Wn/shn/ပၢင်ၽိုၵ်းၵၢၼ်သိုၵ်း ငူးႁဝ်ႇၶမ်း ယဝ်ႉတူဝ်ႈၵႂႃႇယဝ်ႉ
ဝၼ်းသဝ်၊ မၢတ်ႉၶျ် 9၊ 2024
.svg)
တီႈ ပၢင်ၽိုၵ်းၵၢၼ်သိုၵ်း ငူးႁဝ်ႇၶမ်း Cobra Gold ဢၼ်မိူင်းဢမႄႇရိၵ လႄႈ မိူင်းထႆး သေဢမ်ႇၵႃး ၸိူဝ်းပဵၼ် မိူင်းဢေးသျႃး ၶဝ်ႈပႃးၸွမ်းတင်းၼမ်ၼႆႉ မိူဝ်ႈဝႃး ဝၼ်းထိ 8 ၼၼ်ႉ ယွၼ်ႉပဵၼ် ဝၼ်းလိုၼ်းသုတ်း လႄႈ ၸင်လႆႈၸႂ်ႉ မၢၵ်ႇဢၼ်တႄႉသေ ၽိုၵ်းၵၢၼ်သိုၵ်းမႃးယဝ်ႉ။
တီႈၵၢၼ်ၽိုၵ်းဝၼ်းၼၼ်ႉၼၼ်ႉ ၶဝ်ႈပႃး ၵူၼ်းသိုၵ်း 137 ၵေႃႉ ၸိူဝ်းဢၼ်ပဵၼ်တီႈ တပ်ႉ မိူင်းထႆး၊ ဢမႄႇရိၵၢၼ်ႇ လႄႈ ၵၢဝ်းလီၸၢၼ်း ၸိူဝ်းၼၼ်ႉသေ လႆႈၽိုၵ်းၵၢၼ်ထူပ်းမိုဝ်း လွင်ႈပိုတ်းယိုဝ်းၵွင်ႈမၢၵ်ႇလူင်၊ ႁိူဝ်းမိၼ်တိုၵ်း ၸိူဝ်းၼႆႉသေ ဢမ်ႇၵႃး ၶဝ်ႈပႃး လွင်ႈၽိုၵ်းၵၢၼ်ႁၢင်ႈသိုၵ်း ၼိူဝ်လိၼ် ၸိူဝ်းၼႆႉယဝ်ႉ။ လွင်ႈႁူမ်ႈႁွမ်း ၽိုၵ်းၵၢၼ်သိုၵ်း ငူးႁဝ်ႇၶမ်းၼႆႉ ပဵၼ်လွင်ႈၽိုၵ်းၵၢၼ်သိုၵ်း ဢၼ်လၢႆလၢႆမိူင်းႁူမ်ႈၵၼ်သေ ၽိုၵ်း ဢၼ်ပီယၢဝ်းၶၢဝ်းႁိုင်သေပိူၼ်ႈ တီႈၼႂ်းလူၵ်ႈသေဢမ်ႇၵႃး တီႈဢေးသျႃး ၸဵင်ႇၸၢၼ်းဝၼ်းဢွၵ်ႇၼႆႉၵေႃႈ ပဵၼ်လွင်ႈၽိုၵ်းၵၢၼ်သိုၵ်း ဢၼ်ယႂ်ႇသေပိူၼ်ႈသေ လုၵ်ႉတီႈ မိူင်း 30 မိူင်း ႁႅင်းၵူၼ်းသိုၵ်း ၶဝ်ႈပႃႈ 9000 ပၢႆၼႆႉ လႆႈဢွၵ်ႇတႄႇၽိုၵ်း တႄႇဢဝ် မိူဝ်ႈ လိူၼ်ၾႅပ်ႇဝႃႇရီႇ 26 ဝၼ်းတေႃႇ လိူၼ်မၢတ်ႉၶျ် ဝၼ်းထိ 8 ၼၼ်ႉယဝ်ႉ။
ၽွင်းမိူင်း လွင်ႈႁူမ်ႇငမ်းၶႄႇ တိူဝ်းယႂ်ႇမႃး တီႈၼႂ်းပိုၼ်ႉတီႈၼၼ်ႉ ၼႆႉ မၼ်းပဵၼ် လွင်ႈတူင်ႉၼိုင်ပိူင်လူင် ဢၼ်ၼိုင်ႈ ဢၼ်ဢမႄႇရိၵၢၼ်ႇ လႄႈ မိူင်းဢေးသျႃး ၸိူဝ်းပဵၼ်မိူင်းဢူၺ်းလီမၼ်း လႆႈႁူမ်ႈၵၼ်ႁဵတ်းသၢင်ႈၼၼ်ႉယဝ်ႉ။ လွင်ႈၽိုၵ်းၵၢၼ်သိုၵ်း ငူးႁဝ်ႇၶမ်းပီၼႆႉ မၼ်းပဵၼ် လွင်ႈႁၢင်ႈႁႅၼ်း တွၼ်ႈတႃႇ ၸိူဝ်းဢၼ်ႁူပ်ႉထူပ်းၺႃးယူႇ ယၢမ်းလဵဝ် ၼႆႉၵေႃႈၸႂ် ပဵၼ်တွၼ်ႈတႃႇ ဢၼ်လူင်ႈၼႃႈႁၢင်ႈႁႅၼ်းဝႆႉ ၸိူဝ်းဢၼ်တေ ၸၢင်ႈပဵၼ်မႃးလႆႈ မိူဝ်းၼႃႈၼၼ်ႉၵေႃႈၸႂ်ႈၼႆ ဢၼ်ပဵၼ် ၽွင်းလူင်ဢမႄႇရိၵၢၼ်ႇ ဢၼ်ၵဵဝ်ႇၵပ်းမိူင်းထႆး Robert Godec လႆႈမွၵ်ႇလၢတ်ႈဝႃႈၼၼ်ယဝ်ႉ။
မိူင်းမျၢၼ်ႇမႃႇ ဢၼ်မီးလွင်ႈသိူၵ်ႈသမ်ႇၸမ်ၵၼ်တင်း ထႆးၼၼ်ႉတႄႉ မိူဝ်ႈပၢင်ၽိုၵ်းၵၢၼ်သိုၵ်း ငူးႁဝ်ႇၶမ်း ဢၼ်ပူၼ်ႉမႃးၼၼ်ႉတႄႉ လႆႈႁဵတ်းပဵၼ် ၽူႈလဵပ်ႈႁဵၼ်းသေ ယၢမ်ႈၶိုၼ်ႈႁွတ်ႈမႃးသေတႃႉ ဝၢႆးသေ တပ်ႉသိုၵ်းမၢၼ်ႈ ယိုတ်းဢႃႇယႃႇယဝ်ႉ ဢမ်ႇလႆႈႁၼ် ၶဝ်ႈပႃးမႃး။ ထၢၼ်ၽွင်းလူင် ၽၢႆႇၵႅတ်ႇၵင်ႈ မိူင်းၶႄႇ လႆႈမွၵ်ႇလၢတ်ႈတီႈ ၶၢဝ်ႇရၢႆႇတႃႇဝႃႈတႄႉ ၶဝ်လႆႈၶဝ်ႈပႃးတီႈ လွင်ႈၽိုၵ်း ၵၢၼ်ပၼ်တၢင်းၽူတ်ႇၸွႆႈလွင်ႈၵူၼ်း ဝႃႈၼႆယဝ်ႉ။
ငိူၼ်ႈငဝ်ႈတိုၼ်း[edit | edit source]
- VOA News. "ရွှေမြွေဟောက် စစ်ရေးလေ့ကျင့်မှု ပြီးဆုံး" — VOA News, February 8, 2024
