Wn/shn/မုၼ်ၸဝ်ႈၽူပ်ႉ တိုၵ်းသူၼ်းယူႇၶရဵၼ်း ႁႂ်ႈမၼ်းတၢင်းႁတ်းႁၢၼ် ပူၵ်းၸွမ်ပိဝ်ၶၢဝ်သေ ငူပ်ႉငိ
ဝၼ်းၸၼ်၊ မၢတ်ႉၶျ် 11၊ 2024
.svg)
မုၼ်ႈၸဝ်ႈလူင်ၶရိတ်ႉယၢၼ်ႇ ၽူပ်ႉၾရၼ်ႇသိသ်ႉ မွၵ်ႇလၢတ်ႈဝႃႈ ၼင်ႇႁိုဝ် ပေႃးတေၵိုတ်းလႆႈ ပၢင်တိုၵ်း ဢၼ်ၵူၼ်းလႆႈတၢႆႁူဝ်မိုၼ်မၼ်း ဢၼ်ရတ်ႈသျႃးၶဝ် ၶဝ်ႈတိုၵ်းၼၼ်ႉ ၽၢႆႇယူႇၶရဵၼ်းၶဝ် လူဝ်ႇႁတ်းႁၢၼ် တႃႇငူပ်ႉငိၵၼ် ဝႃႈၼႆယဝ်ႉ။ မုၼ်ၸဝ်ႈၽူပ်ႉ ၾရၼ်သိသ်ႉ မွၵ်ႇလၢတ်ႈတီႈ ႁွင်ႈၶၢဝ် RSI သဝိတ်ႉ တီႈၶွင်ႉထၢမ်တွပ်ႇ ဢၼ်တေပိုၼ်ဢွၵ်ႇ မၢတ်ႉၶျ် 20 ဝၼ်းၼၼ်ႉဝႃႈဝႆႉ ၵူၼ်းဢၼ်မီးဢဵၼ်ႁႅင်းသေပိူၼ်ႈဢၼ်ဝႃႈၼႆႉ လူဝ်ႇလႆႈ ထတ်းသၢင်သၢႆငၢႆ၊ လူဝ်ႇလႆႈ ဝူၼ်ႉၶွပ်ႈသွၼ်ႇတႃႇ ၵူၼ်းမိူင်းသေၵေႃႈ လူဝ်ႇမီးတၢင်းႁတ်းႁၢၼ် ပူၵ်းၸွမ်ပိဝ်ၶၢဝ်သေ ငူပ်ႉငိၵၼ် ဝႃႈၼႆယဝ်ႉ။
လွင်ႈငူပ်ႉငီဢၼ်ဝႃးၼႆႉ ပဵၼ်ၶေႃႈၵႂၢမ်း ဢၼ်ႁတ်းႁၢၼ်၊ ၽွင်းမိူဝ်ႈထူပ်းသၢႆငၢႆ တူၵ်းသုမ်းၼၼ်ႉ လွင်ႈငူပ်ႉငိၼႆႉ ဢမ်ႇၸႂ်ႈတၢင်းႁဵတ်းသၢင်ႈ ဢၼ်လီဢၢႆ ဝႃႈၼႆ။ ၶေႃႈၵႂၢမ်းဢၼ်ဝႃႈ ပူၵ်းၸွမ်ပိဝ်ၶၢဝ် ဢၼ်ပဵၼ် ၵႂၢမ်းတၢင် လွင်ႈဝႃႈ ယွမ်းသုမ်းၼၼ်ႉတႄႉ ၽူႈဢဝ်ၶၢဝ်ႇၶဝ် သႂ်ႇပႃးၼႂ်းၶေႃႈတွင်ႈထၢမ်လႄႈ မုၼ်ၸဝ်ႈၽူပ်ႉၵေႃႈ လႆႈၶိုၼ်းဢဝ်ၸႂ်ႉ တီႈ မၼ်းၶိုၼ်းတွပ်ႇ ၽူႈဢဝ်ၶၢဝ်ႇၶဝ်ၼၼ်ႉယဝ်ႉ။
ၵပ်းၵၢႆႇလူၺ်ႈ လွင်ႈယူႇၶရဵၼ်းသေ မိူဝ်ႈဢွၼ်တၢင်းၵေႃႈ မုၼ်ၸဝ်ႈၽူပ်ႉ ယၢမ်းတိုၵ်းသူၼ်းမႃး တႃႇငူပ်ႉငိယူႇၼႆသေတႃႉ မၼ်းဢမ်ႇယၢမ်ႈၸႂ်ႉ ၶေႃႈၵႂၢမ်း ဢၼ်ဝႃႈ တႃႇပူၵ်းၸွမ်ပိဝ်ၶၢဝ် တႃႇယွမ်းသုမ်း မိူၼ်ၼင်ႇၼႆၼင်ႇၵဝ်ႇ။ ဝၢႆးရတ်ႈသျႃးၶဝ် ၶဝ်ႈတိုၵ်း ႁိုင် 2 ပီယဝ်ႉ မုၼ်ၸဝ်ႈၽူပ်ႉၼႆႉ လႆႈပွႆႇ ၽွင်းတၢင်ရႁၢၼ်းဢီႇတႃႇလီႇ Matteo Zuppi ပဵၼ်တူဝ်တၢင် လွင်ႈငမ်းယဵၼ်သေ ၵႂႃႇၸူး ယူႇၶရဵၼ်း၊ ရတ်ႈသျႃး လႄႈ ဢမႄႇရိၵၢၼ်ႇ ၸိူဝ်းၼႆႉယူႇ။
ငိူၼ်ႈငဝ်ႈတိုၼ်း
- VOA News. "အလံဖြူထောင် စေ့စပ်ညှိနှိုင်းရဲတဲ့ သတ္တိရှိဖို့ ယူကရိန်းကို ပုပ်ရဟန်းမင်းကြီးတိုက်တွန်း" — VOA News, March 10, 2024
- Jason Horowitz. "Pope Says Ukraine Should Have the ‘Courage of the White Flag’" — The New York Times, March 9, 2024
- Philip Pullella. "Pope says Ukraine should have 'courage of the white flag' of negotiations" — REUTERS, March 9, 2024
