Wn/shn/ၶွင်ႇသီႇၽၢႆႇႁူမ်ႇလူမ်ႈ လၢႆႈလုတ်ႈႁၢမ်း တႃႇၵႄႈလိတ်ႈ လိူင်ႈမိူင်းမၢၼ်ႈ
ဝၼ်းဢႃးတိတ်ႉ၊ တီႇသႅမ်ႇပႃႇ 10၊ 2023
ယွၼ်ႉပိူဝ်ႈ လွင်ႈလုတ်ႈႁၢမ်း ၶွင်ႇသီႇၽၢႆႇႁူမ်ႇလူမ်ႈ ၸၢတ်ႈၸိုင်ႈလုမ်ႈၾႃႉလႄႈ ၸိူဝ်းပဵၼ် လွင်ႈသုၵ်ႉယုင်ႈ ၵူႈမိူင်းမိူင်း ဢိၵ်ႇပႃးတင်း လိူင်ႈမိူင်းမၢၼ်ႈၼႆႉ လႆႈပဵၼ် သၢႆငၢႆ ဢၼ်ဢမ်ႇၸၢင်ႈၵႄႈလိတ်ႈ ဝႆႉယူႇၼႆ ၽူႈၼမ်းၼႂ်းလူင်ၸုမ်းၸၢတ်ႈၸိုင်ႈလုမ်ႈၾႃႉ လႆႈမွၵ်ႇလၢတ်ႈပၼ်ၽၢင်ႉဝႆႉယူႇ။ ၶွင်ႇသီႇပၢႆးႁူမ်ႇလူမ်ႈ ဢၼ်တေလႆႈၵႄႈလိတ်ႈ လိူင်ႈၵူႈမိူင်းမိူင်း ၵတ်းၵတ်းယဵၼ်ယဵၼ်ၼႆႉ ယွၼ်ႉပိူဝ်ႈ မီးလွင်ႈပိူင်ႈၸႂ်ၵၼ်ၼိူဝ် လွင်ႈဝၢင်းၽႅၼ် ဢၼ်ၵဵဝ်ႇၵပ်းၼႃႈလိၼ်လႄႈ လႆႈပဵၼ်ဝႆႉ လွင်ႈဢမ်ႇၼိုင်ႈလႆႈဢမ်ႇယၢင်ႈလႆႈယူႇ ဝႃႈၼႆယဝ်ႉ။
ဢႅၼ်ႇတူဝ်ႇၼီႇယူဝ်ႇ ၵူႇတႃႇရႅတ်ႉ ဢၼ်ပဵၼ် ၽူႈၼမ်းၼႂ်းလူင် ၸုမ်းၸၢတ်ႈၸိုင်ႈလုမ်ႈၾႃႉ လႆႈမွၵ်ႇလၢတ်ႈ တီႈ ပၢင်ၵုမ် တီႈ ဝဵင်းတူဝ်ႇႁႃႇ၊ မိူင်းၶႃႇတႃႇ မိူဝ်ႈၼႆႉၼၼ်ႉ ဝႃႈ “ယွၼ်ႉပိူဝ်ႈ လွင်ႈၼႆႉသေ တွၼ်ႈတႃႇႁႃၶေႃႈတွပ်ႇ ၸိူဝ်းပဵၼ် လိူင်ႈ ဢၼ်တႄႇဢဝ် ယူႇၶရဵၼ်း တေႃႇ မိူင်းမၢၼ်ႈ လႄႈ ပွတ်းဢွၵ်ႇတွၼ်ႈၵၢင်ၼႆႉ လႆႈမီးလွင်ႈႁႄႉႁၢမ်ႈဝႆႉယူႇ“ ဝႃႈၼႆယဝ်ႉ။
တီႈမိူင်းမၢၼ်ႈၼႆႉ ယွၼ်ႉပိူဝ်ႈ သိုၵ်းမၢၼ်ႈ လႆႈယိုတ်းဢဝ် ဢၢမ်းၼၢတ်ႈ တီႈ လူင်ပွင်ၸိုင်ႈၵူၼ်းမိူင်း မိူဝ်ႈ ပီ 2021 လိူၼ်ၾႅပ်ႇဝႃႇရီႇယဝ်ႉသေ လႆႈမီးလွင်ႈသုၵ်ႉယုင်ႈဝၢႆးလင်၊ လႆႈမီးလွင်ႈသုၵ်ႉယုင်ႈ လူၺ်ႈ ၸုမ်းယိပ်းၵွင်ႈၵၢင် လႄႈ လွင်ႈၵူၼ်းမိူင်း လႆႈၶၢမ်ႇတၢမ်ႇ ၵၢၼ်သိုၵ်းၼၼ်ႉယဝ်ႉ။ တႄႇဢဝ် မိူဝ်ႈႁူဝ်လိူၼ်ဢွၵ်ႇထူဝ်ႇပႃႇၼၼ်ႉသေ ယွၼ်ႉပိူဝ်ႈ ၸုမ်းယိပ်းၵွင်ႈၵၢင်ၶဝ် လႄႈ ၸိူဝ်းပဵၼ် ႁႅင်းသၢၼ်ၶတ်း လွင်ႈသိမ်းဢၢမ်းၼၢတ်ႈၼၼ်ႉ လႆႈမီးလွင်ႈတိုၵ်းၵၼ်တင်း ၶွင်ႇသီႇသိုၵ်းမၢၼ်ႈလႄႈ တီႈၼႂ်းမိူင်းပတ်ႉပိုၼ်ႉၼႆႉ လႆႈမီးပၢင်တိုၵ်းမႃးသေ ၵူၼ်းမွၵ်ႈ ၶိုင်ႈလၢၼ်ႉၼႆႉၵေႃႈ လႆႈပၢႆႈဢွၵ်ႇယၢၼ်ႁိူၼ်းယၢၼ်ယေး တီႈယူႇတၼ်းသဝ်းဝႆႉယူႇၼႆ လုမ်း UNOCHA လႆႈမီးၶေႃႈပိုၼ်ၽၢဝ်ႇဢွၵ်ႇဝႆႉဝႃႈၼၼ်ယူႇ။
ငိူၼ်ႈငဝ်ႈတိုၼ်း[edit | edit source]
- VOA News. "မြန်မာ့အရေး ဖြေရှင်းဖို့ လုံခြုံရေးကောင်စီပျက်ကွက် (ကုလအတွင်းရေးမှူးချုပ်)" — VOA News, December 10, 2023
