Wn/shn/ဢိတ်ႇသရေး သိုပ်ႇတိုၵ်း ၵႃႇၸႃႇ

ဝၼ်းဢႃးတိတ်ႉ၊ မၢတ်ႉၶျ် 10၊ 2024 

ယွၼ်ႉဢိတ်ႇသရေးၶဝ် တိုၵ်း မိူဝ်ႈဝၼ်းသဝ်ၼၼ်ႉလႄႈ တီႈ ပွတ်းၸၢၼ်းၵႃႇၸႃႇ ဝဵင်းရႃႇၽႃႇၼၼ်ႉ တိူၵ်ႈၵူၼ်းယူႇ ဢၼ်ၼိုင်ႈ လႆႈလူႉလႅဝ်ၵႂႃႇသေ မုင်ႉႁိူၼ်းႁူဝ်သိပ်းမၼ်း လႆႈႁၢမ်းႁိူၼ်းႁၢမ်းယေးၵႂႃႇသေ ယွၼ်ႉပိူဝ်ႈဝႃႈ ဢိတ်ႇသရေးၶဝ် ပိုၼ်ၽၢဝ်ႇဝႆႉ ဢမ်ႇႁိုင်ဢမ်ႇၼၢၼ်း တေဢဝ်ဢဵၼ်ဢဝ်ႁႅင်းသေ ႁၢင်ႈသိုၵ်းတေႃႇၼႆလႄႈ လႆႈတိူဝ်းမီးလွင်ႈလီလႆႈမႆႈၸႂ်ဝႆႉ ဝႃႈၼႆယဝ်ႉ။

ၽၢႆႇဢိတ်ႇသရေးၶဝ်လၢတ်ႈဝႃႈ ပွၵ်ႈဢၼ်ၼႆႉၼႆႉ မၼ်းပဵၼ် ဢွင်ႈတီႈယူႇႁႃးမၢတ်ႉသ်ၶဝ် ၸိူဝ်းဢၼ်ၶဝ် ၶပ်ႉၶိုင် တႃႇတိုၵ်း ဢိတ်ႇသရေး ဝႃႈၼႆယဝ်ႉ။ ယွၼ်ႉလွင်ႈတိုၵ်းဢၼ်ၼႆႉသေ ဢမ်ႇမီး လွင်ႈလူႉတၢႆ လွင်ႈၸဵပ်းမၢတ်ႇသင် ၼင်ႇၵဝ်ႇ။ တိူၵ်ႈဢၼ်ၼႆႉၼႆႉ တင်း လႅၼ်လိၼ် ဢီးၵျိပ်ႈသေ ယၢၼ်ၵၼ် မွၵ်ႈ 500 မီႇတႃႇၼၼ်ႉၵူၺ်း။ ၵူၼ်းဢၼ်ယူႇသဝ်းတီႈၼၼ်ႉ မီးမွၵ်ႈ 300 ၼႆႉသေ ၽၢႆႇဢိတ်းသရေးၶဝ် လႆႈလူင်ႈၼႃႈပၼ်ၽၢင်ႉထႃႈ 30 မိတ်ႉၼိတ်ႉ တႃႇဢွၵ်ႇပၢႆႈတီႈ တိူၵ်ႈၼၼ်ႉၼႆ ၵူၼ်းဢၼ်ယူႇသဝ်းတီႈၼၼ်ႉ ၵေႃႉၼိုင်ႈ လႆႈမွၵ်ႇလၢတ်ႈ ႁွင်ႈၶၢဝ်ႇရၢႆႉတႃႇဝႃႈၼၼ်ယူႇ။

ယွၼ်ႉ ႁႃးမၢတ်ႉသ်ၶဝ် ၶဝ်ႈတိုၵ်း ဢိတ်ႇသရေးလႄႈ ၵူၼ်းလႆႈတၢႆၵႂႃႇ မွၵ်ႈ 1200 သေ တႃႇ 230 ပၢႆၼႆႉ လႆႈထုၵ်ႇတိၺွပ်းၵႂႃႇလႄႈ ဢိတ်ႇသရေးၶဝ် ၶိုၼ်းတိုၵ်း ယႃႇႁႂ်ႈ ႁႃးမၢတ်ႉသ်ၶဝ် ယူႇသဝ်းလႆႈတီႈ ၵႃႇၸႃႇၼၼ်ႉၼႆႉ ယၢမ်းလဵဝ် မီးမႃး 5 လိူၼ်ယဝ်ႉ။

ထၢၼ်ၽွင်းလူင် ပၢႆးယူႇလီ ၵႃႇၸႃႇ ဢၼ်ႁႃးမၢတ်ႉသ်ၶဝ် ၵုမ်းၵမ်ဝႆႉၼၼ်ႉ မွၵ်ႇလၢတ်ႈဝႃႈ ယွၼ်ႉပိူဝ်ႈ လွင်ႈတိုၵ်းၸိူဝ်းၼႆႉလႄႈ ၵူၼ်းပႃးလဵတ်ႈသတၢႆး ဢၼ်လႆႈတၢႆၵႂႃႇ မီးမႃး 3 မိုၼ် 1 ႁဵင်ပၢႆယဝ်ႉဝႃႈၼႆ။ မိူဝ်ႈဝၼ်းသဝ်ၼၼ်ႉ ႁိူဝ်းဢၼ်တၢင်ႇၶဝ်ႈ လႄႈ ၵျုင်ႇ ဢိၵ်ႇတင်း ၶူဝ်းၸွႆႈထႅမ် တွၼ်ႈတႃႇ ၵူၼ်းပိုၼ်ႉတီႈၵႃႇၸႃႇၼၼ်ႉ လုၵ်ႉတီႈ သၢႆႉပရႅတ်ႉသေ ဢွၵ်ႇမႃးယဝ်ႉ ဝႃႈၼႆ။

ငိူၼ်ႈငဝ်ႈတိုၼ်း

• Agence France-Presse. "Israeli Strike on Lebanese House Kills 5, State Media Says" — VOA News, March 9, 2024
• VOA News. "အစ္စရေးတွေ ဂါဇာကို ဆက်လက် တိုက်ခိုက်" — VOA News, March 10, 2024