Jump to content

Wn/shn/ဢိတ်ႇသရေး ယွမ်းႁပ်ႉ ၶေႃႈတၢင်ႇလၢတ်ႈ လင်ႈငမ်းယဵၼ် ၸွမ်ပွင်ၸိုင်ႈပၢႆႇတႅၼ်ႇ

Add links
From Wikimedia Incubator
< Wn | shn
Wn > shn > ဢိတ်ႇသရေး ယွမ်းႁပ်ႉ ၶေႃႈတၢင်ႇလၢတ်ႈ လင်ႈငမ်းယဵၼ် ၸွမ်ပွင်ၸိုင်ႈပၢႆႇတႅၼ်ႇ

ဝၼ်းၸၼ်၊ ၸုၼ်ႇ 3၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!
ပွႆးၼႄၵၢင်ၸႂ် တႃႇၵိုတ်းတိုၵ်းတီႈ ၷႃႇꩡႃႇ (ၶႅပ်းႁၢင်ႈၵဝ်ႇ)

ၽူႈၵႅမ်တူဝ် ၸွမ်ၽွင်းလူင် ဢိတ်ႇသရေး ယိုၼ်ယၼ်မိူဝ်ႈ ၸုၼ်ႇ 2 ၼၼ်ႉဝႃႈ ၸွမ်ၽွင်းလူင်ဢိတ်ႇသရေး ပႅၼ်ႇၸမိၼ်ႇ ၼႄႇတၼ်ႇယႃႇႁု လႆႈႁပ်ႉ ပိူင်ၶွပ်ႇပိုၼ်ႉထၢၼ် ၶေႃႈတၢင်ႇလၢတ်ႈ ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇ ဢၼ်ၵဵဝ်ႇၵပ်းလူၺ်ႈ တႃႇၵိုတ်းတိုၵ်း ဢၼ်ပဵၼ်ယူႇတီႈ ၷႃႇꩡႃႇ တီႈ ထုင်ႉပႃးလဵတ်ႈသတၢႆးၼၼ်ႉ ဝႃႈၼႆယဝ်ႉ။

ၽူႈပၼ်တၢင်းၶႆႈၸႂ် ၵဵဝ်ႇၵပ်းလူၺ်ႈ ပေႃႇလသီႇၵၢၼ်ၼွၵ်ႈမိူင်း Ophir Falk ႁင်း ၸွမ်ၽွင်းလူင် ၼႄႇတၼ်ႇယႃႇႁု လႆႈမွၵ်ႇလၢတ်ႈၵႂႃႇတီႈ ၵၢၼ်ထၢမ်တွပ်ႇ ႁွင်ႈၶၢဝ်ႇ Sunday Times ဢၼ်ပၵ်းသဝ်းတီႈ ပရိတ်ႈတဵၼ်ႇၼၼ်ႉဝႃႈ ၶေႃႈတၢင်ႇလၢတ်ႈ ၸဝ်ႈၸွမ်ၸိုင်ႈပၢႆႇတႅၼ်ႇၼႆႉ ႁူမ်ႈဝႃႈ မၼ်းဢမ်ႇၸႂ်ႈ လွင်ႈပၼ်လွင်ႈဢဝ် ဢၼ်ၶိုၵ်ႉၶႅမ်ႉသေတႃႉ ယွမ်းႁပ်ႉလႆႈယူႇ၊ ဢၼ်ၶႂ်ႈႁႂ်ႈပဵၼ်သေပိူၼ်ႈတႄႉ တႃႇႁႂ်ႈၵူၼ်းၸိူဝ်းထုၵ်ႇၺွပ်းၵႂႃႇၼၼ်ႉ လႆႈလွတ်ႈဢွၵ်ႇမႃး ဝႃႈၼႆယဝ်ႉ။

တီႈၶေႃႈတၢင်ႇလၢတ်ႈ ၸဝ်ႈၸွမ်ၸိုင်ႈပၢႆႇတႅၼ်ႇၼၼ်ႉ မီးလွင်ႈႁူဝ်ယွႆႈတင်းၼမ် ဢၼ်လူဝ်ႇ မူၼ်ႉမႄးမၼ်းယူႇသေ ၵူၺ်းၵႃႈဝႃႈ ဢၼ်ပဵၼ် လွင်ႈယိူင်းဢၢၼ်း ဢိတ်ႇသရေး တႃႇႁႂ်ႈ ၵူၼ်းၸိူဝ်းၺႃးၺွပ်းၵႂႃႇ လႆႈလွတ်ႈဢွၵ်ႇမႃး လႄႈ တႃႇၽဵဝ်ႈမူၺ်ႉပႅတ်ႈ ၸုမ်းႁႃးမၢတ်ႉသ် ဢၼ်ဝႃႈၼၼ်ႉတႄႉ တေဢမ်ႇမီး လွင်ႈလႅၵ်ႈလၢႆႈ ဝႃႈၼႆယဝ်ႉ။

မိူဝ်ႈတႄႇမၼ်း ၸဝ်ႈၸွမ်ၸိုင်ႈပၢႆႇတႅၼ်ႇ လႆႈၵမ်ႉထႅမ်ႁၼ်ထိုင်ၸွမ်း လွင်ႈဢိတ်ႇသရေး တိုၵ်းတေႃး ၸုမ်းႁႃးမၢတ်ႉသ်သေတႃႉ ဝၢႆးလင်မႃး ယွၼ်ႉပိူဝ်ႈ ၵူၼ်းမိူင်းပႃးလဵတ်ႈသတၢႆး လႆႈတၢႆမႃးတင်းၼမ်လႄႈ မိူဝ်ႈလိူၼ်မေႇ 31 ဝၼ်းသုၵ်းၼၼ်ႉ လႆႈလၢတ်ႈဢွၵ်ႇ ၶေႃႈတၢင်ႇလၢတ်ႈပိူင်လငိူ်း ဢၼ်ပႃး ၸၼ်ႉသၢမ်ၸၼ်ႉ တႃႇၵိုတ်း ပၢင်တိုၵ်းၷႃႇꩡႃႇၼၼ်ႉယူႇယဝ်ႉ။

ၸွမ်းလူၺ်ႈ ၶေႃႈတၢင်ႇလၢတ်ႈမၼ်းသေ ၸဝ်ႈၸွမ်ၸိုင်ႈပၢႆႇတႅၼ်ႇ လႆႈမွၵ်ႇလၢတ်ႈမႃးဝႃႈ ဢမ်ႇပႃးလွင်ႈႁႃးမၢတ်ႉသ်ၶဝ် ဢုပ်ႉပိူင်ႇသေ တေၸၢင်ႈၵေႃႇသၢင်ႈ ၷႃႇꩡႃႇ ဢၼ်တေလီၵႂႃႇမိူဝ်းၼႃႈၼၼ်ႉ ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

Retrieved from "https://incubator.wikimedia.org/w/index.php?title=Wn/shn/ဢိတ်ႇသရေး_ယွမ်းႁပ်ႉ_ၶေႃႈတၢင်ႇလၢတ်ႈ_လင်ႈငမ်းယဵၼ်_ၸွမ်ပွင်ၸိုင်ႈပၢႆႇတႅၼ်ႇ&oldid=6298846"