت هاي الأغاني في مسرحيات كتبها و لحنها الأخوين رحباني، و اتنوعت مواضيعها بين النقد السياسي و الاجتماعي و تمجيد الشعب، التاريخ العريق. اتعاونت فيروز مع عدد من الملحنين متل فيلمون وهبي، محمد عبد الوهاب، إلياس الرحباني، محمد محسن، و زكي ناصيف. تأثيرها الكبير على الشعوب و الموسيقى العربية المعاصرة أكسبها لقب (السفيرة إلى النجوم) و (جارة القمر).
غنت فيروز عن الحب، الحياة البسيطة، لوطنها لبنان، و القضية الفلسطينية. و أحيت كتير من الحفلات في مدن عربية و عالمية، و أثناء عرضها بالمغرب استقبلها الملك الحسن الثاني ملك المغرب شخصيًا بالمطار. و منحوها مفاتيح المدن اللي كانت تغني فيها. و في حفلتها في لاس فيغاس سنة 1999، أعلن عمدة المدينة يوم 15 أيار 1999 (يوم فيروز).
وقف زوجها عاصي الرحباني عن التلحين و اعتزل العمل الفني بعد مرضه، و كان رفيقها بمسيرتها من البداية. و بعدها صار الانفصال بين فيروز و الأخوين رحباني بعد عقود من العمل المشترك. أطلقت فيروز أول ألبوم غنائي الها بدون الأخوين رحباني سنة 1980 و كان اسمه (دهب أيلول)، و كملت مسيرتها الفنية مع ابنها زياد الرحباني و أصدروا مع بعض 6 ألبومات آخرها (ببالي) سنة 2017. و كمان اتعاونت مع ابنتها ريما بأعمال غنائية و أفلام و ثائقية.
حصلت فيروز على وسام الشرف سنة 1963 و الميدالية الذهبية سنة 1975 من ملك الأردن الراحل الحسين بن طلال. كرمها كمان الرئيس الفرنسي إيمانويل ماكرون بأرفع وسام فرنسي (وسام جوقة الشرف الفرنسي) لما زار منزلها سنة 2020. نالت إعجاب رؤساء فرنسيين تانيين، فالرئيس فرانسوا ميتران منحها وسام قائد الفنون والآداب سنة 1988، و الرئيس جاك شيراك منحها وسام فارس جوقة الشرف سنة 1998. و سنة 2015 صار منزل فيروز اللي نشأت فيه متحف، بعد ما تم إدراج المبنى بقائمة الأبنية التراثية.
مصادر
[edit | edit source]روابط برانيه
[edit | edit source]- فيروز على مُعرِّف فنان في يونيفرسال ميوزيك فرانس (Universal Music France)
- فيروز على مُعرِّف موسوعة بريتانيكا على الإنترنت (EBID)
- فيروز على مُعرِّف المَكنز العام للأرشيف السَّمعيِّ البَصريِّ (GTAA)
- فيروز على مُعرِّف فنَّان في موسوعة "ميوزيك برينز" (MusicBrainz)
- فيروز على مُعرِّف قاعدة البيانات الحُرَّة (Freebase)
- فيروز على معرف فنان في من عاين
- فيروز على مُعرِّف موضوع في موقع كيورا
- فيروز على مُعرِّف فنان في قاعدة بيانات "كُل الموسيقى" (AllMusic)
- فيروز على معرف كينوبويسك (Kinopoisk)
- فيروز على مُعرِّف شخص لدى المكتبة الملكية البلجيكية (KBR)
- فيروز على مُعرِّف ترجمات كلمات الأغاني (LyricsTranslate)
- فيروز على معرف فنان في قيم موسيقاك
- فيروز على مُعرِّف فَنَّان في قاعدة بيانات "ديسكوغس" (Discogs)
- فيروز على معرف فنان في أغاني اليد الثانية
- فيروز على اسم المُستخدِم في إكس
 Fairuz على تويتر | |
 Fairuz على كورا | |
| صور و ملفات صوتية من كومنز على كومنز | |
ضبط استنادي – Fairuz | |
|---|---|
| دوليه | |
| وطنيه | |
| فنيه | |
| تراجم | |
| غيرها | |
