Naijà Naijà (òrere Niger me usem Ebeke) ire ama-mkpulu me Inyọn̄ agan̄ Etete me Naijiria.Ọmọ ore ama-mkpulu òmimin ichit me ido ya. Ama-ibot kan̄ ìre Minna. Ebi kè ofifi ama ile ìsisibi isi me emen kan̄ ìre Bida, Kantagora mè Suleja.[4],[5]. Echili ọmọ me acha 1976 mgbọ efelebe oka Ama-mkpulu agan̄ Inyọn̄ Ichep-ura iba ikana Naijà mè Sokoto.[4] Îre ama kè Ibirayim Babangida mè Abidusalami Abubaka, oka ebi ibot mkpulu akọn̄ me Naijiria. Otoko iman [Indigenous tribes] Iwawa ichit me emen kan̄ ìre Nupe,Gbagyi, kamuku, kambari, Gungauta, Yun-saare [Hun-saare], Awusa, mè Koro.[6]

[Ogugo: Otunchit ama-ile Minna (agan̄ isisibi), Mọsiki ibot eyi Minna, Katideralu Senti Maiken, lek ijọn̄ ama-ile Minna, Egop, Iman̄-òriọọn̄, Ogugo-ijọn̄]

Okike ijọn̄ ama-mkpulu yi obenbe ìre 76,363 km². Me etete ama-mkpulu 36 me Naijiria, ọmọ omin ichit me okike ijọn̄, mè ire òso akọp mè jeeta (18) ene ewabe ichit me emen.

Egwen ama-mkpulu yi ibak Okwaan̄ Naijà. Iba me lek <hydroelectric power station> me Naijiria, Mgban mun̄ Kainji mè Mgban mun̄ Shiroro ekup me Ama-mkpulu Naijà; ema mèlek Mgban mun̄ Zungeru eyi enamabe ayaya, mè Mgban mun̄ Jeba ìkup me okike ijọn̄ Ama-mkpulu Naijà mè Kwara. Ogoon̄-mun̄ [waterfalls] Gurara òkitataan̄ etip ìkup me Ama-mkpulu Naijà. Egwen ama-mkpulu ija Gurara ibak Okwaan̄ Gurara eyi ogoon̄-mun̄ ya okupbe me lek.<ref7> Ofifi inu òkup me ama-mkpulu yi ìre Awak ido eyi Kainji, eyi Oyô Kainji, Awak Anam Bọgu mè Awak Anam Zuguma ekupbe me emen.<ref8>

Nrọnnye[edit source]