Wn/shn/ၽူႈၼမ်းသၽႃးဝႅတ်ႉၼမ်း ထွၼ်တူဝ်ဢွၵ်ႇ တႃၶုၼ်
ဝၼ်းဢႃးတိတ်ႉ၊ ဢေႇပရႄႇ 28၊ 2024
.svg)
ပႃႇတီႇ ၵမ်ဢႃႇၼႃႇ ယၢမ်းလဵဝ် ဢၼ်ပဵၼ် ပႃႇတီႇ ၶွမ်ႇမိဝ်ႇၼိတ်ႉ လႆႈပိုၼ်ၽၢဝ်ႇဝႃႈ ၽူႈၼမ်းသၽႃးဝႅတ်ႉၼမ်း ၼႆႉ လႆႈထွၼ်တူဝ်ဢွၵ်ႇတႃၶုၼ်ႈၵႂႃႇယဝ်ႉဝႃႈၼႆ။ ယွၼ်ႉပိူဝ်ႈမီး လွင်ႈပူၼ်ႉပႅၼ်ပၵ်းပိူင် လႄႈ မီးဝႆႉ တၢင်းယူပ်ႈယွမ်း ၼႆသေ Vuong Dinh Hue လႆႈတုၵ်းယွၼ်း တႃႇထွၼ်တူဝ်ဢွၵ်ႇတီႈ ပုၼ်ႈၽွၼ်း ၽူႈၼမ်းသၽႃးၸိုင်ႈမိူင်း သေ မၼ်းလႆႈဢဝ်ၵၢင်ၸႂ်မၼ်းသေ ထွၼ်တူဝ်ဢွၵ်ႇၵႂႃႇၼႆ လုၵ်ႉတီႈ ၵေႃပွင်ၵၢၼ်ငဝ်ႈငုၼ်း လႆႈပိုၼ်ၽၢဝ်ႇ ဝၢႆးသေ ပၢင်ၵုမ်လူင် ၵေႃပွင်ၵၢၼ်ငဝ်ႈငုၼ်း ပႃႇတီႇ ၶွမ်ႇမိဝ်ႇၼိတ်ႉ ဢၼ်ၸတ်းႁဵတ်း မိူဝ်ႈဝၼ်းသုၵ်း တီႈ လိူၼ်ဢေႇပရႄႇ 26 ဝၼ်းၼၼ်ႉယဝ်ႉ။
လၢတ်ႈဝႃႈ တီႈလွင်ႈၵူတ်ႇထတ်း ၵေႃပွင်ၵၢၼ်ငဝ်ႈငုၼ်းၼၼ်ႉ လႆႈႁၼ်မႃးဝႃႈ လွင်ႈႁဵတ်းသၢင်ႈ Hue ဢၼ်မီးလွင်ႈပူၼ်ႉပႅၼ်ၵူတ်းမၢႆၼၼ်ႉ မၼ်းႁႂ်ႈတိူဝ်ႉၶိူၵ်ႈ ပႃႇတီႇ၊ သလေႇၼႃႈတႃၸိုင်ႈမိူင်း လႄႈ ၽိင်ႈတိုဝ်းၵမ် တူဝ်မၼ်း ဝႃႈၼႆယဝ်ႉ။ လွင်ဢၼ်မၼ်း ထွၼ်တူဝ်ဢွၵ်ႇတီႈ တႃၶုၼ်ၼႆႉ မၼ်းတေ မီးလွင်ႈၵပ်းၵၢႆႇၵၼ်တင်း Pham Thi Ha ဢၼ်ပဵၼ် ၵႅမ်ၽူႈယႂ်ႇ လုမ်းၽူႈၼမ်းသၽႃး ဢၼ်ပဵၼ် ၽူႈၵမ်ႉမၼ်းၵေႃႉၼိုင်ႈ ဢၼ်ထုၵ်ႇတိၺွပ်း မိူဝ်ႈဝၼ်းဢႃးတိတ်ႉ ဢၼ်ၵဵဝ်ႇၵပ်းလူၺ်ႈ လွင်ႈၸႂ်ႉဢႃႇၼႃႇၽိတ်းပိူင်ႈ ၼၼ်ႉ ဝႃႈၼႆယဝ်ႉ။
ၵေႃႉဢၼ်ထုၵ်ႇမၢႆႁၼ်ဝႃႈ ဝၼ်းၼိုင်ႈ တေပဵၼ်မႃး ၽူႈဢွၼ်ႁူဝ် ၸိုင်ႈမိူင်း ၼႆသေတႃႉ ၽွင်းလႆႈထုၵ်ႇထတ်းၸွပ်ႇ ၵဵဝ်ႇလူၺ်ႈ လွင်ႈၵိၼ်သူးၵိၼ်လၢတ်ႈ တီႈ ၵၢၼ်ငၢၼ်းၵႃႉၶၢႆႁိူၼ်းသူၼ်လိၼ် ဢၼ်ၼိုင်ႈသေ ၸင်ႇလႆႈထွၼ်တူဝ်ဢွၵ်ႇၵႂႃႇ ၼင်ႇၼႆယဝ်ႉ။ ၽူႈလဵပ်ႈႁဵၼ်းၵမ်ႈၽွင်ႈ ႁၼ်ထိုင်ဝႃႈတႄႉ ယွၼ်ႉပိူဝ်ႈ လွင်ႈၶႄႉၶဵင်ႇဢႃႇၼႃႇ တီႈၼႂ်း ပႃႇတီႇၶွမ်ႇမိဝ်ႇၼိတ်ႉလႄႈ မၼ်းၸင်ႇလႆႈထွၼ်တူဝ်ဢွၵ်ႇပၼ် ၼႆယဝ်ႉ။
ငိူၼ်ႈငဝ်ႈတိုၼ်း
- Associated Press. "Head of Vietnam’s parliament resigns amid corruption probe" — Associated Press, April 26, 2024
- VOA News. "Vietnam Parliament chief resigns amid anti-corruption probe" — VOA News, April 26, 2024
- Sui-Lee Wee. "Resignation of Vietnam’s Parliament Chief Stirs Fresh Political Chaos" — The New York Times, April 26, 2024
- Aljazeera. "Head of Vietnam’s parliament resigns amid corruption crackdown" — Aljazeera, April 26, 2024
- Khanh Vu လႄႈ Phuong Nguyen. "Vietnam parliament chief quits amid deepening political turbulence" — Reuters, April 26, 2024
