Wn/cdo/莆仙語電子詞典起鼓錄裡

【2019年5月20號訊】

莆仙語維基新聞其消息。舊底莆仙方言因爲無蜀本系统其詞典，野価愛好者共學其儂，學其時候無乇會通參考。若有电子化其詞典，通過輸入普通話其詞轉換做莆仙方言對應其詞，甚至附有錄音，就會方便野価。

按莆仙語維基新聞其講法，《莆仙方言簡明詞彙》者本書，雖然伓是系統其詞典，做學習其参考，也是盡好。者本書，用字、註音下了盡価功夫，用字大部分共本字差不多，後首使用其儂力可想而知。註音方式使其是比較權威其國際音標。漢語族方言比較專業其詞典，使IPA去註音是慣例，因爲伊對發音其標記比較準。但是㑚有書對於愛好者共學習者來講，復是有仂囝摳氣，尤其是IPA，野価儂儥仈由底所學會着，總款就𣍐讀。

現刻時有蜀隻將《莆仙方言簡明詞彙》只本書電子化其計劃。者計劃是借微信小程序完成查字詞功能，目的是讓卜瞭解母語其愛好者復有卜學莆仙語其學習者有蜀隻可以參考其途徑，故有利於莆仙語其發展。

仱錄入工作已經起鼓，都領有十一隻儂報名參加，完成進度已經過半。