Wn/shn/ၸွမ်ၸိုင်ႈၾီလိပ်ႈပိၼ်း သႄႉသွမ်းၼိူဝ် လွင်ႈၶႄႇတိုၵ်းတေႃး ႁိူဝ်းၾီလိပ်ႈပိၼ်း

ဝၼ်းသုၵ်း၊ မၢတ်ႉၶျ် 29၊ 2024 

ပၢင်ႇလၢႆႇၸၢၼ်းၶႄႇ လႄႈ ပၢင်ႇလၢႆႇ ၾီလိပ်ႈပိၼ်း

ၸွမ်ၸိုင်ႈၾီလိပ်ႈပိၼ်း ၾႃႇတီႇၼၼ်ႇမႃးၵွသ်ႉ မွၵ်ႇလၢတ်ႈ မိူဝ်ႈဝၼ်းၽတ်းၼၼ်ႉဝႃႈ လွင်ႈဢၼ်ၶႄႇ တိုၵ်းတေႃး ႁိူဝ်းၾီလိပ်ႈပိၼ်းလမ်းၼိုင်ႈ တီႈၼႂ်းပၢင်ႇလၢႆႇၸၢၼ်းၶႄႇ ၼၼ်ႉ မၼ်းမီးၽေးၶဵၼ်လူင်သေ တေၶိုၼ်းတွပ်ႇတႅၼ်းၶိုၼ်း ဝႃႈၼႆယဝ်ႉ။

မၼ်းမၢႆထိုင် ဢၼ်တပ်ႉပႂ်ႉၽင်ႇၼမ်ႉၶႄႇ ဢဝ်လွတ်ႇၼမ်ႉသေ သိတ်ႉ ႁိူဝ်းၾီလိပ်ႈပိၼ်း မိူဝ်ႈဝၼ်းသဝ်ၼၼ်ႉသေ မၼ်းတႅမ်ႈဝႆႉတီႈ ၼႃႈလိၵ်ႈသိုဝ်ႇသၢၼ်တူင်ႇၵူၼ်း X မၼ်းဝႃႈ ၼႆႉ မၼ်းပဵၼ် လွင်ႈဢမ်ႇပဵၼ်တၢင်းၵၢၼ်၊ လွင်ႈၸႂ်ႉဢဵၼ်ႁႅင်း၊ လွင်ႈႁႃလိူင်ႈ ဢၼ်မီးၽေးၶဵၼ်ယႂ်ႇ ဝႃႈၼႆႉယဝ်ႉ။ လွင်ႈပဵၼ်ဢၼ်ၼႆႉ ပဵၼ်မႃးတီႈ ဢွင်ႈတီႈ မိူင်းသွင်မိူင်း ထဵင်ၵၼ်ဝႃႈ ပဵၼ်ၶွင်ၵဝ် ၶွင်မႂ်းၼၼ်ႉယဝ်ႉ။

ဢမႄႇရိၵၢၼ်ႇ လႆႈသႄႉသွမ်းၼိူဝ် လွင်ႈႁဵတ်းသၢင်ႈ တပ်ႉပႂ်ႉၽင်ႇၼမ်ႉၶႄႇသေ လႆႈမၢႆထိုင် လိၵ်ႈႁူမ်ႈမၢႆၵၢၼ်ၵႅတ်ႇၵင်ႈ မိူင်းသွင်မိူင်း ဢၼ်လႆႈ ၽွမ်ႉၵၼ်မႃးတင်း ၾီလိပ်ႈပိၼ်း မိူဝ်ႈပီ 1951 ၼၼ်ႉယဝ်ႉ။

ၽူႈမီးသုၼ်ႇလၢတ်ႈ ထၢၼ်ၽွင်းလူင် ၵၢၼ်ၵႅတ်ႇၵင်ႈ မိူင်းၶႄႇ ဝူႇၸိၼ်း မွၵ်ႇလၢတ်ႈမိူဝ်ႈဝၼ်းၽတ်းၼၼ်ႉဝႃႈ ဢၼ်ၾီလိပ်ႈပိၼ်းၶဝ် လီႁူႉဝႆႉၼႆႉ လွင်ႈႁႃလိူင်ႈဢၼ်ဝႃႈၼႆႉ မၼ်းတေပဵၼ်လွင်ႈႁၢႆႉ သေ လွင်ႈလီ၊ လွင်ႈၵမ်ႉထႅမ် ၼွၵ်ႈမိူင်း ဢၼ်ဝႃႈၼၼ်ႉၵေႃႈ မၼ်းဢမ်ႇမီးလွင်ႈထိုင်တီႈသင် ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• VOA News. "ဖိလစ်ပိုင်သင်္ဘော တရုတ်တိုက်ခိုက်မှု ဖိလစ်ပိုင်သမ္မတ ကန့်ကွက်ရှုတ်ချ" — VOA News, March 29, 2024
• Nikkei. "Philippines' Marcos vows response to China's 'attacks'" — Nikkei, March 28, 2024
• Jim Gomez. "Philippine president warns of countermeasures in response to Chinese aggression at sea" — Associated Press, March 28, 2024