Wn/nan/香港教育局：元旦、七一佮國慶日 中小學須升國旗唱國歌

【2020年6月19日訊】

廣東省潮州市職業技術學校升起中華人民共和國國旗。

香港教育局向香港所有中小學發出通知，要求學校佇慶祝元旦、七一回歸日佮國慶日的活動時，必須升國旗（中華人民共和國國旗）、唱國歌（義勇軍進行曲），香港的國際學校佮教職員嘛適用仝款定準。

《國歌條例》佇《香港政府憲報》發佈生效了後，教育局向全港所有中小學發函，要求學校必須提供機會予學生學習唱國歌，閣愛教導學生國歌的歷史、精神佮唱國歌的禮數。教育局亦強烈建議學校踮開學日、開放日佮畢業典禮等重要的日子佮特別場合，升掛國旗、區旗並且奏唱國歌。

教育局發言人強調，國旗、國歌佮國徽攏是一个國家的象徵佮標誌，逐位公民攏應該尊重。教育局嘛表示，若學生的行為有偏差，應該根據學校的情形進行處理，而且提供培訓佮諮詢策略，包括了解原因，提供指導、跟綴。假使範勢嚴重，學校無法度處理，應考慮請警察鬥相共。

消息來源

• 教育局向全港學校發通告 指慶祝七一等活動須升國旗唱國歌，《無線新聞》，2020年06月18日．
• 教育局向中小學發指引　規定元旦、七一、國慶活動必須奏國歌，《立場新聞》，2020年06月18日．
• 教育局，教育局就展示國旗和區旗及奏唱國歌向學校提供指引，《香港特別行政區政府新聞公報》，2020年06月18日．
• 謝婉貞，《基本法》頒布三十周年　教育局加強推廣《憲法》和《基本法》教育，《香港教育局》，2020年06月19日．