Wn/nan/Hiong-káng Kàu-io̍k-kio̍k: Goân-tàn, Chhit-it kah kok-khèng-ji̍t tiong-sió-ha̍k su seng kok-kî chhiùⁿ kok-koa
 | 這篇新聞有漢字的版本。 參考這篇新聞的漢字版本。 |
【2020 nî 6 goe̍h 19 ji̍t sìn】
Hiong-káng Kàu-io̍k-kio̍k hiòng Hiong-káng só͘-ū tiong-sió-ha̍k hoat-chhut thong-ti, Goân-tàn, Chhit-it Huê-kui-ji̍t kah kok-khèng-ji̍t ê oa̍h-tāng sî, pit-su seng kok-kî (Tiong-hôa Jîn-bîn Kiōng-hô-kok kok-kî), chhiùⁿ kok-koa (Gī-ióng-kun Chìn-hêng-khek), Hiong-káng ê kok-chè ha̍k-hāu kah kàu-chit-oân mā sek-iōng kāng-khoán tēng-chún.
Kok-koa Tiâu-lē tī Hiong-káng Tsìng-hú Hiàn-pò hoat-pò͘ seng-hāu liáu-āu, Kàu-io̍k-kio̍k hiòng choân Káng só͘-ū tiong-sió-ha̍k hoat-hâm, iau-kiû ha̍k-hāu pit-su thê-kiong ki-hōe hō͘ ha̍k-seng ha̍k-si̍p chhiùⁿ kok-koa, koh ài kàu-tō ha̍k-seng kok-koa ê le̍k-sú, cheng-sîn kah chhiùⁿ kok-koa ê lé-sò͘. Kàu-io̍k-kio̍k e̍k kiông-lia̍t kiàn-gī ha̍k-hāu tiàm khai-ha̍k-ji̍t, khai-hòng-ji̍t kah pit-gia̍p tián-lé téng tiōng-iàu ê ji̍t-chí kah te̍k-pia̍t tiûⁿ-ha̍p, seng-kòa kok-kî, khu-kî pēng-chhiáⁿ chàu-chhiùⁿ kok-koa.
Kàu-io̍k-kio̍k huat-giân-jîn kiông-tiāu, kok-kî, kok-kua kah kok-hui lóng-sī tsi̍t ê kok-ka ê siōng-ting kah piau-tsì, ta̍k-uī kong-bîn lóng ìng-kai tsun-tiōng. Kàu-io̍k-kio̍k mā piáu-sī, ná ha̍k-sing ê hîng-uî ū phian-tsha, ing-kai kin-kì ha̍k-hāu ê tsîng-hîng tsìn-hîng tshú-lí, jî-tshiánn thê-kiong puê-hùn kah tsu-sûn tshik-lio̍k, pau-kuah liáu-kái guân-in, thê-kiong tsí-tō, kun-tè. Ká-sú pān-sè giâm-tiōng, ha̍k-hāu bô-huat-tōo tshú-lí, ing khó-lū tshiánn kíng-tshat tàu-sann-kāng.
消息來源
[edit | edit source]- 教育局向全港學校發通告 指慶祝七一等活動須升國旗唱國歌，《無線新聞》，2020年06月18日．
- 教育局向中小學發指引 規定元旦、七一、國慶活動必須奏國歌，《立場新聞》，2020年06月18日．
- 教育局，教育局就展示國旗和區旗及奏唱國歌向學校提供指引，《香港特別行政區政府新聞公報》，2020年06月18日．
- 謝婉貞，《基本法》頒布三十周年 教育局加強推廣《憲法》和《基本法》教育，《香港教育局》，2020年06月19日．