Wn/shn/တီႈသၽႃးထႆး တေဢုပ်ႇဢူဝ်း လွင်ႈမျၢၼ်ႇမႃႇ

ဝၼ်းၽတ်း၊ ၾႅပ်ႇဝႃႇရီႇ 29၊ 2024 

ႁူင်းႁေႃ သၽႃးထႆး

ပေႃးထိုင် လိူၼ်မၢတ်ႉၶ်ျ ဝၼ်းထိ 2 လႄႈ 3 မႃး တီႈသၽႃးထႆး တေၸတ်းႁဵတ်း ပၢင်ဢုပ်ႇဢူဝ်း ဢၼ်မီးႁူဝ်ၶေႃႈဝႃႈ “မျၢၼ်ႇမႃႇ လႄႈ ၽွၼ်းယွၼ်ႉ မျၢၼ်ႇမႃႇ ၼိူဝ် ပၢႆးႁူမ်ႇလူမ်ႈ တီႈ လႅၼ်လိၼ်ထႆး“ ဢၼ်ဝႃႈၼၼ်ႉသေ တီႈပၢင်ၵုမ်ၼၼ်ႉ ၽွင်းလူင် ၽၢႆႇၵၢၼ်ၼွၵ်ႈမိူင်းထႆး လႄႈ ၽူႈမီးပုၼ်ႈၽွၼ်း ၽၢႆႇၸုမ်းလူင်ပွင်ၸိုင်ႈမိူင်းထႆးၶဝ် တေ ၶိုၼ်ႈႁွတ်ႈသေ ဢၼ်လၢၵ်ႇလၢႆးတႄႉၵေႃႈ လႆႈၽိတ်ႈမွၵ်ႇပႃး ႁႅင်းတီႇမူဝ်ႇၶရေႇၸီႇမျၢၼ်ႇမႃႇ ၼၼ်ႉယဝ်ႉ။ တွၼ်ႈတႃႇပဵၼ် ပၢင်ၵုမ်ၼႆႉ ၵေႃႉဢၼ်ပဵၼ် ႁူဝ်ၼႃႈ ပႃႇတီႇ Move Forward ဢၼ်ပဵၼ် Pita Limjaroenrat ၵေႃႉဢၼ်ႁူဝ်ၶပ်ႉၶိုင်သေ တူဝ်မၼ်းၵေႃႈ တေ ၶဝ်ႈႁူမ်ႈပႃးလႄႈ ပၢင်ၵုမ်ဢၼ်ၼႆႉ တေ မီးၽွၼ်းယွၼ်ႈမၼ်းမႃးသင်။ၸင်ႇလႆႈ တွင်ႈထၢမ်ဝႆႉ ၸိူဝ်းတေ ဢွၼ်ႁူဝ်ဢုပ်ႇဢူဝ်းၵၼ်ၵႂႃႇ ဢၼ်ပဵၼ် ၽွင်းလူင်ၵဝ်ႇ ၵၢၼ်ၼွၵ်ႈမိူင်းထႆး Kasit Piromya၊ ၽွင်းလူင်ၵၢၼ်ၼွၵ်ႈမိူင်း NUG လႄႈ ၽူႈၶဝ်ႈၶွင်ႇၸီႇၵိူဝ်းၵုမ် လွင်ႈၽွမ်ႉႁူမ်ႈၸိူဝ်ႉၸၢတ်ႈ NUCC ၸိူဝ်းၼၼ်ႉယဝ်ႉ။

တီႈပၢင်ဢုပ်ႇဢူဝ်း တေႁဵတ်း ဝၼ်းၸၼ် လႄႈ ဝၼ်းဢႃးတိတ်ႉ တေမႃး ဢၼ်ပၼ်ဝႆႉႁူဝ်ၶေႃႈဝႃႈ "ၶၢဝ်းတၢင်း 3 ပီ ဝၢႆးသိမ်းဢႃႇၼႃႇ" ၼၼ်ႉ ၽွင်းလူင်ၵဝ်ႇ ၵၢၼ်ၼွၵ်ႈမိူင်းထႆး Kasit Piromya တေမီး တႃႇမွၵ်ႇလၢတ်ႈၶေႃႈၵႂၢမ်းပိုတ်ႇပၢင် တီႈ ဝၼ်းထိသွင်သေ မၼ်းမွၵ်ႇလၢတ်ႈဝႆႉ ဝႃႈၼင်ႇၼႆ။

"ၼႆႉ ပဵၼ် လွင်ႈတႄႇႁဵတ်း ဢၼ်ၵိုင်ႇလီႁဵတ်းၼၼ်ႉယဝ်ႉ။ တႅၼ်းၽွင်းသၽႃးပႃႇလီႇမႅၼ်ႇထႆး ဢွၼ်ၵၼ်တႄႇႁဵတ်းၵႂႃႈ။ ပဵၼ် ပႃႇတီႇ Move Forward ၶဝ်ၵေႃႉဢွၼ်ႁဵတ်းယူဝ်ႉ။ ၶဝ်ၸၼ်လႆႈ ၶပ်ႉမၢႆ ဢၼ်ၶိုၵ်ႉၶႅမ်ႉတဵမ်ထူၼ်ႈလီၼၼ်ႉယူႇ။ ၶဝ်ၽိတ်ႈမွၵ်ႇလႆႈ ၽူႈၸိူဝ်းလမ်ႇလွင်ႈ တီႈၼႂ်း လူင်ပွင်ၸိုင်ႈထႆးၼၼ်ႉယဝ်ႉ။ ပိူင်လူင်မၼ်း ၶႃႈထင်ႇတႄႉ ၶဝ်ၽိတ်ႈမွၵ်ႇဝႆႉ ၽွင်းလူင်ၵၢၼ်ၼွၵ်ႈမိူင်းထႆး၊ ၸွမ်ပွင်သိုၵ်းထႆး၊ ၽူႈၼမ်းၼႂ်းလူင် ၶွင်ႇၸီႇၽၢႆႇႁူမ်ႇလူမ်ႈထႆး ၸိူဝ်းၼႆႉယဝ်ႉ။ ယွၼ်ႉၼၼ်လႄႈ တေဝႃႈလႆႈ ၶဝ်ၽိတ်ႈဝႆႉ ၽၢႆႆႇၵၢၼ်ၼွၵ်ႈမိူင်းသေဢမ်ႇၵႃး ၶဝ်ႈပႃး ၸဝ်ႈၼႃႈတီႈထၢၼ်ႈသုင် တီႈ လူင်ပွင်ၸိုင်ႈထႆးၵူႈထၢၼ်ႈထၢၼ်ႈၼၼ်ႉယဝ်ႉ။ ဢၼ်ႁဵတ်းၼင်ႇတေႃႈလဵဝ်ၼႆႉ မၼ်းပဵၼ် လွင်ႈႁဵတ်းမႅၼ်ႈ ၸွမ်းၶၢဝ်းမၼ်းၼၼ်ႉယဝ်ႉ။ တွၼ်ႈတႃႇ လွင်ႈၸိူဝ်းပဵၼ်ယူႇတီႈၼႂ်းမျၢၼ်ႇမႃႇၼၼ်ႉ ပေႃးတေၵိုတ်းယိုတ်းၵႂႃႇၼၼ်ႉ မၼ်းပဵၼ် ၶၢဝ်းယၢမ်း ဢၼ်ၽၢႆႇလူင်ပွင်ၸိုင်ႈထႆးၶဝ် လူဝ်ႇလႆႈတႄႇႁဵတ်းၵႂႃႇယဝ်ႉ။"

တီႈပၢင်ဢုပ်ႇဢူဝ်း ဢၼ်တေႁဵတ်း တီႈ လိူၼ်မၢတ်ႉၶျ် 2 လႄႈ 3 ၶၢဝ်းတၢင်းသွင်ဝၼ်း ဢၼ်မီးႁူဝ်ၶေႃႈဝႃႈ “မျၢၼ်ႇမႃႇ လႄႈ ၽွၼ်းယွၼ်ႉ မျၢၼ်ႇမႃႇ ၼိူဝ် ပၢႆးႁူမ်ႇလူမ်ႈ တီႈ လႅၼ်လိၼ်ထႆး“ ၼၼ်ႉ တီႈ ဝၼ်းထူၼ်ႈၼိုင်ႈၼၼ်ႉ ၽွင်းလူင်ၵၢၼ်ၼွၵ်ႈမိူင်း လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ဢၼ်ပဵၼ် တေႃႇၸိၼ်ႇမႃႇဢွင်ႇ တေပဵၼ် ၽူႈဢုပ်ႇဢူဝ်းၵႂႃႇသေ မၼ်း လႆႈမွၵ်ႇလၢတ်ႈဝႃႈဝႆႉၼင်ႇၼႆ။

"လွင်ႈဢၼ်လူင်ပွင်ၸိုင်ႈထႆး တေႁဵတ်းၼႆႉ မၼ်းပဵၼ်လွင်ႈတေၶိုၼ်းႁဵတ်း ploicy re-orientation လႄႈ တီႈ ၽၢႆႇသၽႃးလႄႈသင် တီႈၽၢႆႇၸုမ်း ၸိူဝ်းႁဵတ်းယူႇ advocacy လႄႈသင်၊ ယဝ်ႉၵေႃႈ ၵူၼ်းၽၢႆႇလူင်ပွင်ၸိုင်ႈလႄႈသင်၊ ၸိူဝ်းဢၼ်ၵဵပ်းႁွမ် သဵင်ၸိူဝ်းၼႆႉယူႇၼၼ်ႉၵေႃႈ လူဝ်ႇၶိုၼ်းႁဵတ်း policy formulation ၶႃႈၵႂႃႈ။ ယွၼ်ႉၼၼ်လႄႈ ၸင်ႇလႆႈႁဵတ်းပၢင်ဢုပ်ႇဢူဝ်းၸိူင်ႉၼႆၼႆ လႆႈပွင်ႇၸႂ်ဝႆႉဝႃႈၼႆဢေႃႈ။ ဢမ်ႇၸႂ်ႈဝႃႈ ပွႆးၼႆႉဢၼ်လဵဝ်ၵူၺ်း။ ဝူင်ႈဝၢင်ႈၼႆႉၵူၺ်းတီႈမိူင်းထႆးၼႆႉ ဢၼ်ႁဵတ်းပၢင်ဢုပ်ႇဢူဝ်း ဢၼ်ၵဵဝ်ႇၵပ်းလူၺ်ႈ မျၢၼ်ႇမႃႇၼႆႉ မီးယူႇ သီႇႁႃႈႁူၵ်းပၢင်ယဝ်ႉၼႆ ၽၢင်ႉႁၼ်မႅၼ်ႈၺႃးယူႇ။ ထိုင်တေႃႈလဵဝ်ၵေႃႈ တိုၵ်ႉဢွၼ်ၵၼ်ႁဵတ်း sounding ယူႇ။ ၶႃႈႁၼ်ထိုင်ဝႃႈ ၶဝ်တိုၵ်ႉဢွၼ်ၵၼ်ႁဵတ်း advocate ယူႇၼႆယဝ်ႉ။

လိူဝ်သေၼၼ်ႉဢမ်ႇၵႃး ဢၼ်ပဵၼ် ၽူႈၶဝ်ႈၶွင်ႇၸီႇၵိူဝ်းၵုမ် လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUCC ဢၼ်ပဵၼ် ဢူးတူဝ်းၵျေႃႇလႅင်ႇ ဢၼ်တေဢုပ်ႇဢူဝ်း တီႈ ၽၢႆႇတႂ်ႈႁူဝ်ၶေႃႈၵၢၼ်မိူင်းၼၼ်ႉ မၼ်းၵေႃႈ မွၵ်ႇလၢတ်ႈၼႄ လွင်ႈလၢၵ်ႇလၢႆး ပၢင်ၵုမ်ၼႆႉယူႇ။

"ပွႆးၼႆႉ မၼ်းပဵၼ် ဢၼ် သၽႃးထႆး လႆႈၽိတ်ႈမွၵ်ႇပဵၼ်တၢင်းၵၢၼ် ပဵၼ်ပွၵ်ႈဢွၼ်တၢင်းသုတ်း ၸိူဝ်းပဵၼ် ႁဵင်းလုၵ်ႉၽိုၼ်ႉ ၸိူဝ်းပဵၼ် ၶွင်ႇၸီႇၵိူဝ်းၵုမ်ၽွမ်ႉႁူမ်ႈၸိူဝ်ႉၸၢတ်ႈ NUCC၊ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ၸိူဝ်းၼၼ်ႉယဝ်ႉ။ တီႈသၽႃးထႆးၵေႃႈ ဢၼ်ပဵၼ် ပႃႇတီႇ Move Forward ၼႆႉ ပဵၼ်ဢၼ် ဢွင်ႇပႄႉဝႆႉဢွင်ႈတီႈတင်းၼမ်။ ၼႆႉ မၼ်းပဵၼ် လွင်ႈၶဝ် ၼႄၸႅင်ႈလႅင်းလီဝႃႈ ၶဝ်ၶႂ်ႈႁႂ်ႈ မီးလွင်ႈလႅၵ်ႈလၢႆႈ တီႇမူဝ်ႇၶရေႇၸီႇ တီႈ မိူင်းမျၢၼ်ႇမႃႇဢၼ်ဝႃႈၼၼ်ႉ ႁၼ်ၸႅင်ႈလႅင်းလီယူႇ။ ၽၢႆႆလူင်ပွင်ၸိုင်ႈထႆးတႄႉ တေမီးၵၢင်ၸႂ်ၸိူင်ႉႁိုဝ် ဢၼ်ဝႃႈၼၼ်ႉတႄႉ ႁဝ်းၶႃႈ ဢမ်ႇပႆႇလႆႈႁူႉၵွၼ်ႇ။ လွင်ႈလၢၵ်ႇလၢႆး ပၢင်ဢုပ်ႇဢူဝ်းၼႆႉ တေမီးမႃးၸိူင်ႉႁိုဝ် ဢၼ်ဝႃႈၼၼ်ႉတႄႉ တေမီးတီႈ သၽႃးထႆး လႄႈ လူင်ပွင်ၸိုင်ႈထႆးၶဝ် ဢုပ်ႇဢူဝ်းငူပ်ႉငိၵၼ်ၼၼ်ႉယဝ်ႉ။"

ၽွင်းလူင်ၵဝ်ႇ ၵၢၼ်ၼွၵ်ႈမိူင်းထႆး Kasit ဢၼ်တေဢွၵ်ႇလၢတ်ႈၶေႃႈၵႂၢမ်းပိုတ်ႇပၢင် တီႈ လိူၼ်မၢတ်ႉၶျ် 3 ဝၼ်းၼၼ်ႉ မၼ်းလႆႈသပ်းလႅင်းၼႄ တၢင်းလမ်ႇလွင်ႈ လွင်ႈဝႃႈယွၼ်ႉသင်လႄႈ တေလႆႈႁဵတ်းပၢင်ဢုပ်ႇဢူဝ်း ဢၼ်ၼႆႉ မိူၼ်ၼင်ႇ ယၢမ်းတေႃးလဵဝ်ၼႆႉ ၼၼ်ႉယဝ်ႉ။

"ဢၼ်လုၵ်ႉၽၢႆႇမျၢၼ်ႇမႃႇ မီးၽွၼ်းယွၼ်ႉမႃးၼိူဝ် လွင်ႈသိူၵ်ႈသမ်ႇ ထႆးမျၢၼ်ႇမႃႇၼႆႉ ပေႃးတေလႆႈၸႅင်ႈၸႅင်ႈၼႆ ၽၢႆႇမျၢၼ်ႇမႃႇၼႆႉ မီးလွင်ႈတိူဝ်ႉၶိူၵ်ႈၼိူဝ် လႅၼ်လိၼ် ထႆး-မျၢၼ်ႇမႃႇၼၼ်ႉယဝ်ႉ။ ၵူၼ်းၽၢႆႇၽေး၊ ၵူၼ်းယွၼ်းယူႇသဝ်းယွၼ်ႉလူၺ်ႈၵၢၼ်မိူင်း၊ ယဝ်ႉၵေႃႈ လွင်ႈႁဵတ်းသၢင်ႈလွင်ႈၵေႃႇၵၢၼ်ႁၢႆႉ ၸိူဝ်းၼႆႉ ၽႅဝ်မႃးတီႈ လႅၼ်လိၼ်ယဝ်ႉ။ ယွၼ်ႉၼၼ်လႄႈ ၽၢႆႇထႆးၵေႃႈ ပိူင်လူင်မၼ်း သၽႃးထႆးၼႆႉ ပဵၼ်ၶၢဝ်းယၢမ်းတွၼ်ႈတႃႇ လႅၵ်ႈလၢႆႈတၢင်းႁၼ်ထိုင် ၸိူဝ်းဢၼ်လုၵ်ႉတီႈ ၸဝ်ႈၼႃႈတီႈလမ်ႇလွင်ႈ ၵူႈထၢၼ်ႈထၢၼ်ႈ တီႈၼႂ်း လူင်ပွင်ၸိုင်ႈထႆး မႃးလႄႈသင်၊ ၸိူဝ်းပဵၼ် တၢင်းၶႆႈၸႂ် ၽူႈလူင်ႉလႅၼ်ႇၼွၵ်ႈမိူင်းၶဝ်ၸိူဝ်းၼႆႉလႄႈသင် ၼႆႉမၼ်းပဵၼ်ၶၢဝ်းယၢမ်းလီမၼ်းယဝ်ႉ။ ဢမ်ႇၵႃးဝႃႈ လူင်ပွင်ၸိုင်ႈထႆး၊ ၸိူဝ်းပဵဵဵၼ် ဢသီးယႅၼ်ႇ၊ လႄႈ ႁွမ်းမိုဝ်းၵၼ်တင်း ၵူႈမိူင်းမိူင်းသေ တေလူဝ်ႇလႆႈႁႃႈ သဵၼ်ႈတၢင်း ႁႂ်းလွင်ႈပိုတ်းယိုဝ်းၵၼ်တီႈၼႂ်းမိူင်းမျၢၼ်ႇမႃႇ လႆႈၵိုတ်းၵႂႃႇသေ ႁႂ်ႈႁႃလႆး သဵၼ်ႈတၢင်း လွင်ႈငမ်းယဵၼ် ၼၼ်ႉယဝ်ႉ။

ၽွင်းလူင်ၵဝ်ႇ ၵၢၼ်ၼွၵ်ႈမိူင်းထႆႈ Kasit လႆႈသိုပ်ႇသပ်းလႅင်းၼိူဝ် ၶေႃႈထၢမ် ၽွၼ်းယွၼ်ႈ ဢၼ်မီးမႃးတီႈ ပၢင်ဢုပ်ႇဢူဝ်းၼၼ်ႉ မၼ်းသိုပ်ႇဝႃႈၼႆ။

"တေပဵၼ် ပၢင်ဢုပ်ႇဢူဝ်း ဢၼ်ၶိုၵ်ႉလိုၵ်ႉယူႇ။ လႆႈမုင်ႈမွင်းဝႆႉဝႃႈ တေမီးလွင်ႈတၢင်းသေဢၼ်ဢၼ် ဢၼ်တေဢွၵ်ႇမႃးလႆႈၼၼ်ႉယူႇ။ လူင်ပွင်ၸိုင်ႈထႆးၼႆႉ ၶဝ်ၽၢင်ႉႁၼ်မႅၼ်ႈၺႃးဝႃႈ လၵ်းၵၢၼ်ဢၼ်မီးဝႆႉတီီီီီီီီီႈမျၢၼ်ႇမႃႇယၢမ်းလဵဝ်ၼၼ်ႉ မၼ်းဢမ်ႇပဵၼ်ၵၢၼ်ဢၼ်ဝႃႈၼၼ်ႉသေ လႆႈမုင်ႈမွင်းဝႆႉ တႃႇၶိုၼ်းမႄးငူပ်ႉငိသဵၼ်ႈတၢင်းၶိုၼ်းယူႇ။ ယွၼ်ႉသင်ၼႆ ၸိူဝ်းဢၼ်ပဵၼ်ယူႇတီႈ မျၢၼ်ႇမႃႇၼၼ်ႉ မိူင်းၵမ်ႉပႃႈၼမ် တီႈၵူႈမိူင်းမိူင်းၼၼ်ႉ မၼ်းပဵၼ်လွင်ႈတၢင်း ဢၼ်ဢမ်ႇယွမ်းႁပ်ႉလႆႈလူး။ တေႃႈတူဝ်ၶႃႈၵေႃႈ ၶႃႈပေႃးၸႂ်သဵင်ႈၼိူဝ် လၵ်းၵၢၼ်လူင်ပွင်ၸိုင်ႈထႆး တေႃႈလဵဝ် လႄႈ ဢၼ်ပူၼ်ႉမႃးၼၼ်ႉယူႇယဝ်ႉ။ မၼ်းဢမ်ႇပဵၼ် လွင်ႈၵမ်ႉထႅမ်သင် တွၼ်ႈတႃႇ ၵူၼ်းမိူင်းမျၢၼ်ႇမႃႇ ဢၼ်ၶႂ်ႈလႆႈ တီႇမူဝ်ႇၶရေႇၸီႇၼၼ်ႉသင်လူး။"

ပေႃးၼၼ် ၼင်ႇႁိုဝ် မၼ်းတေမီးလွင်ႈၵမ်ႉထႅမ်မႃးၼၼ်ႉ ၶႂ်ႈပၼ်တၢင်းၶႆႈၸႂ်ၸိူဝ်ႉႁိုဝ်ၼႆ ၽွင်းလူင်ၵဝ်ႇ Kasit ဝႃႈ မၼ်းၶႂ်ႈပၼ်တၢင်းၶႆႈၸႂ် ႁႂ်ႈထူပ်း ႁဵင်းတီႇမူဝ်ႇၶရေႇၸီႇ လႄႈ ႁဵင်းၸၢဝ်းၶိူဝ်း ၸိူဝ်းလမ်ႇလွင်ႈၼၼ်ႉ ႁႂ်ႈပဵၼ်တၢင်းၵၢၼ် ဝႃႈၼႆယဝ်ႉ။

ၽွင်းလူင်ၵဝ်ႇ Kasit ၶိုၼ်းတွပ်ႇၼိူဝ် လွင်ႈဢၼ်ထၢမ်ဝႃႈ ၵဵဝ်ႇၵပ်းလူၺ်ႈ လူင်ပွင်ၸိုင်ႈထႆး ဢမ်ႇထူပ်းၵၼ်တင်း ၽၢႆႇၸိူဝ်းဢၼ်လမ်ႇလွင်ႈၼၼ်ႉ ၸွင်ႇမီး ၶေႃႈၵႂၢမ်းသင် ဢၼ်ၶႂ်ႈလၢတ်ႈၸူး လူင်ပွင်ၸိုင်ႈထႆး ဢၼ်ဝႃႈၼၼ်ႉ -

"ၵူၼ်းမိူင်း တီႈၼႂ်းမိူင်းမျၢၼ်ႇမႃႇၼၼ်ႉ ဢွၼ်ၵၼ် လႆႈတၢႆယူႇယဝ်ႉ။ ၵူၼ်းမိူင်း လႆႈတႄႇဢိုပ်းၶဝ်ႈၼမ်ႉတၢင်းၵိၼ် ယႃႈယႃၸိူဝ်းၼႆႉၵေႃႈ တႄႇႁႃယၢပ်ႇမႃးယဝ်ႉ။ ၶဝ်လူဝ်ႇတၢင်းၸွႆႈထႅမ်ယူႇယဝ်ႉ။ ၵူၼ်းမိူင်းတီႈၼၼ်ႈ ၶဝ်လူဝ်ႇႁႂ်ႈ လွင်ႈပိုတ်းယိုဝ်းၵၼ်ၼၼ်ႉ ၵိုတ်းၵမ်းလဵဝ်ယူႇယဝ်ႉ။ ပေႃးတေလုၵ်ႉဢဝ်တီႈ ၵူၼ်းမိူင်းထႆးသေ လၢတ်ႈၸႅင်ႈလႅင်းၼႆ ၸိူဝ်းပဵၼ် ၵူၼ်းႁဵတ်းၵၢၼ်မိူင်း ထႆး၊ ၸိူဝ်းပဵၼ် ၸဝ်ႈၼႃႈတီႈ လူင်ပွင်ၸိုင်ႈ ထႆးၶဝ် တေဢွၼ်ၵၼ် ပွႆႇဝႆႉ ဢၼ်ၵူၼ်းၼႂ်းမိူင်းမျၢၼ်ႇမႃႇ လႆႈထူပ်းယူႇၼၼ်ႉႁႃႉ။ ႁဝ်းၶႃႈၼႆႉ ပဵၼ်ၵူၼ်းၶႃႈဢေႃႈ။ တွၼ်ႈတႃႇ ၵူၼ်းတေႃႇၵူၼ်း လူဝ်ႇၸွႆႈထႅမ်ၵၼ်ၼႆႉ ႁဝ်းၶႃႈ လီတႄႇႁဵတ်းၵႂႃႇယဝ်ႉ။ တွၼ်ႈတႃႇ ၵူၼ်းမိူင်းမျၢၼ်ႇမႃႇ၊ ဢူၺ်းၵေႃႉႁဝ်း ၸိူဝ်းလူဝ်ႇတၢင်းၸွႆႈထႅမ်ယူႇၼၼ်ႉ ႁဝ်းလူဝ်ႇလႆႈဢွၼ်ၵၼ် တႄႇႁဵတ်းၵႂႃႇယဝ်ႉ။"

လွင်ႈဢၼ် တၢမ်တူဝ် ၽွင်းလူင်ၵၢၼ်ၼွၵ်ႈမိူင်းထႆး တေၶိုၼ်ႈႁွတ်ႈ တီႈ ပၢင်ဢုပ်ႇဢူဝ်းၼႂ်းသၽႃးထႆးၼႆႉ ၽၢႆႇၶွင်ႇၸီႇသိုၵ်းမၢၼ်ႈၶဝ် တေမီးလွင်ႈဢမ်ႇႁၢၼ်ႉၸႂ်သေ တွၼ်ႈတႃႇ ယႃႇႁႂ်ႈၶိုၼ်ႈၼၼ်ႉၵေႃႈ ၶဝ်တေၸၢင်ႈလွမ်ပၼ် ႁဵင်းတဵၵ်းယူႇၼႆ ၽူႈၸိူဝ်းၸမ်ၵၼ်တင်း ပၢင်ဢုပ်ႇဢူဝ်းၼႆႉ လႆႈၸီႉၼႄဝႆႉယူႇ။

ငိူၼ်ႈငဝ်ႈတိုၼ်း

• Win Min. "မြန်မာ့အရေး ထိုင်းလွှတ်တော်မှာ ဆွေးနွေးမည်" — VOA News, February 29, 2024