Wn/shn/ၽွင်းလူင်ၵၢၼ်ၵႅတ်ႇၵင်ႈ ၵၢၼ်ႇ-ၶႄႇ ၶဝ်သွင်ၵေႃႉ လႆႈဢုပ်ႇဢူဝ်း လွင်ႈႁူမ်ႇလူမ်ႈၵမ်ႇၽႃႇ
ဝၼ်းပုတ်ႉ၊ ဢေႇပရႄႇ 17၊ 2024
မိူဝ်ႈဝၼ်းဢင်းၵၢၼ်းၼၼ်ႉ ၽွင်းလူင်ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ Lloyd Austin ၽွင်းလူင် ၵၢၼ်ၵႅတ်ႇၵင်ႈ ၶႄႇၶဝ် လႆႈၵပ်းၽူင်း ဢုပ်ႇဢူဝ်းၵၼ်မႃးသေ ၼႂ်းၵႃႈ ၶၢဝ်းတၢင်း ၸမ် 17 လိူၼ် ၼႆႉ ၼႆႉပဵၼ် လွင်ႈဢုပ်ႇဢူဝ်း ပွၵ်ႈဢွၼ်တၢင်းသုတ်း တီႈၼႂ်းၵႄႈ ၽွင်းလူင် ၵၢၼ်ၵႅတ်ႇၵင်ႈ မိူင်းသွင်မိူင်းၼၼ်ႉယဝ်ႉ။
ၽွင်းလူင် ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ Austin လႄႈ ၸွမ်သိုၵ်းလူင် တပ်ႉၼမ်ႉ ၶႄႇ Dong Jun ၶဝ် ဢုပ်ႇဢူဝ်း လွင်ႈသိူၵ်ႈသမ်ႇ ၵဵဝ်ႇၵပ်း ၵၢၼ်ၵႅတ်ႇၵင်ႈ၊ တႄႇဢဝ် လွင်ႈရတ်ႈသျႃးၶဝ်ႈတိုၵ်း ယူႇၶရဵၼ်း တေႃႇပေႃးထိုင် လွင်ႈၵၢဝ်းလီႁွင်ႇ ပၢၼ်းၽိတ်း ၸၵႂႃႇ ၸိူဝ်းပဵၼ် လွင်ႈႁူမ်ႇလူမ်ႈ ၵမ်ႇၽႃႇၼၼ်ႉၼႆ ငဝ်ႈငုၼ်းသိုၵ်းပႅၼ်ႇတၵုၼ်ႇ ဢမႄႇရိၵၢၼ်ႇ လႆႈမွၵ်ႇလၢတ်ႈဝႃႈၼၼ်ယဝ်ႉ။
တီႈၼႂ်း ၶေႃႈပိုၼ်ၶၢဝ်ႇဝ် လၢတ်ႈဝႆႉဝႃႈ ၽွင်းလူင် ၵၢၼ်ၵႅတ်ႇၵင်ႈ ဢမႄႇရိၵၢၼ်ႇ လႆႈဝႆႉလွင်ႈၼၵ်းၼႃ ဢုပ်ႇဢူဝ်း တၢင်းလမ်ႇလွင်ႈ တႃႇၼပ်ႉယမ် သုၼ်ႇၵႂႃႇမႃးလွတ်ႈလႅဝ်း ၸွမ်းၼင်ႇၵူတ်းမၢႆၵူႈမိူင်းမိူင်း တီႈ ၼႃႈၼမ်ႉၵူႈမိူင်းမိူင်း ဢိၵ်ႇတင်း ပၢင်ႇလၢႆႇၸၢၼ်းၶႄႇၼၼ်ႉ ဝႃႈၼႆ။
လူင်ပွင်ၸိုင်ႈၶႄႇ ၼႆႉ ၶဝ်မီးၵၢင်ၸႂ် တႃႇၶႂ်ႈၵုမ်းၵမ် သုၼ်ႇၵႂႃႇမႃး တီႈၼႂ်း ပၢင်ႇလၢႆႇၸၢၼ်းၶႄႇသေ သင်ဝႃႈပေႃးလူဝ်ႇမႃး တေဢၢၼ်းၸႂ်ႉဢဵၼ်ႁႅင်းသေ သိမ်းဢဝ်ပႃး ထၢႆႇဝၢၼ်းၵွၼ်ႇ ၼႆယဝ်ႉ။ ၸဝ်ႈၸွမ်ၸိုင်ႈ ၵျူဝ်း ပၢႆႇတႅၼ်ႇ မွၵ်ႇလၢတ်ႈဝႆႉဝႃႈတႄႉ တပ်ႉဢမႄႇရိၵၢၼ်ႇ တေၵႅတ်ႇၵင်ႈပၼ် လွင်ႈတိုၵ်းတေႃးထၢႆႇဝၢၼ်း ဢၼ်တိုဝ်းၵမ် ပိူင်တီႇမူဝ်ႇၶရေႇၸီႇ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း[edit | edit source]
- Xinhua. "Chinese defense minister holds video call with U.S. counterpart" — Xinhua, April 17, 2024
- Al Jazeera and News Agencies. "China, US defence chiefs hold first substantive talks in nearly 18 months" — Aljazeera, April 17, 2024
- Haley Britzky. "Austin speaks with Chinese counterpart in first at-length conversation since 2022" — CNN, April 16, 2024
- Matthew Olay. "Austin Meets Virtually With Chinese Defense Minister for First Time" — United States Department of Defense, April 16, 2024
